| ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠭᠠᠭᠢᠯ ᠰᠤᠮᠤᠨ ᠤ ᠡᠷᠢᠶᠠᠨᠪᠤᠯᠠᠭ ᠭᠠᠴᠠᠭᠠᠨ ᠤ ᠠᠪᠤᠷᠭᠤ ᠮᠠᠯᠴᠢᠨ | ᠪᠠᠳᠮᠠᠰᠠᠷᠠᠩ ᠭᠤᠸᠠᠢ ᠪᠤᠯ ᠤᠷᠤᠨ ᠨᠤᠳᠤᠭ ᠲᠠᠭᠠᠨ ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠵᠤ | ᠠᠮᠵᠢᠯᠳᠠ ᠤᠯᠤᠬᠰᠠᠨ ᠭᠦᠮᠦᠨ ᠶᠤᠮ᠃ ᠳᠡᠳᠡᠨ ᠤ ᠬᠢᠨ 1999 ᠤᠨ ᠳᠤ ᠦᠭᠡᠷ ᠰᠦᠷᠦᠭ ᠲᠡᠭᠡᠨ ᠭᠦᠪᠦᠷᠡᠯ | ᠰᠢᠯᠵᠢᠭᠦᠯᠦᠨ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠤᠨ ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠤᠬᠰᠠᠨ ᠠᠴᠠ ᠤᠳᠤ | ᠪᠤᠯᠬᠤ ᠳᠤ ᠨᠢᠭᠡᠨᠳᠡ 17 ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠤ᠂ 200 ᠭᠠᠷᠤᠢ ᠦᠭᠡᠷ ᠨᠢ ᠪᠦᠷ ᠴᠡᠪᠡᠷ ᠡᠭᠦᠯᠳᠡᠷ ᠤᠨ | ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠪᠤᠯᠵᠠᠢ᠃ 17 ᠵᠢᠯ ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠬᠤ ᠶᠠᠪᠤᠴᠠ | ᠳᠤᠮᠳᠠ ᠪᠠᠳᠮᠠᠰᠠᠷᠠᠩ ᠭᠤᠸᠠᠢ ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠮᠠᠯᠵᠢᠬᠤ ᠦᠷᠡ ᠠᠰᠢᠬ᠂ ᠵᠠᠷᠤᠳᠠᠯ ᠪᠠᠷᠢᠳᠠᠯ ᠤᠨ ᠳᠤᠬᠠᠢ | ᠨᠠᠷᠢᠨ ᠤᠢᠢᠯᠠᠭᠠᠯᠳᠠ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠭᠦᠢᠳᠡᠨ ᠳᠤ ᠳᠠᠭᠠᠭᠠᠴᠠᠳᠠᠢ᠂ | ᠪᠡᠯᠴᠢᠭᠡᠷ ᠤᠰᠤᠨ ᠳᠤ ᠠᠮᠠᠷᠬᠠᠨ ᠳᠠᠰᠬᠤ᠂ ᠡᠪᠡᠳᠴᠢᠨ ᠭᠡᠮ ᠢ ᠡᠰᠡᠷᠭᠦᠴᠡᠭᠦ ᠴᠢᠳᠠᠪᠤᠷᠢ ᠰᠠᠶᠢᠨ ᠵᠢᠴᠢ ᠫᠧᠩ | ᠬᠤᠷᠤᠭᠠᠨ ᠳᠤ ᠬᠤᠷᠢᠬᠤ ᠳᠤ ᠮᠦᠷᠭᠦᠯᠳᠦᠭᠦ ᠦᠭᠡᠢ ᠵᠡᠷᠭᠡ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ ᠪᠤᠯᠬᠤᠷ ᠦᠵᠦᠮᠦᠴᠢᠨ ᠤ | ᠳᠠᠯᠠ ᠨᠤᠳᠤᠭ ᠲᠤ ᠨᠡᠯᠢᠶᠡᠳ ᠳᠤᠭᠢᠷᠠᠳᠠᠭ᠃ ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠨᠤᠳᠤᠭ ᠤᠨ ᠦᠭᠡᠷ ᠢ ᠪᠤᠳᠤᠪᠠᠯ ᠭᠠᠷ | ᠬᠠᠷᠠᠨᠠ᠃ ᠳᠠᠷᠤᠢ ᠡᠪᠤᠯ ᠬᠠᠪᠤᠷ ᠤᠨ ᠴᠠᠭ ᠲᠤ ᠢᠯᠡᠭᠦᠭᠡᠨ ᠳᠡᠵᠢᠭᠡᠵᠤ ᠪᠤᠷᠳᠤᠬᠤ ᠭᠡᠷᠡᠭᠳᠠᠢ ᠪᠠᠶᠢᠳᠠᠭ ᠶᠤᠮ᠃ ︽ | ᠵᠢᠯ ᠤᠨ ᠦᠡᠭᠭᠡ᠂ ᠪᠡᠯᠴᠢᠭᠡᠷ ᠤᠰᠤ ᠵᠡᠷᠭᠡ ᠪᠠᠨ ᠦᠵᠡᠵᠤ ᠦᠭᠡᠷ ᠰᠦᠷᠦᠭ ᠢᠶᠠᠨ 100 — 150 ᠬᠤᠨᠤᠭ | ᠳᠡᠵᠢᠭᠡᠳᠡᠭ᠃ ᠶᠡᠷᠤᠨᠢ ᠦᠷᠯᠦᠭᠡ ᠤᠷᠤᠢ ᠳᠠᠭᠠᠨ ᠳᠡᠵᠢᠭᠡᠵᠤ ᠡᠳᠤᠷ ᠤᠨ ᠨᠢᠭᠡ ᠦᠭᠡᠷ ᠤᠨ 10 ᠵᠢᠩ ᠡᠪᠡᠰᠤ | ᠦᠭᠭᠦᠨᠡ᠃ ᠳᠤᠭᠤᠯᠯᠠᠬᠤ ᠦᠨᠢᠶᠡ᠂ ᠶᠠᠳᠠᠷ ᠳᠤᠷᠤᠢ ᠮᠠᠯ ᠵᠡᠷᠭᠡ ᠳᠡᠭᠡᠨ ᠡᠳᠤᠷ ᠲᠤ 3 — 5 ᠵᠢᠩ ᠪᠤᠷᠳᠤᠭᠠ | ᠦᠭᠳᠡᠭ᠃ ᠡᠳᠡᠭᠡᠷ ᠦᠭᠡᠷ ᠨᠤᠳᠤᠭ ᠤᠨ ᠦᠭᠡᠷ ᠢ ᠪᠤᠳᠤᠪᠠᠯ ᠭᠠᠷ ᠬᠠᠷᠠᠨᠠ ᠰᠢᠤ᠂ ᠡᠪᠤᠯ ᠬᠠᠪᠤᠷ ᠲᠠᠭᠠᠨ ᠰᠠᠶᠢᠨ | ᠳᠡᠵᠢᠭᠡᠭᠦ ᠦᠭᠡᠢ ᠪᠤᠯ ᠠᠮᠠᠷᠬᠠᠨ ᠡᠴᠡᠵᠤ ᠳᠤᠷᠠᠨᠠ︾ ᠭᠡᠵᠤ ᠪᠠᠳᠮᠠᠰᠠᠷᠠᠩ ᠭᠤᠸᠠᠢ ᠮᠠᠨ ᠳᠤ ᠶᠠᠷᠢᠯᠠ᠃ ᠨᠢᠭᠡ | ᠤᠯᠠᠭᠠᠨ ᠠᠩᠭᠢᠰ ᠦᠨᠢᠶᠡ ᠶᠢ ᠡᠪᠦᠯᠵᠢᠭᠦᠯᠭᠦ ᠳᠤ ᠦᠨᠦ ᠵᠢᠯ ᠤᠨ ᠡᠪᠡᠰᠤ ᠪᠤᠷᠳᠤᠭᠠᠨ ᠤ ᠦᠨᠡ ᠪᠠᠷ ᠪᠤᠳᠤᠪᠠᠯ | 1725 ᠲᠦᠭᠦᠷᠢᠭ ᠤᠷᠤᠨᠠ᠃ ᠡᠭᠦᠨ ᠤ ᠳᠡᠭᠡᠷᠡ ᠭᠡᠭᠡᠯᠳᠦᠭᠦᠯᠭᠡ ᠶᠢᠨ ᠰᠦᠢᠳᠭᠡᠯ 200 ᠲᠦᠭᠦᠷᠢᠭ᠂ | ᠤᠭᠢᠶᠠᠯᠳᠠ ᠴᠢᠳᠬᠤᠯᠳᠠ᠂ ᠬᠤᠷᠤᠬᠠᠢ ᠳᠠᠭᠤᠬᠤ ᠰᠦᠢᠳᠭᠡᠯ 5 ᠲᠦᠭᠦᠷᠢᠭ᠂ ᠤᠰᠤᠨ ᠤ ᠵᠠᠷᠤᠳᠠᠯ 50 | ᠲᠦᠭᠦᠷᠢᠭ ᠵᠢᠴᠢ ᠨᠤᠳᠤᠭ ᠪᠡᠯᠴᠢᠭᠡᠷ ᠤᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠵᠠᠷᠤᠳᠠᠯ 80 ᠲᠦᠭᠦᠷᠢᠭ ᠵᠡᠷᠭᠡ ᠪᠠᠨ | ᠨᠡᠮᠡᠪᠡᠯ ᠡᠳ᠋ ᠪᠤᠳᠠᠰ ᠤᠨ ᠳᠠᠯᠠ ᠶᠢᠨ ᠵᠠᠷᠤᠳᠠᠯ ᠮᠦᠡᠭᠭᠦ 2060 ᠲᠦᠭᠦᠷᠢᠭ ᠤᠷᠴᠢᠮ ᠤᠷᠤᠨᠠ᠃ ᠪᠠᠳᠮᠠᠰᠠᠷᠠᠩ | ᠭᠤᠸᠠᠢ ᠶᠢᠨ ᠬᠢᠨ ᠦᠭᠡᠷ ᠰᠦᠷᠦᠭ ᠳᠡᠭᠡᠷᠡ ᠪᠠᠨ ᠭᠦᠯᠦᠰᠦᠨ ᠤ ᠭᠦᠮᠦᠨ ᠵᠠᠷᠤᠳᠠᠭ ᠦᠭᠡᠢ ᠪᠠᠶᠢᠵᠤ᠂ ᠦᠪᠡᠷᠳᠡᠭᠡᠨ | ᠠᠷᠠᠴᠢᠯᠠᠨ ᠮᠠᠯᠵᠢᠳᠠᠭ ᠪᠤᠯᠬᠤᠷ ᠭᠦᠴᠦᠨ ᠤ ᠭᠦᠮᠦᠨ ᠤ ᠭᠦᠯᠦᠰᠦ ᠭᠡᠵᠤ ᠪᠠᠶᠢᠳᠠᠭ ᠦᠭᠡᠢ᠃ ᠵᠦᠪᠭᠡᠨ ᠦᠪᠡᠷ ᠤᠨ | ᠭᠦᠴᠤ ᠭᠦᠳᠡᠯᠮᠦᠷᠢ ᠶᠢᠨ ᠵᠠᠷᠤᠳᠠᠯ ᠯᠡ ᠪᠠᠶᠢᠵᠤ᠂ ᠪᠠᠷᠤᠭ ᠨᠢᠭᠡ ᠦᠭᠡᠷ ᠤᠨ 100 ᠲᠦᠭᠦᠷᠢᠭ ᠤᠷᠴᠢᠮ | ᠨᠤᠬᠳᠠᠳᠠᠭ᠃ ᠢᠡᠭᠭᠢᠵᠤ ᠪᠤᠳᠤᠵᠤ ᠦᠵᠡᠪᠡᠯ᠂ ᠮᠠᠯᠴᠢᠨ ᠪᠠᠳᠮᠠᠰᠠᠷᠠᠩ ᠤᠨ ᠮᠠᠯᠵᠢᠵᠤ ᠪᠠᠶᠢᠭᠠ ᠤᠯᠠᠭᠠᠨ ᠠᠩᠭᠢᠰ | ᠦᠭᠡᠷ ᠤᠨ ᠳᠡᠵᠢᠭᠡᠨ ᠦᠷᠡᠵᠢᠭᠦᠯᠭᠦ ᠦᠷᠳᠡᠭ ᠨᠢ ᠳᠡᠭᠰᠢᠳᠭᠡᠭᠡᠳ 2160 ᠲᠦᠭᠦᠷᠢᠭ ᠤᠷᠴᠢᠮ ᠳᠤ ᠭᠦᠷᠳᠡᠭ | ᠪᠠᠶᠢᠨᠠ᠃ ᠡᠭᠦᠨ ᠳᠤ ᠬᠠᠮᠤᠭ ᠶᠡᠭᠡ ᠵᠠᠷᠤᠳᠠᠯ ᠮᠦᠡᠭᠭᠦ ᠨᠢ ᠡᠪᠡᠰᠤ ᠪᠤᠷᠳᠤᠭᠠᠨ ᠤ ᠵᠠᠷᠤᠳᠠᠯ ᠮᠦᠡᠭᠭᠦ ᠪᠠᠶᠢᠵᠤ᠂ ᠪᠦᠭᠦ | ᠵᠠᠷᠤᠳᠠᠯ ᠮᠦᠡᠭᠭᠦ ᠶᠢᠨ 79% ᠶᠢ ᠡᠵᠡᠯᠡᠵᠤ ᠪᠤᠢ᠃ ᠳᠡᠳᠡᠨ ᠤ ᠦᠭᠡᠷ ᠰᠦᠷᠦᠭ ᠤᠨ ᠤᠷᠤᠯᠭᠠ ᠨᠢ ᠭᠤᠤᠯᠳᠠᠭᠤ | ᠦᠭᠡᠷ ᠢᠶᠠᠨ ᠬᠤᠳᠠᠯᠳᠤᠨ ᠪᠤᠷᠤᠯᠠᠭᠤᠯᠬᠤ ᠠᠴᠠ ᠢᠷᠡᠳᠡᠭ᠃ ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠨᠤᠳᠤᠭ ᠤᠨ ᠦᠭᠡᠷ ᠢ | ᠪᠤᠳᠤᠪᠠᠯ ᠦᠨᠡ ᠬᠠᠨᠭ᠍ᠰᠢ ᠪᠠᠷ ᠦᠨᠳᠦᠷ ᠪᠠᠶᠢᠵᠤ᠂ ᠪᠤᠰᠤᠳ ᠲᠦᠷᠦᠯ ᠤᠨ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠪᠤᠯᠬᠤ ᠱᠠᠷᠦ᠋ᠯᠠᠢ᠂ | ᠰᠢᠮᠧᠨ᠋ᠲ᠋ᠡᠷ᠂ ᠬᠠᠷᠠ ᠠᠩᠭᠢᠰ ᠵᠡᠷᠭᠡ ᠶᠢᠨ ᠡᠭᠦᠯᠳᠡᠷ ᠠᠴᠠ ᠳᠤᠳᠠᠳᠠᠭ ᠦᠭᠡᠢ᠃ ᠦᠨᠦ ᠵᠢᠯ ᠪᠠᠳᠮᠠᠰᠠᠷᠠᠩ ᠤᠨ ᠬᠢᠨ | 15 ᠪᠢᠷᠠᠭᠤ ᠪᠠᠨ 10 ᠲᠦᠮᠡᠨ ᠲᠦᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠬᠰᠠᠨ ᠠᠴᠠ ᠦᠵᠡᠪᠡᠯ᠂ ᠨᠢᠭᠡ ᠪᠢᠷᠠᠭᠤ ᠨᠢ | ᠳᠡᠭᠰᠢᠳᠭᠡᠭᠡᠳ 6600 ᠢᠯᠡᠭᠦᠦ ᠲᠦᠭᠦᠷᠢᠭ ᠲᠤ ᠭᠦᠷᠴᠠᠢ᠃ ︽ᠦᠨᠦ ᠵᠢᠯ ᠦᠭᠡᠷ ᠤᠨ ᠦᠨᠡ ᠲᠦᠷᠦᠭᠦᠦ | ᠭᠡᠳᠤᠨ ᠵᠢᠯ ᠠᠴᠠ ᠪᠠᠨ ᠳᠤᠤᠷᠠ ᠪᠤᠯᠪᠠᠴᠤ ᠪᠠᠰᠠ ᠪᠤᠯᠴᠢᠬᠠᠨᠠ᠃ ᠮᠠᠨ ᠤ ᠳᠤᠭᠤᠯ ᠳᠤ ᠮᠠᠶᠢᠮᠠᠶᠢᠴᠢᠳ 4000 | ᠢᠯᠡᠭᠦᠦ ᠲᠦᠭᠦᠷᠢᠭ ᠤᠨ ᠦᠨᠡ ᠦᠭᠴᠤ ᠪᠠᠶᠢᠨᠠ᠃ ᠪᠢ ᠪᠤᠯ 5000 ᠲᠦᠭᠦᠷᠢᠭ ᠲᠤ ᠭᠦᠷᠭᠡᠭᠦ ᠰᠠᠨᠠᠭᠠᠳᠠᠢ ᠯᠡ | ᠪᠠᠶᠢᠨᠠ᠃ ᠦᠭᠡᠷ ᠢ ᠮᠢᠬᠠᠨ ᠤ ᠴᠢᠭᠯᠡᠯ ᠪᠡ ᠮᠠᠯᠵᠢᠯ ᠤᠨ ᠴᠢᠭᠯᠡᠯ ᠢᠶᠠᠷ ᠬᠤᠳᠠᠯᠳᠤᠬᠤ ᠳᠤ ᠦᠨᠡ ᠨᠢ ᠠᠳᠠᠯᠢ ᠦᠭᠡᠢ | ᠪᠠᠶᠢᠳᠠᠭ᠃ ᠡᠷᠡ ᠳᠤᠭᠤᠯ ᠢᠶᠠᠨ ᠪᠤᠬᠠᠨ ᠳᠤᠭᠤᠯ ᠢᠶᠠᠷ ᠵᠠᠷᠤᠬᠤ ᠳᠤ 1 ᠲᠦᠮᠡ 3000 ᠲᠦᠭᠦᠷᠢᠭ ᠴᠤ ᠭᠦᠷᠴᠤ | ᠪᠠᠶᠢᠬᠰᠠᠨ᠃ ᠵᠢᠯ ᠵᠢᠯ ᠤᠨ ᠦᠨᠠ ᠬᠠᠨᠭ᠍ᠰᠢ ᠠᠳᠠᠯᠢ ᠦᠭᠡᠢ ᠪᠤᠯᠬᠤᠷ ᠦᠭᠡᠷ ᠰᠦᠷᠦᠭ ᠠᠴᠠ ᠢᠷᠡᠭᠦ ᠤᠷᠤᠯᠭᠠ ᠴᠤ | ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ︾ ᠭᠡᠵᠤ ᠪᠠᠳᠮᠠᠰᠠᠷᠠᠩ ᠶᠠᠷᠢᠨᠠ᠃ ᠮᠠᠯᠴᠢᠨ ᠪᠠᠳᠮᠠᠰᠠᠷᠠᠩ ᠭᠤᠸᠠᠢ ᠠᠷᠪᠠᠭᠠᠳ ᠵᠢᠯ | ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠢ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠬᠤ ᠶᠠᠪᠤᠴᠠ ᠳᠤᠮᠳᠠ ᠪᠠᠨ ᠭᠡᠭᠡᠯᠳᠦᠭᠦᠯᠭᠡ ᠶᠢᠨ ᠠᠵᠢᠯ ᠢ | ᠴᠢᠩᠭᠠ ᠠᠳᠬᠤᠵᠤ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠵᠠᠯᠠᠵᠤ ᠠᠪᠴᠢᠷᠠᠨ ᠭᠡᠭᠡᠯᠳᠦᠭᠦᠯᠭᠡ ᠭᠢᠳᠡᠭ᠃ ᠡᠨᠡ ᠵᠢᠯ ᠮᠦᠨ ᠬᠤᠶᠠᠷ | ᠰᠠᠷᠠ ᠶᠢᠨ 1 ᠲᠦᠮᠡ 2000 ᠲᠦᠭᠦᠷᠢᠭ ᠢᠶᠠᠷ ᠭᠠᠳᠠᠨᠠ ᠠᠴᠠ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠵᠠᠯᠠᠵᠤ ᠠᠪᠴᠢᠷᠠᠨ | ᠦᠨᠢᠶᠡᠨ ᠳᠡᠭᠡᠨ ᠭᠡᠭᠡᠯᠳᠦᠭᠦᠯᠭᠡ ᠭᠢᠵᠠᠢ᠃ ᠭᠡᠪᠡᠴᠤ ᠡᠨᠡ ᠵᠢᠯ ᠭᠠᠩ ᠭᠠᠴᠢᠬ ᠪᠤᠯᠤᠬᠰᠠᠨ ᠠᠴᠠ ᠦᠨᠢᠶᠡᠨ ᠤ | ᠤᠷᠤᠭᠠ ᠤᠷᠤᠬᠤ ᠶᠢ ᠨᠦᠯᠦᠭᠡᠯᠡᠨ᠂ ᠭᠠᠷ ᠭᠡᠭᠡᠯᠳᠦᠭᠦᠯᠭᠡ ᠶᠢᠨ ᠤᠷᠤᠬᠰᠢᠳᠠᠢ ᠶᠠᠪᠤᠬᠳᠠᠬᠤ ᠶᠢ ᠴᠤ ᠨᠦᠯᠦᠭᠡᠯᠡᠭᠰᠡᠨ | ᠠᠵᠢ᠃ ︽ᠦᠷᠡ ᠶᠢ ᠨᠢ ᠬᠤᠰᠢᠭᠤᠨ ᠠᠴᠠ ᠮᠠᠨ ᠳᠤ ᠬᠠᠨᠭ᠍ᠭᠠᠵᠤ ᠦᠭᠳᠡᠭ ᠪᠤᠯᠬᠤᠷ ᠡᠨᠡ ᠳᠠᠯᠠ ᠶᠢᠨ ᠵᠠᠷᠤᠳᠠᠯ ᠢ | ᠪᠠᠭᠠ ᠪᠤᠰᠤ ᠠᠷᠪᠢᠯᠠᠵᠤ ᠦᠭᠭᠦᠭᠰᠡᠨ᠃ ᠡᠨᠡ ᠵᠢᠯ ᠭᠠᠩ ᠭᠠᠴᠢᠬ ᠪᠤᠯᠤᠬᠰᠠᠨ ᠠᠴᠠ ᠭᠡᠭᠡᠯᠳᠦᠭᠦᠯᠭᠡ ᠶᠢᠨ ᠠᠵᠢᠯ ᠳᠤ | ᠶᠡᠭᠡ ᠨᠦᠯᠦᠭᠡ ᠪᠤᠯᠵᠤ᠂ ᠮᠠᠨ ᠤ ᠬᠢ ᠵᠦᠪᠭᠡᠨ ᠬᠤᠷᠢᠭᠠᠳ ᠦᠨᠢᠶᠡᠨ ᠳᠤ ᠯᠡ ᠭᠡᠭᠡᠯᠳᠦᠭᠦᠯᠭᠡ ᠭᠢᠵᠤ ᠳᠡᠶᠢᠯᠦᠭᠰᠡᠨ᠃ | ᠰᠢᠯᠢᠳᠡᠭ ᠡᠭᠦᠯᠳᠡᠷ ᠤᠨ ᠦᠭᠡᠷ ᠮᠠᠯᠵᠢᠬᠤ ᠳᠤ ᠭᠡᠭᠡᠯᠳᠦᠭᠦᠯᠭᠡ ᠶᠢᠨ ᠠᠵᠢᠯ ᠢ ᠰᠠᠶᠢᠨ ᠭᠢᠭᠦ ᠭᠡᠷᠡᠭᠳᠠᠢ︾ ᠭᠡᠵᠤ | ᠪᠠᠳᠮᠠᠰᠠᠷᠠᠩ ᠳᠤᠷᠰᠢᠯᠭᠠ ᠪᠠᠨ ᠳᠠᠨᠢᠯᠴᠠᠭᠤᠯᠤᠨᠠ᠃ ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠢ ᠠᠷᠠᠴᠢᠯᠠᠨ ᠮᠠᠯᠵᠢᠬᠤ ᠳᠤ ᠬᠠᠮᠤᠭ | ᠶᠡᠭᠡ ᠵᠠᠷᠤᠳᠠᠯ ᠪᠤᠯ ᠳᠠᠷᠤᠢ ᠡᠪᠡᠰᠤ ᠪᠤᠷᠳᠤᠭᠠᠨ ᠤ ᠵᠠᠷᠤᠳᠠᠯ ᠪᠤᠯᠤᠨᠠ᠃ ᠳᠡᠶᠢᠮᠤ ᠠᠴᠠ ᠤᠯᠠᠭᠠᠨ ᠠᠩᠭᠢᠰ ᠦᠭᠡᠷ ᠢ | ᠮᠠᠯᠵᠢᠬᠤ ᠵᠠᠷᠤᠳᠠᠯ ᠢ ᠪᠠᠭᠠᠰᠬᠠᠬᠤ ᠭᠡᠪᠡᠯ ᠡᠪᠡᠰᠤ ᠪᠤᠷᠳᠤᠭᠠᠨ ᠤ ᠠᠰᠠᠭᠤᠳᠠᠯ ᠢ ᠦᠪᠡᠷᠳᠡᠭᠡᠨ ᠰᠢᠢᠳᠪᠦᠷᠢᠯᠡᠵᠤ᠂ ᠡᠨᠡ | ᠳᠠᠯᠠ ᠶᠢᠨ ᠦᠷᠳᠡᠭ ᠢ ᠪᠠᠭᠤᠷᠠᠭᠤᠯᠬᠤ ᠳᠠᠯᠠ ᠪᠠᠷ ᠢᠯᠡᠭᠦᠭᠡᠨ ᠠᠷᠭᠠ ᠤᠬᠠᠭᠠᠨ ᠰᠦᠪᠡᠭᠴᠢᠯᠡᠭᠦ ᠭᠡᠷᠡᠭᠳᠠᠢ ᠶᠤᠮ᠃ | ᠳᠡᠶᠢᠮᠤ ᠳᠡᠭᠡᠨ ᠪᠠᠳᠮᠠᠰᠠᠷᠠᠩ ᠭᠤᠸᠠᠢ ᠴᠠᠭᠢᠯᠭᠠᠨ ᠤᠷᠤᠪᠠᠯ ᠨᠤᠭᠤᠭᠠᠨ ᠳᠠᠷᠤᠰᠢ ᠶᠢᠨ ᠳᠠᠯᠠᠪᠠᠢ ᠪᠠᠨ | ᠠᠰᠢᠬᠯᠠᠯᠳᠠ ᠳᠤ ᠤᠷᠤᠭᠤᠯᠤᠨ ᠦᠪᠡᠷᠳᠡᠭᠡᠨ ᠨᠤᠭᠤᠭᠠᠨ ᠳᠠᠷᠤᠰᠢ ᠳᠠᠷᠢᠵᠤ᠂ ᠪᠤᠷᠳᠤᠭᠠᠨ ᠤ ᠳᠠᠯᠠ ᠳᠠᠬᠢ | ᠵᠠᠷᠤᠯᠭᠠ ᠪᠠᠨ ᠪᠠᠭᠠᠰᠬᠠᠬᠤ ᠪᠠᠷ ᠲᠦᠯᠦᠪᠯᠡᠵᠤ ᠪᠠᠶᠢᠯᠠ᠃ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠤᠨ ᠦᠭᠡᠷ ᠮᠠᠯᠵᠢᠬᠤ ᠳᠤ | ᠨᠤᠳᠤᠭ ᠤᠨ ᠦᠭᠡᠷ ᠮᠠᠯᠵᠢᠬᠤ ᠲᠠᠢ ᠠᠳᠠᠯᠢ ᠦᠭᠡᠢ ᠪᠠᠶᠢᠵᠤ᠂ ᠡᠪᠡᠰᠤ ᠪᠤᠷᠳᠤᠭᠠ ᠶᠡᠭᠡ ᠭᠡᠷᠡᠭᠰᠡᠳᠡᠭ ᠪᠤᠯᠬᠤᠷ | ᠮᠠᠯᠴᠢᠳ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠤᠨ ᠦᠭᠡᠷ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠬᠤ ᠳᠠᠭᠠᠨ ᠡᠪᠡᠰᠤ ᠪᠤᠷᠳᠤᠭᠠᠨ ᠤ ᠠᠰᠠᠭᠤᠳᠠᠯ ᠢ | ᠰᠢᠢᠳᠪᠦᠷᠢᠯᠡᠭᠦ ᠳᠠᠯᠠ ᠳᠤ ᠢᠯᠡᠭᠦᠭᠡᠨ ᠭᠦᠴᠦ ᠤᠷᠤᠭᠤᠯᠪᠠᠯ ᠠᠰᠢᠬ ᠤᠷᠤᠯᠭᠠ ᠨᠡᠩ ᠦᠨᠳᠦᠷ ᠪᠤᠯᠵᠤ ᠴᠢᠳᠠᠨᠠ᠃ |