| ︽ᠮᠣᠩᠭᠤᠯ ᠵᠠᠩ ᠦᠢᠯᠡ ᠶᠢᠨ ᠨᠡᠪᠳᠡᠷᠬᠡᠢ ᠳᠣᠯᠢ︾ ︵ᠣᠶᠣᠨ ᠤ ᠪᠣᠳᠢ︶ ᠳᠤ ᠭᠠᠯ ᠳᠠᠬᠢᠯᠭᠠ ᠶᠢᠨ | ᠲᠦᠷᠦᠯ ᠵᠦᠢᠯ ᠢ ︽ᠮᠣᠩᠭᠤᠯᠴᠣᠳ ᠤᠨ ᠭᠠᠯ ᠳᠠᠬᠢᠯᠭᠠ ᠳᠤ ᠠᠶᠢᠯ ᠡᠷᠦᠭᠡ ᠶᠢᠨ ᠳᠠᠬᠢᠯᠭᠠ᠂ ᠠᠯᠪᠠᠨ | ᠳᠠᠬᠢᠯᠭᠠ᠂ ᠰᠦᠮᠠ ᠬᠡᠶᠢᠳ ᠤᠨ ᠳᠠᠬᠢᠯᠭᠠ ᠭᠡᠬᠦ ᠭᠤᠷᠪᠠᠨ ᠵᠦᠢᠯ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠳᠠᠬᠢᠯᠭᠠ ᠨᠢ ᠰᠢᠳᠦᠯᠭᠡ | ᠪᠢᠰᠢᠷᠡᠯ ᠤᠨ ᠳᠠᠯᠠ ᠪᠠᠷ ᠪᠦᠭᠡ ᠮᠦᠷᠬᠦᠯ ᠤᠨ ᠶᠣᠰᠣ ᠪᠠᠷ ᠳᠠᠬᠢᠬᠤ᠂ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠰᠣᠷᠭᠠᠯ ᠢᠶᠠᠷ | ᠳᠠᠬᠢᠬᠤ ᠬᠡᠵᠦ ᠬᠤᠶᠠᠷ ᠶᠠᠩᠵᠦ ᠪᠠᠶᠢᠳᠠᠭ᠃ ᠴᠠᠭ ᠬᠤᠭᠤᠴᠠᠭᠠ᠂ ᠳᠠᠬᠢᠯᠭᠠ ᠬᠢᠬᠦ ᠭᠡᠪᠴᠢᠶᠠ ᠶᠢᠨ ᠳᠠᠯᠠ ᠪᠠᠷ | ᠡᠩ ᠤᠨ ᠳᠠᠬᠢᠯᠭᠠ᠂ ᠰᠠᠷᠠ ᠶᠢᠨ ᠳᠠᠬᠢᠯᠭᠠ᠂ ᠣᠯᠠᠷᠢᠯ ᠤᠨ ᠳᠠᠬᠢᠯᠭᠠ᠂ ᠶᠡᠭᠡ ᠳᠠᠬᠢᠯᠭᠠ ᠭᠡᠵᠦ ᠬᠡᠳᠦᠨ ᠵᠦᠢᠯ | ᠪᠠᠶᠢᠳᠠᠭ︾ ᠭᠡᠵᠦ ᠬᠤᠪᠢᠶᠠᠷᠢᠯᠠᠨ ᠳᠡᠮᠳᠡᠭᠯᠡᠭᠡᠳ ᠳᠡᠳᠡᠭᠡᠷ ᠳᠠᠬᠢᠯᠭᠠ ᠶᠢᠨ ᠲᠦᠷᠦᠯ ᠵᠦᠢᠯ ᠢ ᠳᠣᠰ ᠳᠣᠰ | ᠳᠠᠨᠢᠯᠴᠠᠭᠤᠯᠪᠠ᠃ ᠡᠬᠦᠨ ᠳᠤ ᠠᠯᠪᠡᠨ ᠤ ᠭᠠᠯ ᠳᠠᠬᠢᠯᠭᠠ ᠪᠣᠶᠣ ᠲᠦᠷᠦ ᠶᠢᠨ ᠭᠠᠯ ᠳᠠᠬᠢᠯᠭᠠ ᠶᠢ ᠬᠤᠶᠠᠷ | ᠵᠣᠷᠪᠣᠰ ᠪᠣᠯᠭᠠᠨ ᠳᠣᠣᠷᠠᠬᠢ ᠮᠡᠲᠦ ᠳᠠᠨᠢᠯᠴᠠᠭᠤᠯᠭᠠ ᠬᠢᠭᠰᠡᠨ ᠪᠠᠶᠢᠨᠠ᠃ | ᠭᠠᠯ ᠲᠠᠬᠢᠬᠤ ᠪᠦᠭᠦᠶᠢᠯᠡ ᠦᠢᠯᠡ ᠶᠢ ᠲᠦᠷᠦ ᠠᠴᠠ ᠪᠡᠯᠡᠳᠬᠡᠵᠦ ᠲᠠᠬᠢᠳᠠᠭ ᠲᠠᠬᠢᠯᠭᠠ᠃ ᠡᠭᠦᠨ ᠢ | ᠪᠠᠰᠠ ᠲᠦᠷᠦ ᠶᠢᠨ ᠭᠠᠯ ᠲᠠᠬᠢᠯᠭᠠ ᠭᠡᠳᠡᠭ᠃ ᠡᠶᠢᠮᠦ ᠲᠠᠬᠢᠯᠭᠠ ᠳᠤ ᠮᠣᠩᠭᠤᠯ ᠬᠠᠭᠠᠨᠲᠣ ᠲᠦᠷᠦ ᠶᠢᠨ ᠦᠶᠡ | ᠳᠤ ᠲᠣᠭᠲᠠᠭᠠᠵᠦ ᠬᠡᠳᠦᠨ ᠵᠠᠭᠤᠨ ᠣᠨ ᠢᠶᠠᠷ ᠣᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠴᠢᠩᠭᠢᠰ ᠤᠨ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠣᠨ | ᠤ ᠭᠤᠯᠣᠮᠲᠠ ᠶᠢᠨ ᠲᠠᠬᠢᠯᠭᠠ᠂ ᠪᠦᠭᠡ ᠪᠡᠯᠭᠦᠳᠠᠢ᠂ ᠬᠠᠪᠣᠲᠣ ᠬᠠᠰᠠᠷ᠂ ᠦᠭᠡᠳᠠᠢ᠂ ᠲᠣᠯᠣᠢ᠂ ᠡᠰᠢ ᠬᠠᠳᠣᠨ ᠤ | ᠭᠤᠯᠣᠮᠲᠠ ᠶᠢᠨ ᠲᠠᠬᠢᠯᠭᠠ ᠵᠡᠷᠭᠡ ᠪᠠᠭᠳᠠᠨᠠ᠃ ᠠᠯᠪᠠᠨ ᠲᠠᠬᠢᠯᠭᠠ ᠨᠢ ᠠᠶᠢᠯ ᠭᠡᠷ ᠤᠨ ᠲᠠᠬᠢᠯᠭᠠ ᠠᠴᠠ | ᠢᠯᠭᠠᠭᠳᠠᠬᠤ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ ᠲᠠᠬᠢᠯᠭᠠ ᠲᠠᠪᠢᠭ ᠤᠨ ᠶᠣᠰᠣ ᠶᠢ ᠮᠣᠩᠭᠤᠯ ᠬᠠᠭᠠᠨ ᠤ | ᠵᠠᠷᠯᠢᠭ ᠢᠶᠠᠷ ᠲᠣᠭᠲᠠᠭᠠᠵᠣ᠂ ᠲᠠᠬᠢᠯᠭᠠ ᠳᠤ ᠣᠩᠰᠢᠬᠤ ᠦᠴᠢᠭ ᠢᠷᠦᠭᠡᠯ ᠨᠢ ᠴᠦ ᠲᠣᠰ ᠲᠣᠰ ᠲᠤᠨᠢ ᠪᠢᠴᠢᠭᠰᠡᠨ | ︿︿ᠠᠯᠳᠠᠨ ᠣᠷᠳᠣᠨ ᠤ ᠭᠤᠯᠣᠮᠲᠠ ᠶᠢᠨ ᠦᠴᠢᠭ﹀﹀᠂ ︿︿ᠡᠰᠢ ᠬᠠᠳᠣᠨ ᠤ ᠭᠤᠯᠣᠮᠲᠠ ᠶᠢᠨ ᠦᠴᠢᠭ﹀﹀᠂ ︿︿ | ᠪᠦᠭᠡ ᠪᠡᠯᠭᠦᠳᠠᠢ ᠶᠢᠨ ᠭᠤᠯᠣᠮᠲᠠ ᠶᠢᠨ ᠦᠴᠢᠭ﹀﹀ ᠭᠡᠭᠦ ᠮᠡᠲᠦ ᠰᠣᠳᠣᠷ ᠪᠢᠴᠢᠭ ᠲᠠᠢ ᠪᠦᠭᠡᠳ ︿︿ᠭᠤᠯᠣᠮᠲᠠ | ᠲᠦᠭᠡᠨᠡᠭᠦ ᠳᠠᠷᠣᠮᠵᠢ ︵ᠳᠡᠰ ᠳᠠᠷᠠᠭᠠ︶﹀﹀ ᠭᠡᠭᠦ ᠰᠣᠳᠣᠷ ᠲᠠᠢ᠂ ᠪᠠᠰᠠ ᠮᠣᠩᠭᠤᠯᠴᠣᠳ ᠤᠨ ᠲᠣᠳᠣᠷᠠ ᠠᠴᠠ | ᠲᠡᠰᠭᠡᠨ ᠴᠣᠭᠯᠠᠭᠤᠯᠣᠭᠰᠠᠨ ᠲᠠᠬᠢᠯᠭᠠ ᠲᠠᠪᠢᠭ ᠦᠢᠯᠡᠳᠦᠭᠴᠢ ᠲᠣᠰᠬᠠᠢ ᠠᠯᠪᠠᠲᠣ ᠬᠦᠮᠦᠰ ᠲᠠᠢ ᠪᠠᠶᠢᠳᠠᠭ᠃ ᠡᠷᠳᠡ | ᠦᠶᠡ ᠳᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠣᠨ ᠤ ᠳᠦᠷᠪᠡᠨ ᠴᠠᠭ ᠤᠨ ᠭᠤᠯᠣᠮᠲᠠ ᠲᠦᠭᠡᠨᠡᠭᠦ ᠲᠠᠬᠢᠯᠭᠠ ᠳᠤ ᠬᠠᠭᠠᠨ᠂ | ᠵᠢᠨᠣᠩ ᠪᠠ ᠲᠦᠷᠦ ᠠᠴᠠ ᠲᠣᠮᠢᠯᠠᠭᠰᠠᠨ ᠲᠦᠰᠢᠮᠡᠯ ᠣᠷᠣᠯᠴᠠᠵᠦ ᠪᠠᠶᠢᠵᠠᠢ᠃ ᠲᠠᠬᠢᠯᠭᠠ ᠶᠢᠨ ᠡᠳ᠋ ᠪᠣᠳᠠᠰ ᠢ | ᠡᠷᠳᠡᠨ ᠤ ᠮᠣᠩᠭᠤᠯ ᠤᠨ ᠵᠢᠷᠭᠤᠭᠠᠨ ᠲᠦᠮᠡᠨ ᠪᠠ ᠬᠡᠳᠦ ᠬᠡᠳᠦᠨ ᠣᠳᠤᠭ ᠠᠴᠠ ᠲᠡᠰᠭᠡᠨ ᠴᠣᠭᠯᠠᠭᠤᠯᠵᠦ | ᠪᠠᠶᠢᠭᠰᠠᠨ ᠢ ᠰᠣᠷᠪᠣᠯᠵᠢ ᠪᠢᠴᠢᠭ ᠲᠤ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ᠃ ᠴᠢᠩᠬᠢᠰ᠂ ᠪᠦᠭᠡ ᠪᠡᠯᠭᠦᠳᠠᠢ᠂ ᠦᠭᠡᠲᠠᠢ᠂ | ᠲᠣᠯᠣᠢ ᠨᠠᠷ ᠤᠨ ᠭᠠᠯ ᠭᠤᠯᠣᠮᠲᠠ ᠤᠨ ᠲᠠᠬᠢᠯᠭᠠ ᠨᠢ ᠵᠦᠪᠬᠡᠨ ᠴᠢᠩᠬᠢᠰ ᠤᠨ ᠠᠯᠳᠠᠨ ᠣᠷᠣᠭᠲᠠᠨ ᠤ ᠲᠠᠬᠢᠯᠭᠠ | ᠲᠡᠳᠦᠢ ᠪᠢᠰᠢ ᠬᠠᠷᠢᠨ ᠮᠣᠩᠭᠤᠯ ᠲᠦᠷᠦ ᠠᠴᠠ ᠲᠣᠭᠲᠠᠭᠠᠭᠰᠠᠨ ᠨᠡᠶᠢᠲᠡ ᠮᠣᠩᠭᠤᠯ ᠤᠨ ᠲᠠᠬᠢᠯᠭᠠ ᠪᠣᠯᠬᠤ ᠶᠣᠮ᠃ | ᠡᠶᠢᠮᠦ ᠠᠴᠠ ᠮᠣᠩᠭᠤᠯ ᠰᠣᠷᠪᠣᠯᠵᠢ ᠪᠢᠴᠢᠭ ᠲᠤ ︿︿ᠶᠡᠷᠦᠩᠬᠡᠢ ᠶᠢᠨ ᠰᠢᠳᠦᠭᠡᠨ﹀﹀ ᠭᠡᠵᠦ ᠣᠨᠣᠭᠠᠵᠦ | ᠨᠡᠷᠡᠶᠢᠳᠴᠠᠢ᠃ ᠴᠢᠩ ᠣᠯᠣᠰ ᠤᠨ ᠦᠶᠡ ᠠᠴᠠ ᠠᠪᠣᠭᠠᠳ ᠲᠣᠰ ᠵᠠᠭᠤᠨ ᠤ ᠲᠠᠪᠢᠭᠠᠳ ᠣᠨ ᠪᠣᠯᠲᠠᠯᠠ ᠶᠡᠭᠡ | ᠵᠣᠣ᠂ ᠰᠢᠯᠢ ᠶᠢᠨ ᠭᠤᠣᠯ᠂ ᠣᠯᠠᠭᠠᠨᠴᠠᠪ ᠤᠨ ᠣᠯᠠᠨ ᠬᠤᠰᠢᠭᠤᠳ ᠪᠦᠷ ︿︿ᠬᠤᠰᠢᠭᠤ ᠶᠠᠮᠣᠨ ᠤ ᠭᠠᠯ ᠲᠠᠬᠢᠵᠦ | ﹀﹀ ᠪᠠᠶᠢᠵᠠᠢ᠃ ᠡᠨᠡ ᠨᠢ ᠮᠦᠨ ᠴᠦ ᠠᠯᠪᠠᠨ ᠲᠠᠬᠢᠯᠭᠠ ᠪᠣᠯᠬᠤ ᠶᠣᠮ᠃ ᠣᠯᠠᠩᠬᠢ ᠬᠤᠰᠢᠭᠤᠳ ᠤᠨ ᠬᠤᠰᠢᠭᠤ | ᠶᠠᠮᠣᠨ ᠨᠢ ᠲᠣᠰ ᠵᠠᠭᠤᠨ ᠤ ᠳᠣᠮᠳᠠᠴᠢ ᠪᠣᠯᠬᠤ ᠳᠤ ᠪᠠᠶᠢᠰᠢᠩ ᠲᠠᠢ ᠪᠣᠯᠴᠢᠬᠠᠭᠰᠠᠨ ᠪᠣᠯᠪᠠᠴᠦ ᠡᠪᠣᠯ ᠤᠨ ᠭᠠᠯ | ᠲᠠᠬᠢᠯᠭᠠ ᠪᠣᠯᠪᠠᠯ ᠨᠢᠭᠡ ᠮᠣᠩᠭᠤᠯ ᠭᠡᠷ ᠪᠠᠷᠢᠵᠦ ᠭᠠᠩ ᠲᠣᠯᠭᠠ ᠪᠠᠨ ᠲᠠᠯᠪᠢᠭᠠᠳ ᠶᠠᠮᠣᠨ ᠲᠠᠮᠠᠭᠠ ᠶᠢᠨ ᠰᠠᠩ | ᠠᠴᠠ ᠪᠡᠯᠡᠳᠬᠡᠭᠰᠡᠨ ᠡᠪᠴᠢᠭᠦᠦ ᠪᠠᠷ ᠵᠢᠰᠢᠶᠡᠨ ᠳᠤ ᠰᠠᠭᠤᠭᠠ ᠵᠠᠯᠠᠨ ᠪᠣᠶᠣ ᠲᠣᠰᠠᠯᠠᠭᠴᠢ᠂ ᠵᠠᠬᠢᠷᠣᠭᠴᠢ᠂ ᠵᠢᠩᠬᠢᠨᠢ | ᠪᠢᠴᠢᠭᠡᠴᠢ ᠶᠢᠨ ᠠᠯᠢ ᠨᠢᠭᠡ ᠨᠢ ᠣᠷᠣᠯᠴᠠᠨ ᠪᠣᠱᠤᠭ ᠬᠢᠶᠡ ᠨᠠᠷ ᠲᠠᠢ ᠬᠠᠮᠳᠣ ᠪᠠᠷ ᠭᠠᠯ ᠢᠶᠠᠨ ᠲᠠᠬᠢᠳᠠᠭ᠃ | ᠶᠠᠮᠣᠨ ᠤ ᠭᠠᠯ ᠲᠠᠬᠢᠬᠤ ᠳᠤ ᠶᠡᠭᠡ ᠵᠣᠣ᠂ ᠣᠯᠠᠭᠠᠨᠴᠠᠪ᠂ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠴᠢᠭᠤᠯᠭᠠᠨ ᠪᠠ ᠠᠯᠠᠱᠠᠨ | ᠴᠢᠨ ᠸᠠᠩ ᠤᠨ ᠶᠠᠮᠣᠨ ᠤ ᠬᠤᠰᠢᠭᠤᠳ ᠨᠢ ᠬᠦᠬᠡᠴᠢ᠂ ᠵᠣᠯᠠᠴᠢ᠂ ᠵᠠᠳᠴᠢᠨ ᠭᠠᠯᠴᠢ ᠭᠡᠭᠦ ᠮᠡᠲᠦ ᠶᠢᠨ ᠴᠣᠯᠠ | ᠲᠠᠢ ᠶᠠᠮᠣᠨ ᠤ ᠭᠠᠯ ᠲᠠᠬᠢᠳᠠᠭ ᠲᠣᠰᠬᠠᠢ ᠠᠵᠢᠯ ᠲᠣᠰᠢᠶᠠᠯᠲᠠᠨ ᠢᠶᠠᠷ ᠭᠠᠯ ᠢᠶᠠᠨ ᠲᠠᠬᠢᠭᠤᠯᠵᠦ ︵ᠪᠦᠰᠡᠭᠦᠢ | ᠬᠦᠮᠦᠨ ᠢ ᠬᠡᠷᠡᠭᠯᠡᠳᠡᠭ ᠦᠭᠡᠢ︶ ᠪᠠᠶᠢᠵᠠᠢ᠃ ᠵᠠᠷᠢᠮ ᠬᠤᠰᠢᠭᠤᠳ ᠤᠨ ᠶᠠᠮᠣᠨ ᠨᠢ ᠭᠠᠯ ᠲᠠᠬᠢᠬᠤ ᠳᠤ ᠪᠠᠨ | ᠮᠣᠩᠭᠤᠯ ᠭᠡᠷ ᠤᠨ ᠪᠠᠷᠠᠭᠤᠨ ᠬᠤᠶᠢᠲᠣ ᠲᠠᠯᠠ ᠳᠤ ᠨᠢᠭᠡ ᠰᠢᠷᠡᠭᠡ ᠲᠠᠯᠪᠢᠵᠦ᠂ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠨ ᠰᠢᠷᠠ | ᠲᠣᠷᠭᠠ ᠪᠠᠷ ᠪᠠᠭᠯᠠᠵᠦ ᠬᠠᠳᠠᠭ ᠢᠶᠠᠷ ᠪᠦᠳᠡᠭᠡᠭᠰᠡᠨ ᠶᠠᠮᠣᠨ ᠲᠠᠮᠠᠭᠠ ᠪᠠᠨ ᠲᠠᠯᠪᠢᠵᠦ ᠲᠠᠮᠠᠭᠠ ᠶᠢᠨ ᠡᠮᠦᠨᠡ ᠨᠢᠭᠡ | ᠵᠣᠯᠠ ᠡᠷᠭᠦᠭᠡᠳ ᠭᠠᠯ ᠢᠶᠠᠨ ᠲᠠᠬᠢᠳᠠᠭ ᠪᠠᠶᠢᠵᠠᠢ᠃ ᠡᠨᠡ ᠭᠡᠷ ᠤᠨ ᠳᠣᠲᠣᠷᠠ ᠦᠭᠡᠷᠡ ᠶᠠᠮᠠᠷ ᠴᠦ ᠠᠪᠳᠠᠷᠠ | ᠬᠤᠷᠭᠤ ᠦᠭᠡᠢ ᠬᠡᠳᠣᠨ ᠢᠰᠡᠭᠡᠢ ᠲᠡᠪᠢᠰᠦᠭᠰᠡᠨ ᠬᠠᠩᠭᠠᠢ ᠭᠡᠷ ᠯᠡ ᠪᠠᠶᠢᠳᠠᠭ᠃ ᠭᠠᠯ ᠲᠠᠬᠢᠭᠴᠢ ᠭᠦᠭᠡᠴᠢ ᠪᠣᠶᠣ | ᠵᠣᠯᠠᠴᠢ ᠨᠢ ᠭᠠᠯ ᠤᠨ ᠪᠣᠷᠬᠠᠨ ᠳᠤ ᠪᠠᠨ ᠬᠤᠰᠢᠭᠤ ᠨᠣᠳᠤᠭ ᠭᠠᠩ ᠵᠣᠳ ᠦᠭᠡᠢ᠂ ᠬᠢᠵᠢᠭ ᠡᠪᠡᠳᠴᠢᠨ | ᠬᠤᠯᠠᠭᠠᠢ ᠳᠡᠭᠡᠷᠡᠮ ᠦᠭᠡᠢ᠂ ᠮᠠᠯ ᠰᠦᠷᠦᠭ ᠦᠨᠢᠷ ᠦᠰᠴᠦ ᠲᠦᠷᠦ ᠶᠢᠨ ᠦᠢᠯᠡ ᠣᠷᠣᠭᠰᠢᠲᠠᠢ ᠲᠦᠮᠡᠨ ᠣᠯᠠᠨ | ᠵᠢᠷᠭᠠᠯᠲᠠᠢ ᠪᠠᠶᠢᠬᠤ ᠶᠢ ᠳᠠᠭᠠᠳᠬᠠᠳᠠᠭ᠃ | |