ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠮᠣᠩᠭᠤᠯᠬᠦ᠋ᠷᠢᠶ᠎ᠡ ᠶᠢᠨ ᠥᠭᠡᠯᠡᠳᠴᠤᠳ ᠤᠨ ᠲᠤᠮᠳᠠ ᠬᠠᠳᠠᠭᠠᠯᠠᠭᠳᠠᠵᠦ ᠪᠠᠶᠢᠬᠤ ᠰᠤᠳᠤᠷ ᠨᠣᠮ ᠪᠠ ᠲᠦᠷᠥᠯ ᠠᠩᠭᠢᠯᠠᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2016/10/9
　 ᠬᠠᠳᠠᠭᠠᠯᠠᠭᠳᠠᠨ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠪᠠᠶᠢᠳᠠᠯ 　      ᠮᠣᠩᠭᠤᠯᠬᠦ᠋ᠷᠢᠶ᠎ᠠ ᠶᠢᠨ ᠦᠭᠡᠯᠡᠳᠴᠤᠳ ᠤᠨ ᠲᠤᠮᠳᠠ ᠬᠠᠳᠠᠭᠠᠯᠠᠭᠳᠠᠵᠦ ᠪᠠᠶᠢᠬᠤ ᠰᠤᠳᠤᠷ ᠨᠣᠮ ᠠᠷᠪᠢᠨ ᠣᠯᠠᠨ ᠪᠠᠶᠢᠭᠰᠠᠨ ᠪᠥᠭᠡᠳ ᠮᠠᠨ ᠤ ᠪᠣᠭᠳᠠ ᠢᠪᠡᠭᠡᠭᠴᠢ ᠰᠦᠮ᠎ᠡ ᠳᠤ ᠴᠦ ᠠᠷᠪᠢᠨ ᠣᠯᠠᠨ ᠨᠣᠮ ᠬᠠᠳᠠᠭᠠᠯᠠᠭᠳᠠᠵᠦ ᠪᠠᠶᠢᠭᠰᠠᠨ ᠢ ︽ᠰᠣᠶᠣᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾᠎ ᠤᠨ ᠴᠠᠭ ᠲᠤ ᠨᠢᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠣᠷᠣᠭᠴᠢᠳ ᠳᠣᠯᠣᠭᠠᠨ ᠡᠳᠦᠷ ᠲᠦᠢᠮᠡᠷᠳᠡᠭᠰᠡᠨ ᠲᠡᠦᠬᠡ ᠠᠴᠠ ᠮᠡᠳᠡᠵᠦ ᠪᠣᠯᠤᠨ᠎ᠠ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ᠂ ︽ᠰᠣᠶᠣᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾᠎ ᠤᠨ ᠴᠠᠭ ᠲᠤ ︽ᠲᠥᠷᠪᠡᠨ ᠬᠠᠭᠤᠴᠢᠨ︾᠎ ᠢ ᠠᠷᠢᠯᠭᠠᠬᠤ ᠲᠥᠷᠦ ᠶᠢᠨ ᠪᠣᠳᠣᠯᠭ᠎ᠠ ᠶᠢᠨ ᠠᠯᠪᠠᠳᠠᠯᠭ᠎ᠠ ᠲᠤᠤᠷ᠎ᠠ ᠶᠡᠭᠡ ᠣᠯᠠᠨ ᠰᠤᠳᠤᠷ ᠨᠣᠮ ᠢᠶᠠᠨ ᠬᠤᠪᠢ ᠬᠦᠮᠦᠰ ᠦᠪᠡᠷᠳᠡᠭᠡᠨ ᠲᠦᠢᠮᠡᠷᠳᠡᠭᠰᠡᠨ ᠪᠠ ᠭᠡᠭᠡᠷ᠎ᠡ ᠭᠠᠳᠠᠨ᠎ᠠ ᠲᠠᠯᠳᠠᠯᠠᠵᠦ ᠲᠠᠯᠪᠢᠭᠰᠠᠨ ᠠᠴᠠ ᠦᠷᠡᠭᠳᠡᠵᠦ ᠬᠡᠬᠡᠭᠳᠡᠭᠰᠡᠨ ᠪᠠᠶᠢᠨ᠎ᠠ᠃ ᠵᠡᠭᠦᠨ᠋ᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶ᠎ᠡ ᠳᠤ ᠮᠠᠨᠵᠦ ᠶᠢᠨ ᠡᠵᠡᠮᠰᠢᠯ ᠠᠴᠠ ᠬᠡᠯᠳᠦᠷᠢᠬᠦᠯᠵᠦ ᠭᠡᠳᠦ ᠭᠡᠳᠦᠨ ᠲᠡᠮᠡᠭᠡ ᠳᠤ ᠠᠴᠢᠭᠰᠠᠨ ᠨᠣᠮ ᠰᠤᠳᠤᠷ ᠢ ᠣᠳᠣ ᠶᠢᠨ ᠴᠠᠪᠴᠢᠶᠠᠯ ᠤᠨ ᠰᠢᠪᠡᠭᠡ ᠦᠨᠳᠦᠰᠦᠲᠡᠨ ᠤ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠰᠢᠶᠠᠨ ᠤ ᠵᠢᠭᠠᠰᠤᠲᠠᠢ ᠭᠡᠳᠡᠭ ᠭᠠᠵᠠᠷ ᠤᠨ ᠬᠠᠳᠠ ᠶᠢᠨ ᠠᠭᠤᠢ ᠳᠤ ᠲᠠᠯᠪᠢᠵᠦ ᠪᠠᠶᠢᠳᠠᠭ ᠪᠦᠭᠡᠳ ᠠᠭᠤᠢ ᠶᠢᠨ ᠡᠭᠦᠳᠡ ᠢ ᠴᠠᠭᠠᠨ ᠨᠣᠬᠠᠢ ᠮᠠᠨᠠᠵᠦ᠂ ᠲᠣᠳᠣᠷ᠎ᠠ ᠨᠢ ᠬᠤᠤᠷᠠᠳᠤ ᠮᠣᠭᠠᠢ᠂ ᠬᠤᠤᠷᠠᠳᠤ ᠭᠡᠢ ᠪᠠᠶᠢᠳᠠᠭ ᠠᠴᠠ ᠬᠦᠮᠦᠨ ᠣᠷᠣᠵᠦ ᠴᠢᠳᠠᠬᠤ ᠦᠭᠡᠢ ᠭᠡᠳᠡᠭ ᠲᠣᠮᠤᠭ ᠦᠯᠢᠭᠡᠷ ᠨᠤᠲᠤᠭ ᠤᠨ ᠲᠤᠮᠳᠠ ᠣᠳᠣ ᠪᠣᠯᠳᠠᠯ᠎ᠠ ᠬᠡᠯᠡᠭᠳᠡᠳᠡᠭ ᠶᠤᠮ᠃ 　      ᠡᠳᠡᠭᠡᠷ ᠲᠠᠪᠬᠤᠷ ᠲᠠᠪᠬᠤᠷ ᠠᠶᠤᠯ ᠵᠡᠳᠭᠡᠷ ᠠᠴᠠ ᠮᠠᠨ ᠤ ᠰᠡᠴᠡᠨ ᠰᠡᠷᠭᠦᠯᠡᠩ ᠠᠷᠠᠳ ᠲᠦᠮᠡᠨ ᠰᠣᠳᠣᠷ ᠨᠣᠮ ᠢᠶᠠᠨ ᠪᠠᠰᠠ ᠣᠯᠠᠨ ᠵᠦᠢᠯ ᠤᠨ ᠠᠷᠭ᠎ᠠ ᠤᠬᠠᠭᠠᠨ ᠢᠶᠠᠷ ᠬᠠᠳᠠᠭᠠᠯᠠᠵᠦ ᠦᠯᠡᠳᠡᠭᠰᠡᠨ ᠪᠠᠶᠢᠨ᠎ᠠ᠃ ᠣᠳᠣ ᠪᠢᠳᠡᠨ ᠤ ᠮᠡᠳᠡᠵᠦ ᠪᠠᠶᠢᠬᠤ ᠪᠠᠷ ᠲᠠᠷᠦᠢ ᠭᠠᠷᠴᠠᠭ ᠨᠢ ᠲᠠᠪᠬᠤᠴᠠᠬᠤ ᠦᠭᠡᠢ ᠰᠤᠳᠤᠷ ᠨᠣᠮ 230 ᠭᠠᠷᠤᠢ ᠪᠠᠶᠢᠵᠦ ᠠᠳᠠᠯᠢ ᠪᠣᠰᠣ ᠬᠦᠮᠦᠨ ᠤ ᠭᠠᠷ ᠲᠤ ᠬᠠᠳᠠᠭᠠᠯᠠᠭᠳᠠᠵᠦ ᠪᠠᠶᠢᠨ᠎ᠠ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ᠂ ᠵᠠᠷᠢᠮ ᠬᠦᠮᠦᠰ ᠰᠤᠳᠤᠷ ᠨᠣᠮ ᠢᠶᠠᠨ ᠲᠠᠭ ᠨᠢᠭᠤᠵᠦ ᠦᠵᠡᠭᠦᠯᠬᠦ ᠦᠭᠡᠢ ᠪᠠᠶᠢᠬᠤ ᠪᠠ ᠵᠠᠷᠢᠮ ᠬᠦᠮᠦᠰ ᠪᠠᠷᠢᠮᠳᠠ ᠪᠢᠴᠢᠭ ᠦᠭᠡᠢ ᠪᠠᠷ ᠪᠤᠰᠤᠳ ᠲᠤ ᠵᠢᠭᠡᠯᠡᠵᠦ ᠥᠭᠭᠦᠭᠡᠳ ᠪᠤᠰᠤᠳ ᠤᠨ ᠥᠮᠴᠢ ᠪᠣᠯᠭᠠᠭᠰᠠᠨ᠂ ᠵᠢᠭᠡᠯᠡᠵᠦ ᠠᠪᠤᠭᠰᠠᠳ ᠦᠪᠡᠷ ᠤᠨ ᠥᠮᠴᠢ ᠪᠣᠯᠭᠠᠬᠤ ᠪᠠᠷ ᠪᠤᠰᠤᠳ ᠤᠨ ᠰᠤᠳᠤᠷ ᠨᠣᠮ ᠢ ᠢᠯᠡ ᠪᠣᠯᠭᠠᠵᠦ ᠭᠠᠷᠭᠠᠬᠤ ᠦᠭᠡᠢ ᠪᠠᠶᠢᠬᠤ ᠪᠠ ᠬᠡᠨ ᠠᠴᠠ ᠠᠪᠤᠭᠰᠠᠨ ᠢᠶᠠᠨ ᠡᠰᠡ ᠲᠤᠲᠤᠷᠬᠠᠶᠢᠯᠠᠭᠰᠠᠨ ᠠᠴᠠ ᠰᠢᠯᠳᠠᠭᠠᠯᠠᠭᠳᠠᠵᠦ ᠪᠤᠰᠤᠳ ᠭᠠᠵᠠᠷ ᠣᠷᠣᠨ ᠤ ᠬᠦᠮᠦᠰ ᠤᠨ ᠰᠣᠳᠣᠷ ᠨᠣᠮ ᠪᠣᠯᠣᠭᠰᠠᠨ ᠠᠴᠠ ᠶᠠᠷᠦᠩᠬᠡᠢ ᠲᠤᠭ᠎ᠠ ᠨᠢ ᠴᠣᠬᠤᠮ ᠭᠡᠳᠦᠢ ᠪᠠᠶᠢᠬᠤ ᠶᠢ ᠲᠤᠲᠤᠷᠬᠠᠶᠢᠯᠠᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ᠃ ᠵᠢᠰᠢᠶᠡᠯᠪᠡᠯ᠄ 1978 ᠣᠨ ᠤ ᠦᠶ᠎ᠡ ᠪᠠᠷ ᠮᠣᠩᠭᠤᠯᠬᠦ᠋ᠷᠢᠶ᠎ᠡ ᠰᠢᠶᠠᠨ ᠤ ᠤᠷᠳᠤᠪᠤᠯᠠᠭ ᠤᠨ ᠪᠠᠯᠳᠠᠨ ᠲᠡᠮᠴᠢ ᠭᠡᠳᠡᠭ ᠬᠦᠮᠦᠨ ᠠᠴᠠ ᠲᠡᠭᠡᠰ ᠰᠢᠶᠠᠨ ᠤ ᠡᠲ᠋ᠡᠢ ᠶᠢᠨ ᠫᠦᠷᠪᠡᠢ ᠭᠡᠳᠡᠭ ᠬᠦᠮᠦᠨ ︵ᠬᠤᠰᠢᠭᠤᠳ ᠶᠠᠰᠤᠲᠠᠨ︶ ᠵᠠᠩᠭᠠᠷ ᠤᠨ ︽ᠲᠣᠭᠰᠢᠨ ᠰᠢᠷ᠎ᠠ ᠭᠦᠷᠭᠦᠦ ᠪᠦᠯᠦᠭ︾ ᠪᠠ ︽ᠬᠠᠷ᠎ᠠ ᠭᠢᠨᠢᠰ ᠤᠨ ᠪᠦᠯᠦᠭ︾ ᠵᠡᠭᠡᠯᠡᠵᠦ ᠠᠪᠤᠭᠠᠳ ᠬᠤᠶᠢᠨ᠎ᠠ ᠨᠢ ᠲᠣ᠂ ᠵᠠᠮᠴᠠ ᠪᠠᠷ ᠠᠬᠠᠯᠠᠭᠰᠠᠨ ᠬᠦᠮᠦᠰ ᠠᠪᠤᠯ᠎ᠠ ᠭᠡᠵᠦ ᠪᠠᠯᠳᠠᠨ ᠲᠡᠮᠴᠢ ᠶᠢᠨ ᠠᠴᠢ ᠪᠣᠯᠬᠤ ᠨᠣᠷᠪᠤ ᠭᠡᠳᠡᠭ ᠬᠦᠮᠦᠨ ᠪᠠᠯᠳᠠᠨ ᠲᠡᠮᠴᠢ ᠶᠢᠨ ᠲᠠᠭᠠᠯᠭᠠᠪᠤᠷᠢ ᠪᠠᠷ ᠨᠡᠭᠡᠵᠦ ᠣᠳᠣᠭᠰᠠᠨ ᠳᠤ ᠨᠣᠷᠪᠤ ᠳᠤ ᠪᠢᠴᠢᠵᠦ ᠥᠭᠭᠦᠭᠰᠡᠨ ᠪᠠᠳᠤᠯᠭ᠎ᠠ ᠣᠳᠣ ᠴᠤ ᠪᠣᠢ᠃ ᠣᠳᠣ ᠮᠠᠨ ᠤ ᠮᠣᠩᠭᠤᠯᠬᠦ᠋ᠷᠢᠶ᠎ᠠ ᠶᠢᠨ ᠥᠭᠡᠯᠡᠳᠴᠤᠳ ᠤᠨ ᠲᠣᠳᠣᠷ᠎ᠠ ᠰᠤᠳᠤᠷ ᠨᠣᠮ ᠠᠷᠪᠢᠨ ᠣᠯᠠᠨ ᠬᠠᠳᠠᠭᠠᠯᠠᠵᠦ ᠪᠠᠶᠢᠬᠤ ᠬᠤᠪᠢ ᠬᠦᠮᠦᠨ ᠨᠠᠮᠵᠢᠯ ᠯᠠᠮ᠎ᠠ ᠪᠣᠯᠬᠤ ᠪᠥᠭᠡᠳ ᠶᠡᠭᠡ ᠪᠠᠭ᠎ᠠ 200 ᠭᠠᠷᠤᠢ ᠠᠳᠠᠯᠢ ᠪᠤᠰᠤ ᠭᠠᠷᠴᠠᠭ ᠲᠠᠢ ᠰᠤᠳᠤᠷ ᠨᠣᠮ ᠪᠣᠢ᠃ ᠡᠭᠦᠨ ᠭᠠᠳᠠᠨ᠎ᠠ ᠬᠤᠭᠠᠢ ᠠᠪᠤ ᠶᠢᠨ ᠭᠦᠪᠡᠭᠦᠨ ᠪᠦᠷᠢᠨᠳᠡᠭᠦᠰ᠂ ᠨᠣᠷᠪᠤ᠂ ᠬᠤᠲᠠᠯᠠᠳᠡᠭᠦᠰ ᠵᠡᠷᠭᠡ ᠬᠦᠮᠦᠰ ᠪᠠᠰᠠ ᠲᠡᠭᠡᠳᠦ ᠦᠶ᠎ᠡ ᠨᠢ ᠪᠠᠨ ᠠᠷᠪᠢᠨ ᠣᠯᠠᠨ ᠬᠠᠭᠤᠴᠢᠨ ᠨᠣᠮ ᠰᠤᠳᠤᠷ ᠬᠠᠳᠠᠭᠠᠯᠠᠵᠦ ᠪᠠᠶᠢᠨ᠎ᠠ᠃       ᠮᠠᠨ ᠤ ᠦᠭᠡᠯᠡᠳᠴᠤᠳ ᠭᠠᠷ ᠢᠶᠠᠷ ᠰᠤᠳᠤᠷ ᠨᠣᠮ ᠪᠢᠴᠢᠬᠦ ᠶᠢ ︽ᠨᠣᠮ ᠪᠤᠰᠬᠠᠬᠤ︾ ᠭᠡᠳᠡᠭ᠃ ᠬᠠᠮᠳᠤ ᠳᠠᠭᠠᠨ ᠪᠢᠴᠢᠭ ᠰᠤᠷᠤᠭᠰᠠᠨ ᠨᠣᠮ ᠪᠢᠴᠢᠯᠴᠡᠭᠰᠡᠨ ᠬᠦᠮᠦᠰ ᠨᠢᠭᠡ ᠨᠢᠬᠡ ᠪᠠᠨ ︽ᠨᠣᠮ ᠤᠨ ᠲᠠᠩᠭᠠᠷᠠᠭ︾ ᠭᠡᠵᠦ ᠲᠠᠭᠤᠳᠠᠳᠠᠭ ᠪᠠᠶᠢᠵᠠᠢ᠃ ᠬᠤᠶᠢᠨ᠎ᠠ ᠨᠢ ᠬᠠᠮᠳᠤ ᠰᠣᠷᠣᠯᠭᠠᠳᠠᠨ ᠢᠶᠠᠨ ᠨᠣᠮ ᠲᠠᠩᠭᠠᠷᠠᠭ ᠭᠡᠳᠡᠭ ᠪᠣᠯᠵᠠᠢ᠃ ᠰᠤᠳᠤᠷ ᠨᠣᠮ ᠤᠩᠰᠢᠬᠤ ᠪᠠᠨ ︽ᠨᠣᠮ ᠨᠡᠭᠡᠭᠡᠭᠦ︾ ᠭᠡᠳᠡᠭ᠃ ᠱᠠᠰᠢᠨ ᠤ ᠨᠣᠮ ᠤᠩᠰᠢᠬᠤ ᠳᠤ ᠵᠡᠷᠭᠡᠯᠡᠨ ᠰᠠᠭᠤᠭᠰᠠᠨ ᠬᠦᠮᠦᠨ ᠤ ᠡᠬᠢᠨ ᠲᠠᠯ᠎ᠠ ᠰᠠᠭᠤᠵᠦ ᠨᠣᠮ ᠤᠨ ᠨᠢᠭᠡᠳᠦᠭᠡᠷ ᠨᠢᠭᠤᠷ ᠢ ᠤᠩᠰᠢᠵᠦ ᠡᠭᠢᠯᠡᠭᠰᠡᠨ ᠬᠦᠮᠦᠨ ᠢ ︽ᠨᠣᠮ ᠡᠭᠢ ᠪᠠᠷᠢᠭᠰᠠᠨ ᠪᠠᠭᠰᠢ︾ ᠭᠡᠳᠡᠭ᠃ ᠰᠢᠷ᠎ᠠ ᠶᠢᠨ ᠱᠠᠰᠢᠨ ᠤ ᠯᠠᠮᠠ ᠠᠴᠠ ᠪᠤᠰᠤᠳ ᠨᠣᠮ ᠨᠡᠭᠡᠭᠡᠭᠦ ᠬᠦᠮᠦᠨ ᠢ ︽ᠬᠠᠷ᠎ᠠ ᠪᠠᠭᠰᠢ︾ ᠭᠡᠳᠡᠭ᠃ ᠠᠶᠢᠯ ᠡᠷᠦᠭᠡ ᠲᠤᠰᠬᠠᠢ ᠨᠣᠮ ᠪᠣᠰᠬᠠᠬᠤ ᠬᠦᠮᠦᠨ ᠢ ᠦᠷᠢᠵᠦ ᠨᠣᠮ ᠪᠣᠰᠬᠠᠭᠤᠯᠳᠠᠭ᠃ ᠰᠢᠨ᠎ᠡ ᠰᠤᠳᠤᠷ ᠵᠣᠭᠢᠶᠠᠵᠦ ᠪᠢᠴᠢᠬᠦ᠂ ᠰᠤᠳᠤᠷ ᠠᠴᠠ ᠰᠤᠳᠤᠷ ᠬᠠᠭᠤᠯᠠᠵᠦ ᠪᠢᠴᠢᠬᠦ᠂ ᠰᠤᠳᠤᠷ ᠤᠨ ᠴᠠᠭᠠᠰᠤᠨ ᠬᠠᠭᠤᠴᠢᠷᠠᠵᠦ ᠡᠯᠡᠭᠳᠡᠪᠡᠯ ᠰᠡᠯᠪᠢᠨ ᠪᠢᠴᠢᠬᠦ ᠶᠢ ᠪᠦᠷ ︽ᠨᠣᠮ ᠪᠣᠰᠬᠠᠬᠤ︾ ᠭᠡᠳᠡᠭ ᠶᠤᠮ᠃ ᠣᠳᠣ ᠴᠦ ᠨᠠᠮᠵᠢᠯ ᠯᠠᠮᠠ ᠪᠠᠷ ᠠᠬᠠᠯᠠᠭᠰᠠᠨ ᠭᠦᠮᠦᠰ ᠨᠣᠮ ᠪᠣᠰᠬᠠᠵᠦ ᠪᠠᠶᠢᠳᠠᠭ᠃ ᠰᠤᠳᠤᠷ ᠠᠴᠠ ᠬᠠᠭᠤᠯᠠᠵᠦ ᠨᠣᠮ ᠪᠣᠰᠬᠠᠬᠤ ᠳᠠᠭᠠᠨ ᠬᠠᠭᠤᠴᠢᠨ ᠪᠢᠴᠢᠯᠭᠡ ᠶᠢ ᠨᠢ ᠣᠨᠴᠠ ᠠᠩᠬᠠᠷᠴᠤ ᠬᠠᠭᠤᠴᠢᠨ ᠪᠢᠴᠢᠯᠭᠡ ᠪᠠᠷ ᠨᠢ ᠪᠢᠴᠢᠵᠦ ᠪᠣᠰᠬᠠᠳᠠᠭ ᠶᠣᠰᠣᠲᠠᠢ ᠠᠴᠠ ᠰᠣᠳᠣᠷ ᠨᠣᠮ ᠤᠨ ᠦᠰᠦᠭ ᠤᠨ ᠲᠦᠷᠰᠦ ᠲᠣᠳᠣ ᠦᠰᠦᠭ ᠤᠨ ᠨᠡᠯᠢᠶᠡᠳ ᠡᠷᠲᠡ ᠦᠶ᠎ᠡ ᠶᠢᠨ ᠦᠰᠦᠭ ᠤᠨ ᠲᠦᠷᠰᠦ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠪᠠᠶᠢᠳᠠᠭ᠃ ᠨᠣᠮ ᠢ ᠢᠯᠡ ᠲᠠᠯᠪᠢᠬᠤ ᠦᠭᠡᠢ ᠡᠷᠭᠢᠪᠰᠢ ᠪᠦᠰ ᠢᠶᠠᠷ ᠪᠠᠭᠯᠠᠵᠦ ᠲᠡᠭᠡᠷ᠎ᠡ ᠭᠠᠵᠠᠷ ᠲᠠᠯᠪᠢᠵᠦ ᠵᠣᠯᠠ ᠡᠭᠦᠰᠭᠡᠵᠦ ᠲᠠᠬᠢᠵᠦ ᠪᠠᠶᠢᠳᠠᠭ᠃ ᠨᠣᠮ ᠢ ᠪᠠᠭᠯᠠᠵᠦ ᠣᠷᠢᠶᠠᠬᠤ ᠪᠥᠰ ᠢ ︽ᠨᠣᠮ ᠤᠨ ᠬᠤᠪᠴᠠᠰᠤ︾ ᠭᠡᠳᠡᠭ᠃ ᠨᠡᠭᠦᠭᠦ ᠦᠶ᠎ᠡ ᠳᠡᠭᠡᠨ ᠨᠣᠮ ᠲᠦᠷᠦᠭᠦ ᠠᠪᠲᠠᠷ᠎ᠠ ᠶᠢ ︽ᠨᠣᠮ ᠤᠨ ᠬᠤᠪᠳᠤ︾ ᠭᠡᠳᠡᠭ᠃ ᠡᠨᠡ ᠮᠡᠳᠤ ᠥᠭᠡᠯᠡᠳᠴᠤᠳ ᠤᠨ ᠨᠣᠮ ᠬᠠᠳᠠᠭᠠᠯᠠᠵᠦ ᠬᠠᠮᠭᠠᠯᠠᠬᠤ ᠠᠷᠭ᠎ᠠ ᠮᠡᠷᠭᠡᠵᠢᠯ ᠰᠠᠶᠢᠨ ᠤᠴᠢᠷ ᠠᠴᠠ ᠬᠠᠭᠤᠴᠢᠨ ᠨᠣᠮ ᠣᠯᠠᠨ ᠪᠠᠶᠢᠬᠤ ᠶᠢᠨ ᠪᠠᠰᠠ ᠨᠢᠭᠡ ᠰᠢᠯᠳᠠᠭᠠᠨ ᠪᠣᠯᠵᠦ ᠮᠡᠳᠡᠨ᠎ᠡ᠃ ᠮᠣᠩᠭᠤᠯᠬᠦ᠋ᠷᠢᠶ᠎ᠡ ᠶᠢᠨ ᠦᠭᠡᠯᠡᠳᠴᠤᠳ ᠤᠨ ᠲᠣᠳᠣᠷ᠎ᠠ ᠬᠠᠳᠠᠭᠠᠯᠠᠭᠳᠠᠵᠦ ᠪᠠᠶᠢᠬᠤ ᠰᠤᠳᠤᠷ ᠨᠣᠮ ᠲᠣᠲᠣᠷ᠎ᠠ ᠣᠶᠢᠭᠤᠷᠵᠢᠨ ᠮᠣᠩᠭᠤᠯ ᠦᠰᠦᠭ ᠢᠶᠠᠷ ᠪᠢᠴᠢᠭᠳᠡᠭᠰᠡᠨ ᠴᠦᠭᠡᠨ ᠰᠤᠳᠤᠷ ᠨᠣᠮ ᠪᠠᠶᠢᠬᠤ ᠨᠢ ᠠᠩᠬᠠᠷᠤᠭᠤᠰᠢᠳᠠᠢ︕ ᠠᠯᠢ ᠦᠶ᠎ᠡ ᠳᠤ ᠶᠠᠮᠠᠷ ᠰᠢᠯᠳᠠᠭᠠᠨ ᠨᠦᠭᠦᠴᠡᠯ ᠠᠴᠠ ᠪᠢᠳᠡᠨ ᠤ ᠨᠤᠲᠤᠭ ᠲᠤ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠭᠡᠳᠡᠭ ᠨᠢ ᠰᠤᠳᠤᠯᠤᠭᠤᠰᠢᠲᠠᠢ ᠠᠰᠠᠭᠤᠳᠠᠯ ᠪᠠᠶᠢᠨ᠎ᠠ᠃ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠴᠠᠭ ᠦᠶ᠎ᠡ ᠶᠢᠨ ᠲᠠᠯ᠎ᠠ ᠪᠠᠷ ᠮᠠᠨ ᠨᠤᠲᠤᠭ ᠲᠤ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠭᠡᠰᠡᠭ ᠲᠡᠦᠭᠡ ᠶᠢᠨ ᠰᠤᠳᠤᠷ ᠨᠣᠮ ᠤᠨ ᠠᠭᠤᠯᠭ᠎ᠠ ᠠᠴᠠ ᠨᠢ ᠠᠪᠴᠤ ᠦᠵᠡᠪᠡᠯ᠂ ᠵᠡᠭᠦᠡᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠤᠨ ᠴᠠᠭ ᠠᠴᠠ ᠨᠠᠭᠠᠷᠤ ᠤᠯᠮᠵᠢᠯᠠᠭᠳᠠᠵᠦ ᠢᠷᠡᠭᠰᠡᠨ ᠢ ᠮᠡᠳᠡᠵᠦ ᠪᠣᠯᠤᠨ᠎ᠠ᠃ ᠡᠭᠦᠨ ᠳᠤ ᠦᠭᠡᠯᠡᠳᠴᠤᠳ ᠤᠨ ᠲᠡᠭᠡᠷ᠎ᠡ ᠮᠥᠷᠭᠦᠭᠦ ᠦᠶ᠎ᠡ ᠳᠤ ᠤᠩᠰᠢᠬᠤ ︵ᠣᠪᠣᠭ᠎ᠠ ᠲᠠᠬᠢᠬᠤ ᠶᠢ ᠦᠭᠡᠯᠡᠳᠴᠤᠳ ᠲᠡᠭᠡᠷ᠎ᠡ ᠮᠥᠷᠬᠦᠬᠦ ᠭᠡᠳᠡᠭ︶ ︽ᠰᠠᠴᠤᠯᠢ ᠶᠢᠨ ᠪᠢᠴᠢᠭ︾᠄ ︽ᠡᠵᠡᠨ ᠪᠣᠭᠳᠠ ᠶᠢᠨ ᠭᠡᠭᠡᠨ ᠰᠦᠯᠳᠡ ᠪᠣᠯᠤᠳ᠂ ᠮᠡᠷᠭᠡᠨ ᠳ᠋ᠠᠶᠢᠴᠢᠩ ᠳ᠋ᠠᠰᠢᠳᠠᠪᠠ ᠥᠢᠷᠡᠳ ᠤᠨ ᠬᠠᠭᠠᠳ ᠨᠣᠶᠠᠳ ᠤᠨ ᠰᠠᠭᠢᠭᠤᠰᠣᠳ ᠲᠠ ᠪᠦᠭᠦᠳᠡᠭᠡᠷ ᠲᠤ ᠲᠡᠭᠡᠵᠢ ᠪᠠᠨ ᠡᠷᠭᠦᠵᠦ ᠲᠠᠭᠢᠨ᠎ᠡ ᠪᠢᠳᠡᠨ᠃ ᠠᠳᠡ ᠦᠭᠡᠳᠡ ᠪᠣᠯ︾ ᠭᠡᠳᠡᠭ ᠦᠭᠡ ᠠᠴᠠ ᠮᠡᠳᠡᠵᠦ ᠪᠣᠯᠤᠨ᠎ᠠ᠃ ᠬᠡᠷᠪᠡ ᠮᠠᠨᠵᠦ ᠡᠷᠭᠡᠰᠢᠯ ᠳᠠᠭᠠᠨ ᠣᠷᠣᠭᠤᠯᠣᠭᠰᠠᠨ ᠤ ᠬᠤᠶᠢᠨ᠎ᠠ ᠵᠣᠭᠢᠶᠠᠭᠳᠠᠭᠰᠠᠨ ᠭᠡᠪᠡᠯ ︽ᠮᠡᠷᠭᠡᠨ ᠳ᠋ᠠᠶᠢᠴᠢᠩ ᠳ᠋ᠠᠰᠢᠳᠠᠪᠠ ᠥᠢᠷᠡᠳ ᠤᠨ ᠬᠠᠭᠠᠳ ᠨᠣᠶᠠᠳ ᠤᠨ ᠰᠠᠭᠢᠭᠤᠰᠣᠳ ᠲᠠ ᠪᠦᠭᠦᠳᠡᠭᠡᠷ ᠲᠤ ᠲᠡᠭᠡᠵᠢ ᠪᠠᠨ ᠡᠷᠭᠦᠵᠦ ᠲᠠᠭᠢᠨ᠎ᠡ ᠪᠢᠳᠡᠨ᠃︾ ᠭᠡᠳᠡᠭ ᠦᠭᠡ ᠪᠢᠴᠢᠭᠳᠡᠬᠦ ᠪᠣᠯᠤᠯᠴᠠᠭ᠎ᠠ ᠦᠭᠡᠢ ᠶᠤᠮ᠃  　 ᠲᠠᠪᠢᠭᠠᠳ ᠣᠨ ᠤ ᠲᠤᠮᠳᠠᠴᠢ ᠦᠶ᠎ᠡ ᠪᠠᠷ ᠥᠪᠦᠷ ᠮᠣᠩᠭᠤᠯ ᠤᠨ ᠡᠷᠳᠡᠮᠳᠡᠨ ᠮᠡᠷᠭᠡᠨᠪᠠᠭᠠᠳᠤᠷ ᠮᠠᠨ ᠤ ᠮᠣᠩᠭᠤᠯᠬᠦ᠋ᠷᠢᠶ᠎ᠠ ᠶᠢᠨ ᠬᠠᠷᠭᠠᠨᠳᠤ ᠶᠢᠨ ᠴᠠᠭᠠᠨ ᠤ ᠪᠠᠳᠠᠷᠬᠤ ᠭᠡᠳᠡᠭ ᠡᠪᠦᠭᠡᠨ ᠠᠴᠠ ᠪᠠᠳᠤᠯᠭ᠎ᠠ ᠪᠢᠴᠢᠵᠦ ᠠᠪᠴᠤ ᠶᠠᠪᠤᠭᠰᠠᠨ ︽ᠵᠠᠩᠭᠠᠷ ᠤᠨ ᠲᠣᠳᠣ ᠦᠰᠦᠭ ᠤᠨ ᠭᠠᠷ ᠪᠢᠴᠢᠮᠡᠯ︾᠎ ᠢ ︽ᠡᠷᠳᠡᠮᠳᠡᠳ ᠽᠠᠶ᠎ᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠰᠤ 1648 ᠣᠨ ᠳᠤ ᠲᠣᠳᠣ ᠦᠰᠦᠭ ᠵᠣᠭᠢᠶᠠᠭᠰᠠᠨ ᠤ ᠲᠠᠷᠠᠭ᠎ᠠ ᠲᠡᠮᠡᠢ ᠤᠳᠠᠯ ᠦᠭᠡᠢ ᠪᠢᠴᠢᠭᠳᠡᠭᠰᠡᠨ ᠭᠡᠵᠦ ᠦᠵᠡᠵᠦ ᠪᠠᠶᠢᠨ᠎ᠠ︾ ᠭᠡᠮᠡᠨ ᠬᠣ᠂ ᠪᠠᠳᠠᠢ ᠨᠦᠭᠦᠷ ᠪᠢᠴᠢᠭᠰᠡᠨ ᠪᠠᠶᠢᠨ᠎ᠠ᠃ ᠵᠠᠩᠭᠠᠷ ᠤᠨ ᠭᠠᠷ ᠪᠢᠴᠢᠮᠡᠯ ᠲᠠᠢ ᠠᠳᠠᠯᠢ ᠲᠣᠳᠣ ᠦᠰᠦᠭ ᠤᠨ ᠭᠠᠷ ᠢᠶᠠᠷ ᠪᠢᠴᠢᠵᠦ ᠪᠣᠰᠬᠠᠭᠰᠠᠨ ᠰᠤᠳᠤᠷ ᠨᠣᠮ ᠠᠷᠪᠢᠨ ᠪᠠᠶᠢᠳᠠᠭ᠃ ᠲᠡᠭᠡᠷᠡᠬᠢ ᠵᠢᠷᠤᠭ ᠪᠣᠯ ︽ᠵᠡᠭᠦᠨ᠋ᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠤᠨ ᠭᠠᠵᠠᠷ ᠤᠨ ᠵᠢᠷᠤᠭ︾᠎ ᠤᠨ ᠲᠠᠰᠤᠯᠠᠪᠤᠷᠢ ᠪᠠ ︽ᠰᠠᠴᠤᠯᠢ ᠶᠢᠨ ᠪᠢᠴᠢᠭ︾᠎ ᠤᠨ ᠭᠠᠷ ᠪᠢᠴᠢᠮᠡᠯ ᠤᠨ ᠬᠤᠶᠠᠷ ᠨᠢᠭᠤᠷ ᠪᠣᠯᠤᠨ᠎ᠠ᠃ ᠡᠨᠡᠬᠦ ᠭᠠᠵᠠᠷ ᠤᠨ ᠵᠢᠷᠤᠭ ᠲᠠᠬᠢ ᠲᠣᠳᠣ ᠦᠰᠦᠭ ᠤᠨ ᠪᠢᠴᠢᠯᠭᠡ ᠶᠢᠨ ᠲᠢᠭ ᠨᠢ ᠮᠠᠨ ᠤ ᠬᠠᠭᠤᠴᠢᠨ ᠰᠤᠳᠤᠷ ᠨᠣᠮ ᠲᠠᠬᠢ ᠲᠣᠳᠣ ᠦᠰᠦᠭ ᠤᠨ ᠪᠢᠴᠢᠯᠭᠡ ᠶᠢᠨ ᠲᠢᠭ ᠲᠠᠢ ᠠᠳᠠᠯᠢ ᠪᠤᠶᠤ ᠠᠳᠠᠯᠢᠪᠳᠤᠷ ᠪᠠᠶᠢᠨ᠎ᠠ ᠭᠡᠳᠡᠭ ᠢ ᠲᠡᠭᠡᠷᠡᠭᠢ ︽ᠰᠠᠴᠤᠯᠢ ᠶᠢᠨ ᠪᠢᠴᠢᠭ︾᠎ ᠠᠴᠠ ᠮᠡᠳᠡᠵᠦ ᠪᠣᠯᠤᠨ᠎ᠠ᠃ ᠡᠨᠡᠬᠦ ᠭᠠᠵᠠᠷ ᠤᠨ ᠵᠢᠷᠤᠭ ᠲᠠᠬᠢ ᠭᠠᠵᠠᠷ ᠤᠨ ᠨᠡᠷ᠎ᠡ ᠪᠠ ᠡᠵᠡᠯᠡᠵᠦ ᠪᠠᠶᠢᠭᠰᠠᠨ ᠭᠠᠵᠠᠷ ᠤᠨ ᠬᠡᠪᠴᠢᠶ᠎ᠡ ︽ᠰᠠᠴᠤᠯᠢ ᠶᠢᠨ ᠪᠢᠴᠢᠭ︾᠎ ᠲᠤ ᠪᠢᠴᠢᠭᠳᠡᠵᠦ ᠲᠠᠬᠢᠵᠦ ᠪᠠᠶᠢᠭᠰᠠᠨ ᠭᠠᠵᠠᠷ ᠤᠨ ᠨᠡᠷ᠎ᠡ ᠡᠵᠡᠯᠡᠵᠦ ᠪᠠᠶᠢᠭᠰᠠᠨ ᠭᠠᠵᠠᠷ ᠤᠨ ᠬᠦᠷᠢᠶ᠎ᠡ ᠬᠡᠪᠴᠢᠶ᠎ᠡ ᠲᠠᠢ ᠠᠳᠠᠯᠢ ᠤᠴᠢᠷ ᠠᠴᠠ ︽ᠰᠠᠴᠤᠯᠢ ᠶᠢᠨ ᠪᠢᠴᠢᠭ︾ ᠪᠠ ︽ᠵᠠᠭᠦᠨ᠋ᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠤᠨ ᠭᠠᠵᠠᠷ ᠤᠨ ᠵᠢᠷᠤᠭ︾ ᠪᠣᠯ ᠵᠡᠭᠦᠨ᠋ᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠤᠨ ᠦᠶ᠎ᠡ ᠳᠤ ᠪᠦᠳᠦᠭᠡᠭᠳᠡᠭᠰᠡᠨ ᠪᠦᠳᠦᠭᠡᠯ ᠭᠡᠵᠦ ᠦᠵᠡᠵᠦ ᠪᠣᠯᠤᠨ᠎ᠠ᠃ 　 ᠡᠭᠦᠨ ᠠᠴᠠ ᠽᠠᠶ᠎ᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠰᠤ 1648 ᠣᠨ ᠳᠤ ᠤᠶᠢᠭᠤᠷᠵᠢᠨ ᠮᠣᠩᠭᠤᠯ ᠦᠰᠦᠭ ᠤᠨ ᠰᠠᠭᠤᠷᠢᠨ ᠲᠡᠭᠡᠷ᠎ᠡ ᠲᠣᠳᠣ ᠦᠰᠦᠭ ᠢ ᠵᠣᠭᠢᠶᠠᠭᠰᠠᠨ ᠴᠠᠭ ᠠᠴᠠ ᠡᠭᠢᠯᠡᠵᠦ ᠲᠦᠷᠦ ᠱᠠᠰᠢᠨ᠂ ᠲᠡᠦᠬᠡ ᠰᠣᠶᠣᠯ ᠳᠠᠭᠠᠨ ᠲᠣᠳᠣ ᠦᠰᠦᠭ ᠢ ᠦᠷᠭᠡᠨ ᠢᠶᠠᠷ ᠭᠡᠷᠡᠭᠯᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠽᠠᠶ᠎ᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠰᠤ ᠶᠢᠨ ᠲᠥᠪᠡᠳ ᠬᠡᠯᠡᠨ ᠠᠴᠠ ᠣᠷᠴᠢᠭᠤᠯᠠᠭᠰᠠᠨ ᠱᠠᠰᠢᠨ ᠤ ᠨᠡᠯᠢᠶᠡᠳ ᠠᠷᠪᠢᠨ ᠨᠣᠮ ᠢ ᠲᠡᠷᠡ ᠦᠶ᠎ᠡ ᠳᠤ ᠰᠤᠳᠤᠷ ᠨᠣᠮ ᠤᠨ ᠭᠡᠯᠪᠡᠷᠢ ᠲᠠᠢ ᠪᠢᠴᠢᠭᠰᠡᠨ ᠪᠠᠶᠢᠨ᠎ᠠ᠃ ᠡᠭᠦᠨ ᠢ ᠭᠡᠰᠡᠭ ᠰᠤᠳᠤᠷ ᠨᠣᠮ ᠤᠨ ᠲᠡᠭᠦᠰᠭᠡᠯ ᠳᠤ ᠽᠠᠶ᠎ᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠰᠤ ᠣᠷᠴᠢᠭᠤᠯᠵᠦ xxx ᠪᠢᠴᠢᠵᠦ ᠪᠣᠰᠬᠠᠪᠠ ᠭᠡᠳᠡᠭ ᠠᠴᠠ ᠮᠡᠳᠡᠵᠦ ᠪᠣᠯᠤᠨ᠎ᠠ᠃ ᠲᠣᠳᠣ ᠦᠰᠦᠭ ᠵᠡᠭᠦᠨ᠋ᠭᠠᠷ ᠬᠠᠭᠠᠳᠤ ᠤᠯᠤᠰ ᠤᠨ ᠲᠦᠷᠦ ᠶᠢᠨ ᠦᠰᠦᠭ ᠪᠢᠴᠢᠭ ᠪᠣᠯᠵᠦ ᠭᠡᠷᠡᠭᠯᠡᠭᠳᠡᠭᠰᠡᠨ ᠪᠠ ᠵᠡᠭᠦᠨ᠋ᠭᠠᠷ ᠬᠠᠭᠠᠨᠳᠤ ᠲᠦᠷᠦ ᠶᠢᠨ ᠥᠷᠨᠢᠨ ᠬᠦᠭᠵᠢᠬᠦ ᠶᠢ ᠲᠠᠭᠠᠯᠳᠤᠨ ᠶᠡᠭᠡ ᠣᠯᠠᠨ ᠲᠥᠷᠦ ᠱᠠᠰᠢᠨ᠂ ᠲᠡᠦᠬᠡ ᠰᠣᠶᠣᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠰᠤᠳᠤᠷ ᠨᠣᠮ ᠪᠢᠴᠢᠭᠳᠡᠵᠦ ᠪᠢᠳᠡᠨ ᠤ ᠦᠶ᠎ᠡ ᠳᠤ ᠨᠢᠭᠡ ᠬᠡᠰᠡᠭ ᠨᠢ ᠦᠶ᠎ᠡ ᠠᠴᠠ ᠦᠶ᠎ᠡ ᠳᠤ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠪᠠᠶᠢᠨ᠎ᠠ᠃       ᠬᠠᠳᠠᠭᠠᠯᠠᠭᠳᠠᠵᠦ ᠪᠠᠶᠢᠬᠤ ᠰᠤᠳᠤᠷ ᠨᠣᠮ ᠤᠨ ᠲᠦᠷᠦᠯ ᠠᠩᠬᠢᠯᠠᠯ 　 ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠲᠦᠷᠦ᠂ ᠨᠡᠶᠢᠬᠡᠮ᠂ ᠱᠠᠰᠢᠨ ᠰᠤᠷᠲᠠᠬᠤᠨ ᠪᠠ ᠬᠦᠮᠦᠨ ᠠᠷᠠᠳ ᠤᠨ ᠪᠣᠳᠠᠳᠠᠢ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭ᠎ᠠ ᠠᠴᠠ ᠪᠣᠯᠵᠦ᠂ ᠲᠡᠷᠡ ᠦᠶ᠎ᠡ ᠶᠢᠨ ᠪᠣᠳᠠᠳᠠᠢ ᠠᠬᠤᠢ ᠶᠢ ᠲᠤᠰᠬᠠᠭᠰᠠᠨ᠂ ᠲᠡᠷᠡᠬᠦ ᠠᠬᠤᠢ ᠪᠠᠶᠢᠳᠠᠯ ᠳᠤ ᠦᠢᠯᠡᠴᠢᠯᠡᠬᠦ ᠰᠣᠶᠣᠯ ᠱᠠᠭᠠᠷᠳᠠᠭᠳᠠᠵᠦ ᠴᠠᠭ ᠦᠶ᠎ᠡ ᠶᠢᠨ ᠬᠦᠭᠵᠢᠯᠳᠠ ᠶᠢ ᠲᠠᠭᠠᠯᠳᠤᠨ ᠪᠠᠰᠠ ᠬᠤᠪᠢᠷᠠᠨ ᠬᠦᠭᠵᠢᠵᠦ ᠪᠠᠶᠢᠵᠠᠢ᠃ ᠮᠣᠩᠭᠤᠯᠬᠦ᠋ᠷᠢᠶ᠎ᠠ ᠶᠢᠨ ᠦᠭᠡᠯᠡᠳᠴᠤᠳ ᠤᠨ ᠲᠤᠮᠳᠠ ᠬᠠᠳᠠᠭᠠᠯᠠᠭᠳᠠᠵᠦ ᠪᠠᠶᠢᠬᠤ ᠰᠤᠳᠤᠷ ᠨᠣᠮ ᠨᠢ ᠦᠵᠡᠭᠳᠡᠯ ᠤᠨ ᠲᠠᠯ᠎ᠠ ᠪᠠᠷ ᠪᠦᠷ ᠱᠠᠰᠢᠨ ᠤ ᠠᠭᠤᠯᠭ᠎ᠠ ᠲᠠᠢ ᠰᠢᠭ᠋ ᠪᠣᠯᠪᠠᠴᠤ ᠲᠣᠳᠣᠭᠠᠳᠤ ᠶᠣᠰᠣ ᠤᠴᠢᠷ ᠢᠶᠠᠷ ᠢᠷᠡᠵᠦ ᠵᠠᠳᠠᠯᠠᠪᠠᠯ ᠣᠯᠠᠨ ᠠᠭᠤᠯᠭ᠎ᠠ ᠲᠠᠢ ᠪᠠᠶᠢᠨ᠎ᠠ᠃ ᠡᠭᠦᠨ ᠢ ᠣᠳᠣ ᠳᠠᠭᠠᠨ ᠱᠠᠰᠢᠨ᠂ ᠰᠠᠩ ᠲᠠᠬᠢᠯᠭ᠎ᠠ᠂ ᠡᠰᠢ ᠵᠠᠷᠯᠢᠭ᠂ ᠵᠢᠷᠤᠬᠠᠢ ᠮᠡᠷᠭᠡ ᠲᠥᠯᠭᠡ᠂ ᠲᠤᠭᠳᠠᠭᠠᠯ ᠲᠠᠷᠨᠢ᠂ ᠱᠠᠰᠲᠢᠷ᠂ ᠡᠮ ᠲᠤᠮ᠂ ᠰᠤᠷᠭᠠᠯ ᠲᠣᠭᠤᠵᠢ᠂ ᠲᠡᠦᠭᠡ᠂ ᠵᠠᠩ ᠦᠢᠯᠡ᠂ ᠦᠰᠦᠭ ᠪᠢᠴᠢᠭ ᠭᠡᠵᠦ ᠬᠤᠪᠢᠶᠠᠵᠦ ᠪᠣᠯᠳᠠᠭ ᠪᠠᠶᠢᠨ᠎ᠠ᠃ ᠲᠠᠷᠠᠭᠠᠭᠢ ᠰᠤᠳᠤᠷ ᠨᠣᠮ ᠤᠨ ᠨᠡᠷ᠎ᠡ ᠪᠣᠯ ᠪᠦᠷ ᠲᠣᠳᠣ ᠦᠰᠦᠭ ᠢᠶᠠᠷ ᠪᠢᠴᠢᠭᠳᠡᠭᠰᠡᠨ ᠢ ᠦᠢᠭᠤᠷᠵᠢᠨ ᠮᠣᠩᠭᠤᠯ ᠦᠰᠦᠭ ᠲᠤ ᠰᠣᠩᠭᠤᠨ ᠪᠠᠭᠤᠯᠭᠠᠵᠦ ᠪᠢᠴᠢᠪᠡ᠃ 　 ᠱᠠᠰᠢᠨ  ᠬᠤᠳᠤᠭᠳᠤ ᠰᠤᠳᠤᠷ ᠤᠨ ᠠᠶᠢᠮᠠᠭ ᠤᠨ ᠡᠷᠭᠡᠳᠦ ᠬᠠᠭᠠᠨ ᠲᠡᠭᠡᠳᠦ ᠠᠯᠳᠠᠨ ᠭᠡᠷᠡᠯ ᠬᠡᠮᠡᠬᠦ ᠶᠡᠭᠡ ᠰᠤᠳᠤᠷ ᠣᠷᠣᠰᠢᠪᠠ᠃ ᠬᠤᠳᠣᠭᠳᠤ ᠪᠢᠯᠢᠭ ᠤᠨ ᠴᠢᠨᠠᠳᠤ ᠬᠦᠷᠦᠭᠰᠡᠨ ᠲᠠᠰᠣᠯᠤᠭᠴᠢ ᠸᠴᠢᠷ ᠬᠡᠮᠡᠬᠦ ᠰᠤᠳᠤᠷ ᠣᠷᠣᠰᠢᠪᠠ᠃ ᠪᠤᠰᠤᠳ ᠲᠤ ᠦᠯᠦ ᠢᠯᠡᠳᠭᠡᠭᠴᠢ ᠱᠦᠭᠦᠷᠲᠤ ᠰᠢᠲᠢᠲᠡᠨ ᠣᠷᠣᠰᠢᠪᠡ᠃ ᠪᠣᠳᠢ ᠰᠠᠳᠢ ᠶᠢᠨ ᠤᠨᠠᠯ ᠨᠠᠮᠴᠢᠯᠭ᠎ᠠ ᠣᠷᠣᠰᠢᠪᠠ᠃ ᠫᠠᠼᠢᠷ ᠪᠢᠲᠢᠷᠨᠠ ᠬᠡᠮᠡᠬᠦ ᠶᠡᠭᠡ ᠬᠦᠯᠭᠡᠨ ᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠲᠠᠰᠤᠯᠠᠭᠴᠢ ᠸᠴᠢᠷ ᠤᠨ ᠲᠠᠶᠢᠯᠠᠪᠤᠷᠢ ᠶᠢᠨ ᠰᠤᠳᠤᠷ ᠣᠷᠣᠰᠢᠪᠠ᠃ ᠬᠤᠲᠤᠭᠳᠤ ᠬᠠᠷ᠎ᠠ ᠱᠦᠭᠦᠷᠲᠦ ᠬᠡᠮᠡᠬᠦ ᠰᠤᠳᠤᠷ ᠣᠷᠣᠰᠢᠪᠡ᠃ ᠬᠤᠲᠤᠭᠳᠤ ᠪᠤᠰᠤᠳ ᠲᠤ ᠦᠯᠦ ᠢᠯᠡᠳᠭᠡᠭᠴᠢ ᠴᠠᠭᠠᠨ ᠱᠦᠭᠦᠷᠲᠤ ᠬᠡᠮᠡᠬᠦ ᠶᠡᠭᠡ ᠬᠦᠯᠭᠡᠨ ᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠬᠤᠳᠣᠭᠳᠤ ᠴᠠᠭᠯᠠᠰᠢ ᠦᠭᠡᠢ ᠨᠠᠰᠤᠨ ᠪᠡᠯᠭᠡ ᠪᠢᠯᠢᠭ ᠲᠤ ᠬᠡᠮᠡᠬᠦ ᠶᠡᠭᠡ ᠭᠦᠯᠭᠡᠨ ᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠬᠤᠳᠣᠭᠲᠤ ᠭᠠᠵᠠᠷ ᠤᠨ ᠨᠠᠶᠢᠮᠠᠨ ᠭᠡᠭᠡᠨ ᠬᠡᠮᠡᠬᠦ ᠶᠡᠭᠡ ᠭᠦᠯᠭᠡᠨ ᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠬᠤᠳᠤᠭᠳᠤ ᠥᠯᠵᠡᠢ ᠲᠠᠪᠬᠤᠷᠯᠠᠭᠰᠠᠨ ᠬᠡᠮᠡᠬᠦ ᠶᠡᠭᠡ ᠭᠦᠯᠭᠡᠨ ᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠠᠯᠲᠠᠨ ᠭᠡᠷᠡᠯ ᠤᠨ ᠬᠤᠷᠢᠶᠠᠩᠭᠤᠢ ᠣᠷᠣᠰᠢᠪᠠ᠃ ᠰᠠᠶᠢᠳᠤᠷ ᠲᠠᠷᠤᠭᠴᠢ ᠰᠠᠶᠢᠨ ᠭᠠᠯᠪᠠ ᠶᠢᠨ ᠮᠢᠩᠭᠠᠨ ᠪᠤᠷᠬᠠᠨ ᠤ ᠲᠠᠮᠠᠭ᠎ᠠ᠃ ᠬᠤᠲᠤᠭᠳᠤ ᠤᠰᠨᠢᠷ ᠠᠴᠠ ᠭᠠᠷᠤᠭᠰᠠᠨ ᠬᠠᠷ᠎ᠠ ᠱᠦᠭᠦᠷᠲᠤ ᠣᠷᠣᠰᠢᠪᠠ᠃ ᠪᠠᠨᠽᠠᠷᠠᠭᠴᠢ ᠶᠢᠨ ᠬᠤᠷᠢᠶᠠᠩᠭᠤᠢ ᠣᠷᠣᠰᠢᠪᠠ᠃ ᠬᠤᠲᠤᠭᠳᠤ ᠥᠯᠵᠡᠢ ᠲᠠᠪᠬᠤᠷᠯᠠᠭᠰᠠᠨ ᠰᠤᠳᠤᠷ ᠣᠷᠣᠰᠢᠪᠠ᠃ ᠪᠢᠯᠢᠭ ᠪᠠᠷᠮᠢᠳ ᠤᠨ ᠰᠤᠳᠤᠷ ᠣᠷᠣᠰᠢᠪᠠ᠃ ᠢᠳᠡᠭᠡᠯ ᠣᠷᠣᠰᠢᠪᠠ᠃ ᠬᠤᠲᠤᠭᠲᠤ ᠶᠡᠭᠡ ᠲᠣᠨᠢᠯᠤᠭᠰᠠᠨ ᠵᠦᠭ ᠲᠤ ᠲᠡᠯᠭᠡᠷᠡᠭᠦᠯᠦᠭᠴᠢ ᠬᠡᠮᠡᠬᠦ ᠶᠡᠭᠡ ᠭᠦᠯᠭᠡᠨ ᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠲᠡᠭᠡᠳᠦ ᠨᠣᠮ ᠴᠠᠭᠠᠨ ᠪᠠᠳᠮ᠎ᠠ ᠬᠡᠮᠡᠬᠦ ᠶᠡᠭᠡ ᠬᠦᠯᠭᠡᠨ ᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠪᠤᠷᠬᠠᠨ ᠤ ᠭᠠᠰᠠᠯᠠᠩ ᠢ ᠠᠮᠤᠷᠯᠢᠬᠤ ᠨᠣᠮ᠃ ᠲᠤᠷᠵᠢ ᠵᠤᠳᠪᠠ ᠶᠢᠨ ᠠᠴᠢ ᠲᠤᠰᠠ ᠣᠷᠣᠰᠢᠪᠠ᠃ ᠬᠤᠲᠤᠭᠳᠤ ᠪᠢᠯᠢᠭ ᠤᠨ ᠵᠢᠷᠦᠬᠡᠨ ᠣᠷᠣᠰᠢᠪᠠ᠃ ᠪᠠᠨᠴᠢᠨ ᠨᠠᠭᠪᠠ ᠬᠡᠮᠡᠭᠦ ᠰᠤᠳᠤᠷ ᠣᠷᠣᠰᠢᠪᠠ᠃ ᠬᠤᠳᠤᠭ ᠲᠤ ᠪᠠᠮᠴᠢᠨ ᠷᠠᠩᠭ᠎ᠠ ᠬᠡᠮᠡᠬᠦ ᠲᠠᠪᠤᠨ ᠰᠠᠬᠢᠬᠤ ᠨᠠᠷᠠᠳᠤ ᠶᠡᠭᠡ ᠭᠦᠯᠭᠡᠨ ᠰᠤᠳᠤᠷ ᠣᠷᠣᠰᠢᠪᠠ ︵ᠦᠢᠭᠤᠷᠵᠢᠨ ᠮᠣᠩᠭᠤᠯ ᠦᠰᠦᠭ ᠢᠶᠠᠷ︶᠃ ᠭᠤᠷᠪᠠᠨ ᠰᠠᠨᠸᠠᠷ ᠤᠨ ᠲᠡᠶᠢᠨ ᠲᠠᠯᠪᠢᠯ ᠣᠷᠣᠰᠢᠪᠠ᠃ ᠪᠠᠭ᠎ᠠ ᠪᠣᠳᠢ ᠮᠦᠷ ᠤᠨ ᠦᠶ᠎ᠡ ᠣᠷᠣᠰᠢᠪᠠ᠃ ᠬᠠᠮᠤᠭ ᠨᠣᠮ ᠤᠨ ᠢᠳᠡᠭᠡᠯ ᠣᠷᠣᠰᠢᠪᠠ᠃ ᠮᠡᠳᠡᠭᠳᠡᠭᠦᠨ ᠲᠦᠷᠪᠡᠨ ᠦᠭᠡᠢ ᠣᠷᠣᠰᠢᠪᠠ ︵ᠦᠢᠭᠤᠷᠵᠢᠨ ᠮᠣᠩᠭᠤᠯ ᠦᠰᠦᠭ ᠢᠶᠠᠷ︶ ᠪᠤᠷᠬᠠᠨ ᠪᠠᠭᠰᠢ ᠶᠢᠨ ᠵᠣᠭᠢᠶᠠᠭᠰᠠᠨ ᠠᠩᠬᠠᠨ ᠤ ᠰᠤᠳᠤᠷ ᠣᠷᠣᠰᠢᠪᠠ ᠁ ᠁᠃       ᠰᠠᠩ ᠲᠠᠬᠢᠯᠭ᠎ᠠ  ᠭᠡᠰᠡᠷ ᠤᠨ ᠰᠠᠩ ᠣᠷᠣᠰᠢᠪᠠ᠃ ᠰᠢᠷ᠎ᠠ ᠽᠠᠮᠪᠠᠯᠠ ᠰᠠᠩ ᠣᠷᠣᠰᠢᠪᠠ᠃ ᠦᠢᠷᠡᠳ ᠤᠨ ᠡᠵᠡᠨ ᠴᠠᠭᠠᠨ ᠡᠪᠦᠭᠡᠨ ᠤ ᠰᠠᠩ ᠣᠷᠣᠰᠢᠪᠠ᠃ ᠸᠴᠢᠷᠪᠠᠨᠢ ᠶᠢᠨ ᠰᠠᠩ ᠣᠷᠣᠰᠢᠪᠠ᠃ ᠬᠤᠲᠤᠭᠳᠤ ᠰᠢᠷ᠎ᠠ ᠽᠠᠮᠪᠠᠯᠠ ᠰᠠᠩ ᠣᠷᠣᠰᠢᠪᠠ᠃ ᠯᠤᠤᠰ ᠤᠨ ᠰᠠᠩ ᠣᠷᠣᠰᠢᠪᠠ᠃ ᠭᠠᠵᠠᠷ ᠤᠰᠤᠨ ᠤ ᠰᠠᠩ ᠣᠷᠣᠰᠢᠪᠠ᠃ ᠠᠷᠢᠭᠤᠨ ᠰᠠᠩ ᠤᠨ ᠰᠤᠳᠤᠷ ᠣᠷᠣᠰᠢᠪᠠ ᠃ ᠵᠢᠯ ᠤᠨ ᠰᠠᠩ ᠣᠷᠣᠰᠢᠪᠠ᠃ ᠵᠠᠶᠠᠭᠠᠨ ᠤ ᠲᠠᠪᠤᠨ ᠲᠡᠭᠷᠢ ᠶᠢᠨ ᠰᠠᠩ ᠣᠷᠣᠰᠢᠪᠠ᠃ ᠴᠣᠭᠳᠤ ᠢᠳᠡᠭᠡᠯ ᠠᠷᠤᠯᠽᠤᠨᠠ ᠵᠣᠭᠢᠶᠠᠭᠰᠠᠨ ᠢᠷᠦᠭᠡᠯ ᠣᠷᠣᠰᠢᠪᠠ᠃ ᠲᠠᠮᠪᠢᠷᠯᠤᠩ ᠣᠷᠣᠰᠢᠪᠠ᠃ ᠭᠠᠵᠠᠷ ᠤᠰᠤᠨ ᠤ ᠰᠠᠩ ᠣᠷᠣᠰᠢᠪᠠ᠃ ᠠᠷᠪᠠᠨ ᠭᠤᠷᠪᠠᠨ ᠰᠠᠩ᠃ ᠴᠠᠶᠠᠶ᠎ᠠ ᠠᠸᠠᠳᠠᠸᠠ ᠶᠢᠨ ᠢᠷᠦᠭᠡᠯ ᠣᠷᠣᠰᠢᠪᠠ ︵ᠦᠢᠭᠤᠷᠵᠢᠨ ᠮᠣᠩᠭᠤᠯ ︶᠃ ᠵᠡᠭᠦᠨ ᠭᠠᠷ ᠲᠦᠷᠪᠡᠨ ᠲᠦᠷᠪᠡᠨ ᠦᠢᠷᠡᠳ ᠤᠨ ᠣᠪᠣᠭ᠎ᠠ ᠲᠠᠭᠢᠬᠤ ᠰᠠᠩ ᠲᠠᠯᠪᠢᠬᠤ ᠰᠠᠴᠤᠯᠢ ᠶᠢᠨ ᠪᠢᠴᠢᠭ ᠣᠷᠣᠰᠢᠪᠠ ᠁ ᠁᠃ 　 ᠵᠢᠷᠤᠬᠠᠢ ᠮᠡᠷᠭᠡ ᠲᠥᠯᠭᠡ 　 ᠠᠯᠳᠠᠨ ᠰᠠᠪᠠ ᠦᠵᠡᠭᠦᠯᠬᠦ ᠰᠤᠳᠤᠷ᠃ ᠮᠠᠯ ᠤᠨ ᠭᠡᠰᠢᠭ ᠦᠵᠡᠬᠦ ᠡᠳᠦᠷ ᠤᠨ ᠪᠢᠴᠢᠭ᠃ ᠨᠠᠶᠢᠮᠠᠨ ᠰᠠᠭᠤᠷᠢ ᠶᠢᠨ ᠦᠵᠡᠭᠦᠯᠬᠡ ᠣᠷᠣᠰᠢᠪᠡ᠃ ᠬᠡᠷᠢᠶ᠎ᠡ ᠶᠢᠨ ᠲᠤᠩᠭᠤᠳᠬᠤ ᠲᠠᠭᠤ ᠰᠢᠨᠵᠢᠬᠦ ᠪᠢᠴᠢᠭ᠃ ᠡᠳᠦᠷ ᠦᠵᠡᠭᠦ ᠰᠦᠨᠢ ᠦᠵᠡᠬᠦ ᠨᠣᠮ ᠪᠣᠢ᠃ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠨᠠᠰᠤᠨ ᠤ ᠨᠣᠮ᠃ ᠰᠠᠭᠤᠷᠢ ᠶᠢᠨ ᠨᠠᠶᠢᠮᠠᠨ ᠬᠦᠯᠢᠯ ᠦᠵᠡᠬᠦ ᠰᠣᠳᠤᠷ ᠣᠷᠣᠰᠢᠪᠠ᠃ ᠲᠣᠨᠢᠯᠠᠬᠤ ᠵᠠᠭᠤᠷᠠᠳᠤ ᠶᠢᠨ ᠦᠵᠡᠭᠳᠡᠯ ᠬᠡᠮᠡᠭᠦ ᠰᠤᠳᠤᠷ ᠣᠷᠣᠰᠢᠪᠠ᠃ ᠡᠳᠦᠷ ᠦᠵᠡᠬᠦ ᠪᠢᠴᠢᠭ ᠣᠷᠣᠰᠢᠪᠠ᠃ ᠡᠷᠢᠭᠡ ᠪᠠᠷ ᠲᠥᠯᠭᠡ ᠦᠵᠡᠭᠦ ᠰᠣᠳᠣᠷ ᠣᠷᠣᠰᠢᠪᠠ᠃ ᠱᠣ ᠣᠷᠬᠢᠵᠦ ᠲᠥᠯᠭᠡ ᠦᠵᠡᠬᠦ ᠰᠤᠳᠤᠷ ᠣᠷᠣᠰᠢᠪᠠ᠃ ᠭᠠᠷᠠᠭ ᠲᠣᠭᠠᠯᠠᠬᠤ ᠪᠢᠴᠢᠭ ᠣᠷᠣᠰᠢᠪᠠ᠃ ᠵᠢᠷᠢᠨ ᠵᠢᠯ ᠤᠨ ᠱᠣ᠃ ᠲᠥᠴᠢᠨ ᠨᠢᠭᠡ ᠴᠢᠯᠠᠭᠤ ᠪᠠᠷ ᠪᠡᠯᠭᠡ ᠲᠠᠲᠠᠬᠤ ᠰᠤᠳᠤᠷ᠃ ᠡᠳ᠋ ᠲᠡᠪᠡᠯ ᠢᠰᠬᠢᠬᠦ ᠡᠳᠦᠷ ᠤᠨ ᠰᠤᠳᠤᠷ ᠣᠷᠣᠰᠢᠪᠠ᠃ ᠦᠵᠡᠯᠭᠡᠨ ᠤ ᠪᠢᠴᠢᠭ ᠰᠤᠳᠤᠷ ᠣᠷᠣᠰᠢᠪᠠ᠃ ᠨᠦᠭᠴᠢᠭᠰᠡᠨ ᠬᠦᠮᠦᠨ ᠤ ᠭᠠᠷᠠᠭ ᠢᠶᠠᠷ ᠦᠵᠡᠯᠭᠡᠨ ᠤ ᠪᠢᠴᠢᠭ ᠰᠤᠳᠤᠷ᠃ ᠬᠦᠮᠦᠨ ᠤ ᠵᠢᠯ ᠤᠨ ᠦᠵᠡᠯᠭᠡᠨ ᠤ ᠰᠣᠳᠣᠷ᠃ ᠶᠢᠰᠦᠨ ᠦᠢᠯᠡ ᠶᠢᠨ ᠲᠦᠯᠭᠡᠨ ᠤ ᠰᠤᠳᠤᠷ᠃ ᠤᠳᠠᠰᠤᠨ ᠲᠥᠯᠭᠡ᠃ ᠳ᠋ᠾᠷ᠎ᠠ ᠡᠭᠡ ᠶᠢᠨ ᠲᠠᠷᠨᠢ ᠪᠠᠷ ᠲᠥᠯᠭᠡ ᠰᠤᠳᠤᠷ᠃ ᠠᠷᠪᠠᠨ ᠵᠦᠢᠯ ᠤᠨ ᠤᠳᠠᠰᠤᠨ ᠲᠥᠯᠭᠡ᠃ ᠲᠠᠪᠤᠨ ᠲᠠᠭᠢᠨᠢ ᠶᠢᠨ ᠴᠠᠭ ᠢᠶᠠᠷ ᠵᠠᠶᠠᠭᠠᠨ ᠤ ᠦᠵᠡᠯᠭᠡᠨ ᠤ ᠰᠤᠳᠤᠷ᠃ ᠲᠠᠯᠠᠯᠭ᠎ᠠ ᠲᠠᠭᠤᠳᠠᠬᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠠᠷᠪᠠᠨ ᠦᠩᠭᠡ ᠪᠠᠷ ᠵᠠᠶᠠᠭᠠᠨ ᠤ ᠮᠡᠩᠭᠡ ᠦᠵᠡᠬᠦ ᠰᠤᠳᠤᠷ ᠣᠷᠣᠰᠢᠪᠠ᠃ ᠰᠢᠮᠨᠤᠰ ᠤᠨ ᠠᠷᠪᠠᠨ ᠬᠤᠶᠠᠷ ᠶᠡᠭᠡ ᠬᠠᠷ᠎ᠠ ᠡᠳᠦᠷ ᠤᠨ ᠦᠵᠡᠯᠭᠡᠨ ᠰᠣᠳᠣᠷ᠃ ᠲᠠᠭᠢᠨᠢ ᠶᠢᠨ ᠴᠠᠭ ᠡᠳᠦᠷ ᠪᠤᠶᠤ ᠭᠤᠴᠢᠨ ᠡᠳᠦᠷ ᠢᠷᠸ᠎ᠠ ᠦᠵᠡᠬᠦ ᠰᠤᠳᠤᠷ᠃ ᠭᠡᠭᠦᠷ ᠭᠠᠷᠭᠠᠬᠤ ᠦᠵᠡᠭᠦᠯᠬᠦ ᠣᠷᠣᠰᠢᠪᠠ᠃ ᠰᠦᠨᠡᠰᠦᠨ ᠣᠷᠣᠰᠢᠬᠤ ᠡᠳᠦᠷ ᠤᠨ ᠦᠵᠡᠯᠭᠡ᠃ ᠬᠠᠷ᠎ᠠ ᠯᠤᠤᠰ ᠤᠨ ᠬᠠᠨ ᠤ ᠲᠥᠯᠭᠡ ᠰᠤᠳᠤᠷ᠃ ᠶᠢᠰᠦᠨ ᠵᠤᠭᠤᠰᠤᠨ ᠤ ᠲᠥᠯᠭᠡ ᠰᠤᠳᠤᠷ᠃ ᠲᠠᠯᠤ ᠶᠢᠨ ᠲᠥᠯᠭᠡ ᠰᠤᠳᠤᠷ᠃ ᠲᠣᠯᠣᠭᠠᠨ ᠭᠠᠷᠠᠭ ᠤᠨ ᠰᠤᠳᠤᠷ ᠣᠷᠣᠰᠢᠪᠠ᠃ ᠨᠠᠶᠢᠮᠠᠨ ᠦᠬᠢᠨ ᠲᠡᠭᠷᠢ ᠶᠢᠨ ᠦᠵᠡᠯᠭᠡ ᠣᠷᠣᠰᠢᠪᠠ᠃ ᠪᠡᠶ᠎ᠡ ᠶᠢ ᠤᠬᠢᠶᠠᠬᠤ ᠰᠠᠷ᠎ᠠ ᠡᠳᠦᠷ ᠤᠨ ᠦᠵᠡᠯᠭᠡ ᠣᠷᠣᠰᠢᠪᠠ᠃ ᠬᠤᠪᠰᠢᠨ ᠰᠢᠷ᠎ᠠ ᠰᠤᠳᠤᠷ ᠣᠷᠣᠰᠢᠪᠠ᠃ ᠭᠡᠢ ᠮᠥᠷᠢ ᠭᠡᠶᠢᠰᠭᠡᠭᠦ ᠡᠳᠦᠷ ᠦᠵᠡᠬᠦ ᠰᠤᠳᠤᠷ ᠣᠷᠣᠰᠢᠪᠠ᠃ ᠮᠡᠩᠭᠡ ᠪᠠᠷ ᠲᠤᠲᠤᠯᠠᠬᠤ ᠦᠵᠡᠯᠭᠡ ᠣᠷᠣᠰᠢᠪᠠ᠃ ᠰᠢᠷᠪᠦᠰᠦ ᠲᠦᠯᠡᠭᠦ ᠰᠤᠳᠤᠷ ᠣᠷᠣᠰᠢᠪᠠ᠃ ᠦᠭᠦᠭᠦ ᠢᠷᠸ᠎ᠠ᠃ ᠶᠢᠰᠦᠨ ᠲᠡᠭᠷᠢ ᠶᠢᠨ ᠡᠭᠦᠳᠡ ᠦᠵᠡᠬᠦ ᠨᠣᠮ᠃ ᠬᠦᠮᠦᠨ ᠭᠤᠷᠪᠠᠨ ᠵᠠᠶᠠᠭᠠᠨ ᠤ ᠰᠤᠳᠤᠷ᠃ ᠬᠡᠷᠢᠶ᠎ᠡ ᠶᠢᠨ ᠳᠤᠩᠭᠠᠳᠬᠤ ᠲᠠᠭᠤ ᠰᠢᠨᠵᠢᠬᠦ ᠰᠤᠳᠣᠷ᠃ ᠠᠯᠢᠪᠠ ᠵᠦᠢᠯ ᠤᠨ ᠡᠳᠦᠷ ᠦᠵᠡᠬᠦ ᠪᠢᠴᠢᠭ᠃ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠨᠠᠰᠤᠨ ᠤ ᠨᠣᠮ ᠣᠷᠣᠰᠢᠪᠠ᠃ 　 ᠲᠣᠭᠳᠠᠭᠠᠯ 　      ᠶᠠᠺᠠᠬ᠎ᠠ ᠶᠢᠨ ᠠᠶᠢᠮᠠᠭ ᠤᠨ ᠶᠡᠭᠡ ᠨᠣᠶᠠᠳ ᠠᠪᠷᠠᠵᠢᠳ ᠤᠨ ᠲᠣᠭᠳᠠᠭᠠᠯ ᠣᠷᠣᠰᠢᠪᠠ᠃ ᠬᠠᠷ᠎ᠠ ᠰᠢᠳᠢ ᠶᠢᠨ ᠲᠣᠭᠳᠠᠭᠠᠯ ᠣᠷᠣᠰᠢᠪᠠ᠃ ᠲᠡᠶᠢᠨ ᠡᠪᠳᠡᠭᠴᠢ ᠤᠴᠢᠷ ᠬᠡᠮᠡᠬᠦ ᠲᠤᠭᠳᠠᠭᠠᠯ ᠣᠷᠣᠰᠢᠪᠠ᠃ ᠺᠠᠨᠠᠨ ᠫᠠᠳᠢ ᠶᠢᠨ ᠲᠤᠭᠳᠠᠭᠠᠯ ᠣᠷᠣᠰᠢᠪᠠ᠃ ᠮᠣᠳᠣᠨ ᠤ ᠴᠢᠮᠢᠭ ᠬᠡᠮᠡᠭᠦ ᠲᠤᠭᠳᠠᠭᠠᠯ ᠣᠷᠣᠰᠢᠪᠠ᠃ ᠬᠠᠷ᠎ᠠ ᠬᠢᠲᠡᠳ ᠤᠨ ᠮᠥᠴᠢᠯᠭᠡᠨ ᠤ ᠬᠠᠷᠢᠯᠭ᠎ᠠ ᠬᠡᠮᠡᠬᠦ ᠲᠣᠭᠳᠠᠭᠠᠯ ᠣᠷᠣᠰᠢᠪᠠ᠃ ᠶᠡᠭᠡ ᠮᠢᠩᠭᠠᠨ ᠤ ᠰᠠᠶᠢᠳᠤᠷ ᠲᠠᠷᠤᠭᠴᠢ ᠬᠡᠮᠡᠬᠦ ᠲᠣᠭᠳᠠᠭᠠᠯ ᠣᠷᠣᠰᠢᠪᠠ ᠃ ᠠᠳᠠ ᠶᠢ ᠲᠠᠨᠢᠬᠤ ᠲᠣᠭᠳᠠᠭᠠᠯ ᠰᠤᠳᠤᠷ ᠣᠷᠣᠰᠢᠪᠠ᠃ 　      ᠡᠰᠢ ᠵᠠᠷᠯᠢᠭ 　 ᠲᠡᠭᠷᠢ ᠠᠴᠠ ᠪᠠᠭᠤᠯᠭᠠᠭᠰᠠᠨ ᠨᠠᠮᠠᠭ ᠤᠨ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠴᠠᠭᠠᠨ ᠱᠦᠭᠦᠷᠲᠦ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠲᠡᠭᠡᠳᠦ ᠨᠠᠷᠠᠨ ᠪᠠᠨᠴᠢᠨ ᠪᠣᠭᠳᠠ ᠶᠢᠨ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠴᠢᠩᠭᠢᠰ ᠬᠠᠭᠠᠨ ᠪᠣᠭᠳᠠ ᠭᠡᠭᠡᠨ ᠡᠷᠳᠡᠨᠢ ᠱᠠᠵᠠ ᠪᠠᠨᠴᠢᠨ ᠪᠣᠭᠳᠠ ᠶᠢᠨ ᠵᠠᠷᠯᠢᠭ ᠮᠣᠩᠭᠤᠯ ᠤᠯᠤᠰ ᠢ ᠮᠡᠳᠦᠳᠦᠭᠡᠢ ᠭᠡᠵᠦ ᠲᠠᠷᠬᠠᠭᠠᠪᠠ᠃ ᠵᠠᠨᠵᠠ ᠬᠤᠳᠣᠭᠳᠤ ᠶᠢᠨ ᠵᠠᠷᠯᠢᠭ᠃ ᠮᠣᠩᠭᠤᠯ ᠤᠯᠤᠰ ᠢ ᠮᠡᠳᠡᠭᠲᠦᠨ ᠭᠡᠵᠦ ᠲᠠᠷᠬᠠᠭᠠᠪᠠ᠃ ᠪᠤᠷᠬᠠᠨ ᠤ ᠵᠠᠷᠯᠢᠭ ᠲᠡᠭᠡᠳᠦ ᠲᠡᠭᠷᠢ ᠠᠴᠠ ᠪᠠᠭᠤᠪᠠ ᠃ ᠬᠤᠳᠣᠭᠳᠣ ᠵᠢᠪᠽᠦᠨᠳᠠᠮᠪᠠ ᠭᠡᠭᠡᠨ ᠤ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠪᠣᠭᠳᠠ ᠪᠠᠨᠴᠢᠨ ᠡᠷᠳᠡᠨᠢ ᠲᠠᠯᠠᠢ ᠯᠠᠮᠠ ᠷᠠᠷᠠᠩ ᠨᠣᠮ ᠤᠨ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠪᠣᠭᠳᠠ ᠴᠢᠩᠭᠡᠰ ᠡᠵᠡᠨ ᠠᠶᠢᠯᠠᠳᠬᠠᠭᠰᠠᠨ ᠰᠤᠷᠭᠠᠯ ᠪᠢᠴᠢᠭ ᠣᠷᠣᠰᠢᠪᠠ᠃ ᠬᠤᠷᠮᠤᠰᠳᠠ ᠶᠢᠨ ᠪᠤᠷᠬᠠᠨ ᠤ ᠠᠶᠢᠯᠠᠳᠬᠠᠭᠰᠠᠨ ᠵᠠᠷᠯᠢᠭ᠃ ᠪᠣᠭᠳᠠ ᠵᠢᠪᠽᠦᠨᠳᠠᠮᠪᠠ ᠲᠠᠪᠤᠳᠤᠭᠠᠷ ᠭᠡᠭᠡᠨ ᠤ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠮᠢᠩᠭᠠᠨ ᠪᠤᠷᠬᠠᠨ ᠤ ᠵᠠᠷᠯᠢᠭ᠃ ᠭᠡᠰᠡᠷ ᠪᠣᠭᠳᠠ ᠶᠢᠨ ᠤᠬᠠᠭᠠᠯᠠᠭᠰᠠᠨ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠭᠡᠰᠡᠷ ᠪᠣᠭᠳᠠ ᠨᠣᠭᠤᠭᠠᠨ ᠳ᠋ᠾᠷ᠎ᠠ ᠡᠬᠡ ᠶᠢᠨ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠲᠡᠭᠡᠳᠡᠰ ᠤᠨ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠭᠡᠷᠡᠯ ᠲᠠᠢ ᠴᠢᠯᠠᠭᠤᠨ ᠠᠴᠠ ᠢᠯᠡᠷᠭᠡᠢ ᠭᠠᠷᠤᠭᠰᠠᠨ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠬᠤᠳᠤᠭᠲᠤ ᠮᠠᠨᠽᠤᠰᠢᠷᠢ ᠶᠢᠨ ᠵᠠᠷᠯᠢᠭ ᠨᠡᠷ᠎ᠡ ᠲᠤ ᠪᠢᠴᠢᠭ ᠣᠷᠣᠰᠢᠪᠠ᠃ ᠪᠤᠷᠬᠠᠨ ᠪᠣᠭᠳᠠ ᠶᠢᠨ ᠭᠠᠰᠠᠯᠠᠩ ᠢ — ᠠᠮᠤᠷᠯᠢᠬᠤ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠬᠠᠮᠤᠭ ᠪᠤᠷᠬᠠᠳ ᠤᠨ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠠᠷᠪᠠᠨ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠮᠢᠯᠠ ᠪᠤᠷᠬᠠᠨ ᠤ ᠵᠠᠷᠯᠢᠭ ᠣᠷᠣᠰᠢᠪᠠ᠃ ᠪᠡᠮᠪᠡ ᠬᠤᠳᠤᠭᠲᠤ ᠶᠢᠨ ᠵᠠᠷᠯᠢᠭ ᠣᠷᠣᠰᠢᠪᠠ᠃ 　 ᠱᠠᠰᠲᠢᠷ 　 ᠪᠤᠷᠬᠠᠨ ᠪᠠᠭᠰᠢ ᠶᠢᠨ ᠱᠠᠰᠲᠢᠷ ᠣᠷᠣᠰᠢᠪᠠ᠃ ᠬᠤᠳᠣᠭᠳᠣ ᠨᠠᠭᠠᠨᠽᠤᠨᠠ ᠶᠢᠨ ᠵᠣᠭᠢᠶᠠᠭᠰᠠᠨ ᠲᠥᠷᠦ ᠶᠢᠨ ᠱᠠᠰᠲᠢᠷ᠃ ᠰᠠᠶᠢᠲᠤᠷ ᠨᠣᠮᠯᠠᠬᠤ ᠡᠷᠳᠡᠨᠢ ᠶᠢᠨ ᠰᠠᠩ ᠬᠡᠮᠡᠬᠦ ᠱᠠᠰᠲᠢᠷ ᠣᠷᠣᠰᠢᠪᠠ᠃ ᠦᠯᠢᠭᠡᠷ ᠤᠨ ᠱᠠᠰᠲᠢᠷ ᠣᠷᠣᠰᠢᠪᠠ᠃ ᠤᠶᠤᠨ ᠤ ᠴᠠᠴᠠᠭ᠎ᠠ ᠭᠡᠮᠡᠬᠦ ᠱᠠᠰᠲᠢᠷ ᠣᠷᠣᠰᠢᠪᠠ᠃ ᠡᠷᠳᠡᠨᠢ ᠱᠠᠰᠲᠢᠷ᠃ ᠪᠤᠷᠬᠠᠨ ᠤ ᠴᠠᠳᠢᠭ ᠶᠡᠭᠡ ᠡᠮ᠎ᠡ ᠣᠷᠣᠰᠢᠪᠠ᠃ ᠳ᠋ᠠᠶᠠᠨ ᠬᠠᠭᠠᠨ ᠤ ᠰᠣᠳᠣᠷ ᠣᠷᠣᠰᠢᠪᠠ᠃ 　 ᠰᠤᠷᠭᠠᠯ ᠲᠤᠭᠤᠵᠢ       ᠴᠠᠭᠠᠨ ᠳ᠋ᠾᠷ᠎ᠠ ᠡᠬᠡ ᠶᠢᠨ ᠲᠣᠭᠤᠵᠢ ᠣᠷᠣᠰᠢᠪᠠ᠃ ᠲᠥᠷᠪᠡᠨ ᠵᠦᠭ ᠤᠨ ᠲᠦᠷᠪᠡᠨ ᠶᠡᠭᠡ ᠬᠠᠭᠠᠨ ᠤ ᠵᠠᠯᠪᠢᠷᠠᠯ ᠣᠷᠣᠰᠢᠪᠠ᠃ ᠲᠠᠯᠠᠢ ᠯᠠᠮᠠ ᠶᠢᠨ ᠮᠠᠭᠳᠠᠭᠠᠯ ᠣᠷᠣᠰᠢᠪᠠ᠃ ᠬᠤᠳᠤᠭᠲᠤ ᠳ᠋ᠾᠷ᠎ᠠ ᠡᠭᠡ ᠶᠢᠨ ᠮᠥᠷᠬᠦᠯ ᠣᠷᠣᠰᠢᠪᠠ ︵ᠦᠢᠭᠤᠷᠵᠢᠨ ᠮᠣᠩᠭᠤᠯ ᠦᠰᠦᠭ ᠢᠶᠠᠷ︶᠃ ᠵᠠᠶᠠᠭᠠᠨ ᠤ ᠠᠴᠢ ᠤᠷᠢᠳᠠ ᠶᠢᠨ ᠲᠣᠭᠤᠵᠢ ᠣᠷᠣᠰᠢᠪᠠ ᠰᠠᠶᠢᠨ ᠪᠤᠶᠠᠨ ᠪᠣᠢ᠃ ᠪᠠᠭᠠᠮᠪᠠ ᠡᠬᠡ ᠶᠢᠨ ᠲᠣᠭᠤᠵᠢ ᠣᠷᠣᠰᠢᠪᠠ᠃ ᠬᠤᠶᠠᠳᠤᠭᠠᠷ ᠢᠯᠭᠤᠭᠰᠠᠨ ᠨᠣᠮ ᠤᠨ ᠬᠠᠭᠠᠨ ᠪᠣᠭᠳᠠ ᠽᠤᠩᠺᠠᠪᠠ ᠶᠢᠨ ᠲᠣᠭᠤᠵᠢ ᠣᠷᠣᠰᠢᠪᠠ᠃ ᠭᠠᠰᠠᠯᠠᠩ ᠦᠭᠡᠢ ᠨᠤᠮ ᠤᠨ ᠬᠠᠭᠠᠨ ᠤ ᠲᠣᠭᠤᠵᠢ ᠴᠡᠴᠡᠭ ᠤᠨ ᠦᠰᠦᠭᠰᠡᠨ ᠭᠢᠭᠡᠳ ᠪᠦᠭᠦᠨ ᠳᠤ ᠲᠡᠯᠭᠡᠷᠡᠭᠰᠡᠨ ᠴᠡᠴᠡᠭ ᠬᠠᠭᠠᠨ ᠤ ᠲᠣᠭᠤᠵᠢ ᠣᠷᠣᠰᠢᠪᠠ᠃ ᠠᠷᠪᠠᠨ ᠵᠦᠭ ᠤᠨ ᠡᠵᠡᠨ ᠭᠡᠰᠡᠷ ᠬᠠᠭᠠᠨ ᠠᠩᠳᠤᠯᠮ᠎ᠠ ᠬᠠᠭᠠᠨ ᠢ ᠲᠤᠷᠦ᠋ᠢᠴᠠᠭᠤᠯᠤᠭᠰᠠᠨ ᠪᠦᠯᠦᠭ ᠣᠷᠣᠰᠢᠪᠠ᠃ ᠠᠷᠪᠠᠨ ᠵᠦᠭ ᠤᠨ ᠡᠵᠡᠨ ᠭᠰᠡᠷ ᠬᠠᠭᠠᠨ ᠤ ᠲᠣᠭᠤᠵᠢ ᠣᠷᠣᠰᠢᠪᠠ᠃ ᠠᠷᠪᠠᠨ ᠵᠦᠭ ᠤᠨ ᠡᠵᠡᠨ ᠪᠣᠭᠳᠠ ᠭᠡᠰᠡᠷ ᠬᠠᠭᠠᠨ ᠰᠢᠷ᠎ᠠ ᠭᠤᠣᠯ ᠤᠨ ᠭᠤᠷᠪᠠᠨ ᠬᠠᠭᠠᠨ ᠢ ᠲᠤᠷᠦ᠋ᠢᠴᠠᠭᠤᠯᠤᠭᠰᠠᠨ ᠪᠦᠯᠦᠭ ᠣᠷᠣᠰᠢᠪᠠ᠃ ᠰᠠᠮᠠ ᠰᠢᠮ᠎ᠡ ᠲᠣᠭᠤᠵᠢ ᠣᠷᠣᠰᠢᠪᠠ᠃ ᠦᠯᠢᠭᠡᠷ ᠤᠨ ᠨᠣᠮ ᠡᠷᠳᠡᠨᠢ ᠴᠣᠭᠴᠠ ᠶᠢᠨ ᠭᠤᠣᠯ ᠣᠷᠣᠰᠢᠪᠠ᠃ ᠦᠰᠦᠨ ᠲᠡᠪᠢᠰᠬᠡᠷᠲᠤ ᠬᠠᠭᠠᠨ ᠤ ᠲᠣᠭᠤᠵᠢ ᠣᠷᠣᠰᠢᠪᠠ᠃ ᠭᠭᠢᠷ ᠦᠭᠡᠢ ᠷᠠᠰᠢᠶᠠᠨ ᠤ ᠨᠣᠮ ᠤᠨ ᠲᠣᠭᠤᠵᠢ ᠣᠷᠣᠰᠢᠪᠠ᠃ ᠶᠢᠷᠲᠢᠨᠴᠤ ᠶᠢᠨ ᠲᠤᠯᠢ ᠬᠡᠮᠡᠬᠦ ᠱᠠᠰᠲᠢᠷ ᠣᠷᠣᠰᠢᠪᠠ᠃ ᠱᠠᠭᠵᠠᠮᠤᠨᠢ ᠪᠢᠯᠢᠭ ᠤᠨ ᠴᠠᠭᠠᠨ ᠰᠤᠷᠭᠠᠯ ᠣᠷᠣᠰᠢᠪᠠ᠃ ᠴᠣᠮᠴᠠ ᠬᠦᠪᠡᠭᠦᠨ ᠤ ᠲᠤᠭᠤᠵᠢ ᠣᠷᠣᠰᠢᠪᠠ᠃ ᠪᠠᠨᠴᠢᠨ ᠪᠣᠭᠳᠠ ᠶᠢᠨ ᠡᠨᠡ ᠭᠡᠭᠡᠨ ᠤ ᠨᠢᠭᠤᠴᠠ ᠲᠣᠭᠤᠵᠢ ᠴᠢᠬᠤᠯᠠ ᠭᠡᠷᠡᠭᠳᠦ ᠬᠡᠮᠡᠬᠦ ᠣᠷᠣᠰᠢᠪᠠ᠃ ᠬᠠᠰᠠᠩ ᠨᠡᠷᠡᠳᠦ ᠬᠠᠭᠠᠨ ᠤ ᠲᠣᠭᠤᠵᠢ᠃ ᠵᠢᠷᠭᠤᠭᠠᠨ ᠵᠦᠢᠯ ᠤᠨ ᠡᠬᠡ ᠪᠣᠯᠤᠭᠰᠠᠨ ᠪᠠᠭᠠᠮᠪᠠ ᠬᠠᠲᠤᠨ ᠤ ᠲᠣᠭᠤᠵᠢ ᠣᠷᠣᠰᠢᠪᠠ᠃ ᠮᠠᠨᠢ ᠺᠳᠠᠷ᠎ᠠ ᠬᠠᠭᠠᠨ ᠬᠦᠪᠡᠭᠦᠨ ᠮᠠᠨᠤᠬᠷᠢ ᠦᠬᠢᠨ ᠲᠡᠭᠷᠢ ᠶᠢᠨ ᠲᠣᠭᠤᠵᠢ ᠣᠷᠣᠰᠢᠪᠠ᠃ 　 ᠡᠮ ᠲᠣᠮ 　 ᠷᠠᠰᠢᠶᠠᠨ ᠤ ᠵᠢᠷᠦᠭᠡᠨ ᠨᠠᠶᠢᠮᠠᠨ ᠦᠶᠡᠲᠦ ᠨᠢᠭᠤᠴᠠ ᠥᠪᠡᠷ ᠤᠨ ᠦᠨᠳᠦᠰᠦ᠃ ᠣᠪᠠᠳᠢᠰ ᠡᠷᠳᠡᠮ ᠤᠨ ᠦᠨᠳᠦᠰᠦᠨ ᠤ ᠬᠠᠯᠠᠯᠳᠠ ᠬᠠᠳᠠᠭᠠᠯᠠᠬᠤ ᠬᠠᠯᠠᠭᠤᠨ ᠡᠨᠡᠯᠬᠡ ᠠᠷᠢᠯᠭᠠᠬᠤ ᠬᠤᠪᠣᠷ ᠴᠠᠭ ᠪᠤᠰᠤ ᠶᠢᠨ ᠦᠭᠦᠯ ᠤᠨ ᠴᠠᠯᠮ᠎ᠠ ᠲᠠᠰᠤᠯᠬᠤ ᠢᠯᠳᠤ ᠣᠷᠣᠰᠢᠪᠠ᠃ ᠷᠠᠰᠢᠶᠠᠨ ᠤ ᠵᠢᠷᠦᠭᠡᠨ ᠨᠠᠶᠢᠮᠠᠨ ᠦᠶᠡᠳᠦ ᠨᠢᠭᠤᠴᠠ ᠣᠪᠠᠳᠢᠰ ᠤᠨ ᠦᠨᠳᠦᠰᠦᠨ ᠠᠴᠠ ᠭᠤᠷᠪᠠᠳᠤᠭᠠᠷ ᠭᠡᠰᠡᠭᠯᠡᠭᠰᠡᠨ ᠤᠪᠠᠳᠢᠰ ᠬᠡᠮᠡᠬᠦ ᠣᠷᠣᠰᠢᠪᠠ᠃ ᠬᠠᠮᠤᠭᠤ ᠬᠢᠭᠡᠳ ᠬᠠᠮᠤᠭ ᠬᠠᠪᠤᠲᠤ ᠵᠢᠷᠭᠠᠯ ᠲᠠᠷᠨᠢ ᠪᠣᠢ᠃ ᠬᠤᠳᠣᠭᠳᠣ ᠬᠠᠷ᠎ᠠ ᠠᠮᠠ ᠬᠡᠯᠡᠨ ᠤ ᠠᠮᠤᠷᠯᠤᠭᠴᠢ ᠰᠤᠳᠤᠷ᠃ ᠬᠤᠳᠤᠭᠳᠤ ᠶᠡᠭᠡ ᠮᠢᠩᠭᠠᠨ ᠤ ᠡᠬᠡ ᠶᠢᠨ ᠲᠠᠷᠨᠢ᠃ ᠮᠡᠩᠭᠡ ᠶᠢᠨ ᠲᠠᠷᠤᠯᠭ᠎ᠠ᠃ ᠰᠡᠵᠢᠭ ᠤᠨ ᠲᠣᠣᠷ ᠲᠤ ᠲᠥᠭᠡᠷᠡᠭᠰᠡᠨ ᠬᠠᠮᠤᠭ ᠤᠨ ᠵᠠᠰᠠᠯ ᠣᠷᠣᠰᠢᠪᠠ᠃ ᠮᠠᠭᠤ ᠵᠡᠭᠦᠳᠦᠨ ᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠲᠠᠪᠤᠨ ᠮᠠᠬᠠᠪᠤᠳ ᠰᠠᠭᠤᠷᠢ ᠶᠢᠨ ᠪᠢᠴᠢᠭ᠃ ᠬᠤᠲᠤᠭᠳᠤ ᠠᠮᠠ ᠬᠡᠯᠡ ᠬᠠᠷᠢᠭᠤᠯᠤᠭᠴᠢ ᠬᠠᠷ᠎ᠠ ᠰᠢᠳᠢ ᠣᠷᠣᠰᠢᠪᠠ᠃ ᠬᠠᠷ᠎ᠠ ᠬᠡᠯᠡ ᠤᠳᠤᠯᠠᠬᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠲᠠᠷᠨᠢ ᠶᠢᠨ ᠣᠪᠳᠢᠰ ᠣᠷᠣᠰᠢᠪᠠ᠃ ᠰᠦᠨᠡᠰᠦ ᠲᠠᠭᠤᠳᠠᠬᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠮᠠᠭᠤ ᠵᠡᠭᠦᠳᠦᠨ ᠤ ᠬᠠᠷᠢᠭᠤᠯᠭ᠎ᠠ᠃ ᠠᠯᠢ ᠲᠠᠮᠤ ᠶᠢᠨ ᠵᠤᠪᠠᠯᠠᠩ ᠠᠷᠢᠯᠭᠠᠬᠤ ᠰᠤᠳᠤᠷ᠃ ᠠᠷᠢᠶ᠎ᠠ ᠪᠠᠯᠠᠢ ᠰᠦᠵᠦᠭ ᠣᠷᠣᠰᠢᠪᠠ᠃ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠨᠠᠰᠤᠨ ᠤ ᠨᠣᠮ ᠣᠷᠣᠰᠢᠪᠠ᠃ ᠰᠠᠭᠤᠷᠢ ᠶᠢᠨ ᠨᠠᠶᠢᠮᠠᠨ ᠬᠦᠯᠢᠯ ᠤᠨ ᠦᠵᠡᠯᠭᠡ ᠣᠷᠣᠰᠢᠪᠠ ᠃ ᠪᠤᠶᠠᠨ ᠭᠡᠰᠢᠭ ᠤᠨ ᠲᠠᠯᠠᠯᠭ᠎ᠠ ᠠᠪᠬᠤ ᠰᠣᠳᠣᠷ ᠣᠷᠣᠰᠢᠪᠠ᠃ ᠬᠦᠵᠦᠭᠦᠨ ᠤ ᠫᠤ᠃ ᠨᠦᠭᠴᠢᠭᠰᠡᠨ ᠬᠦᠮᠦᠨ ᠤ ᠰᠦᠨᠡᠰᠦᠨ ᠦᠯᠦ ᠬᠠᠯᠳᠠᠬᠤ ᠠᠷᠪᠠᠨ ᠬᠤᠶᠠᠷ ᠰᠢᠮᠨᠤᠰ ᠤᠨ ᠠᠶᠤᠯ ᠦᠯᠦ ᠪᠣᠯᠬᠤ ᠲᠠᠷᠤᠯᠭ᠎ᠠ ᠡᠨᠡ ᠪᠣᠢ ᠁ ᠁᠃ 　 ᠵᠠᠩ ᠦᠢᠯᠡ 　      ᠰᠤᠷᠭᠠᠯ ᠤᠨ ᠪᠠᠭᠰᠢ ᠪᠠᠳᠮ᠎ᠠ ᠰᠠᠮᠪᠢᠸ᠎ᠠ ᠶᠢᠨ ᠵᠣᠭᠢᠶᠠᠭᠰᠠᠨ ᠠᠷᠢᠬᠢ ᠶᠢᠨ ᠤᠭ ᠭᠠᠷᠭᠠᠯᠭ᠎ᠠ ᠰᠠᠶᠢᠲᠦᠷ ᠢᠯᠭᠤᠭᠰᠠᠨ ᠣᠷᠣᠰᠢᠪᠠ᠃ ᠭᠡᠰᠢᠭ ᠠᠪᠬᠤ ᠲᠠᠯᠠᠯᠭ᠎ᠠ ᠦᠢᠯᠡᠳᠬᠦᠢ ᠶᠣᠰᠣᠨ ᠬᠡᠮᠡᠬᠦ ᠣᠷᠣᠰᠢᠪᠠ ︵ᠦᠢᠭᠤᠷᠵᠢᠨ ᠮᠣᠩᠭᠤᠯ ᠦᠰᠦᠭ ᠢᠶᠠᠷ︶᠃ ᠮᠣᠷᠢᠨ ᠤ ᠰᠢᠨᠵᠢ ᠶᠢᠨ ᠰᠤᠳᠤᠷ᠃ ᠰᠦᠷ ᠵᠠᠯᠠᠬᠤ ᠰᠣᠳᠣᠷ᠃ ᠭᠠᠯ ᠲᠠᠬᠢᠬᠤ ᠶᠣᠰᠣᠨ ᠬᠡᠮᠡᠬᠦ ᠰᠤᠳᠤᠷ᠃ ᠮᠠᠯ ᠰᠡᠳᠡᠷ ᠰᠡᠳᠡᠷᠡᠯᠡᠬᠦ ᠰᠤᠳᠤᠷ ᠣᠷᠣᠰᠢᠪᠠ᠃ ᠯᠠᠮᠠ ᠶᠢᠨ ᠲᠠᠬᠢᠯ ᠵᠠᠩ ᠣᠷᠣᠰᠢᠪᠠ᠃ ᠴᠠᠬᠢᠯᠭᠠᠨ ᠤ ᠰᠤᠳᠤᠷ ᠣᠷᠣᠰᠢᠪᠠ᠃ ᠲᠡᠮᠡᠭᠡᠨ ᠮᠣᠷᠢᠨ ᠦᠭᠡᠷ ᠬᠤᠨᠢ ᠲᠡᠷᠢᠭᠦᠨ ᠲᠠᠢ ᠢᠮᠨᠡᠬᠦ ᠴᠢᠮᠭᠢᠭᠦ ᠰᠤᠳᠤᠷ ᠣᠷᠣᠰᠢᠪᠠ᠃ ᠵᠤᠰᠤ ᠶᠢᠨ ᠦᠭᠡ ᠬᠡᠮᠡᠬᠦ ᠳᠤᠲᠤᠷ ᠣᠷᠣᠰᠢᠪᠠ᠃ 　 ᠲᠡᠦᠭᠡ 　 ᠮᠣᠩᠭᠤᠯ ᠤᠨ ᠤᠭ ᠡᠭᠢᠨ ᠲᠣᠭᠤᠵᠢ᠃ ᠵᠡᠭᠦᠨ᠋ᠭᠠᠷ ᠤᠨ ᠲᠤᠭᠤᠵᠢ ᠡᠩ ᠤᠷᠢᠳᠠ ᠠᠩᠬ᠎ᠠ ᠤᠷᠢᠳᠠ ᠬᠤᠶᠠᠷ ᠣᠷᠣᠰᠢᠪᠠ᠃ ᠲᠥᠷᠪᠡᠨ ᠦᠢᠷᠡᠳ ᠤᠨ ᠲᠡᠦᠬᠡ ᠲᠤᠭᠤᠵᠢ ᠣᠷᠣᠰᠢᠪᠠ᠃ ᠲᠥᠷᠪᠡᠨ ᠦᠢᠷᠡᠳ ᠤᠨ ᠲᠣᠭᠤᠵᠢ ᠣᠷᠣᠰᠢᠪᠠ᠃ 　 ᠦᠰᠦᠭ ᠪᠢᠴᠢᠭ 　 ︽ᠮᠣᠩᠭᠤᠯ ᠦᠰᠦᠭ ᠤᠨ ᠴᠠᠭᠠᠨ ᠲᠣᠯᠣᠭᠠᠢ︾᠎ ᠶᠢᠨ ᠰᠤᠳᠤᠷ ᠣᠷᠣᠰᠢᠬᠤ ᠠᠪᠠᠢ᠃ ᠦᠰᠦᠭ ᠣᠷᠣᠰᠢᠪᠠ᠃ ᠭᠠᠯᠢᠭ ᠦᠰᠦᠭ ᠣᠷᠣᠰᠢᠪᠠ᠃ ᠲᠠᠷᠨᠢ ᠤᠩᠰᠢᠬᠤ ᠠᠷᠭ᠎ᠠ ᠣᠷᠣᠰᠢᠪᠠ᠃ ᠲᠥᠪᠡᠳ ᠮᠣᠩᠭᠤᠯ ᠬᠠᠷᠴᠠᠭᠤᠯᠤᠭᠰᠠᠨ ᠭᠠᠯᠢᠭ ᠦᠰᠦᠭ ᠣᠷᠣᠰᠢᠪᠠ᠃ ᠴᠠᠭᠠᠨ ᠲᠣᠯᠣᠭᠠᠢ᠃ ᠺᠠ ᠠ᠋ ᠬᠤᠶᠠᠷ ᠲᠡᠷᠢᠭᠦᠨ ᠲᠠᠢ ᠲᠠᠯᠠᠨ ᠬᠤᠶᠠᠷ ᠭᠠᠯᠢᠭ ᠣᠷᠣᠰᠢᠪᠠ᠃
 
ᠢᠷᠡᠯᠲᠡ᠄ ᠰᠢᠯᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠰᠥᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠴᠢᠩᠬᠢᠰ ᠤᠨ ᠲᠦᠷᠪᠡᠨ ᠬᠦᠯᠦᠭ — ᠴᠢᠯᠠᠭᠤᠨ
ᠴᠢᠩᠭᠢᠰ ᠤᠨ ᠲᠦᠷᠪᠡᠨ ᠬᠦᠯᠦᠭ — ᠪᠤᠷᠤᠬᠤᠯ
︽ᠳ᠋ᠣᠰᠰᠣᠨ ᠤ ᠮᠣᠩᠭᠤᠯ ᠤᠨ ᠲᠡᠦᠬᠡ︾
︽ᠪᠣᠯᠣᠷ ᠲᠣᠯᠢ︾
︽ᠪᠣᠣᠯᠣᠷ ᠡᠷᠢᠬᠡ︾
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号