ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠴᠢᠩᠬᠢᠰ ᠬᠠᠭᠠᠨ ᠤ ᠲᠠᠯ᠎ᠠ ᠨᠤᠲᠤᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2017/1/20
        ᠴᠢᠩᠬᠢᠰ ᠬᠠᠭᠠᠨ ᠢ ᠮᠠᠰᠢ ᠠᠷᠪᠢᠨ ᠬᠦᠮᠦᠨ ︽ᠪᠦᠷᠭᠦᠳ ᠨᠠᠮᠨᠠᠭᠰᠡᠨ ᠪᠠᠭᠠᠲᠤᠷ ᠤᠨ ᠱᠠᠰᠳᠢᠷ︾ ᠠᠴᠠ ᠡᠬᠢᠯᠡᠵᠤ ᠤᠶᠢᠯᠠᠭᠠᠭᠰᠡᠨ ᠪᠠᠶᠢᠵᠤ ᠮᠡᠳᠡᠨ᠎ᠠ᠃ ᠲᠧᠯᠸᠢᠰ ᠵᠦᠴᠦᠭᠡ ᠶᠢᠨ ᠲᠤᠲᠤᠷ᠎ᠠ ᠬᠦᠸᠧ ᠵᠢᠩ ᠤᠨ ᠬᠠᠪᠰᠤᠷᠤᠭᠴᠢ ᠳᠦᠷᠢ ᠲᠡᠳᠦᠢ ᠪᠠᠷ ᠢᠯᠡᠷᠡᠭᠰᠡᠨ ᠪᠤᠯᠪᠠᠴᠤ ᠲᠡᠦᠭᠡᠨ ᠳᠡᠭᠡᠷ᠎ᠡ᠂ ᠲᠡᠷᠡ ᠰᠠᠶ᠋ᠢ ᠵᠢᠩᠬᠢᠨᠢ ᠭᠤᠤᠯ ᠳᠦᠷᠢ ᠪᠠᠶᠢᠯ᠎ᠠ᠃ ᠳᠤᠯᠤᠭ᠎ᠠ ᠨᠠᠢᠮᠠᠨ ᠵᠠᠭᠤᠨ ᠵᠢᠯ ᠤᠨ ᠲᠤᠷᠰᠢ ᠡᠷᠳ᠋ᠨ ᠡᠳᠦᠭᠡ ᠭᠠᠳᠠᠭᠠᠲᠤ ᠲᠤᠲᠤᠭᠠᠲᠤ ᠶᠢᠨ ᠠᠯᠳᠠᠷᠲᠤ ᠬᠦᠮᠦᠰ ᠡᠷᠳᠡᠮᠲᠡᠨ ᠰᠢᠨᠵᠢᠯᠡᠭᠡᠲᠡᠳ ᠤᠨ ᠲᠡᠭᠦᠨ ᠤ ᠲᠤᠬᠠᠢ ᠰᠤᠳᠤᠯᠭ᠎ᠠ ᠪᠠ ᠶᠠᠷᠢᠯᠴᠠᠭ᠎ᠠ ᠶᠡᠷᠦ ᠠᠴᠠ ᠲᠠᠰᠤᠷᠠᠰᠢ ᠦᠭᠡᠢ ᠶᠠᠪᠤᠭᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠲᠡᠭᠦᠨ ᠤ ᠲᠤᠬᠠᠢ ᠶᠠᠷᠢᠮᠠᠷ ᠵᠦᠢᠯ ᠮᠠᠰᠢ ᠠᠷᠪᠢᠨ ᠪᠠᠶᠢᠳᠠᠭ ᠴᠤ ᠨᠢᠭᠡ ᠯᠡ ᠭᠤᠤᠯ ᠬᠦᠭ ᠠᠶ᠎ᠠ ᠳᠡᠭᠡᠷ᠎ᠡ ᠲᠤᠭᠲᠠᠳᠠᠭ — ᠲᠡᠷᠡ ᠪᠤᠯ ᠳᠡᠯᠡᠭᠡᠢ ᠳᠡᠭᠡᠷᠡᠬᠢ ᠬᠠᠮᠤᠭ ᠤᠨ ᠠᠭᠤᠤ ᠶᠡᠭᠡ ᠳᠠᠶᠢᠯᠠᠨ ᠳᠠᠭᠠᠭᠤᠯᠤᠭᠴᠢ ᠪᠤᠯᠤᠨ᠎ᠠ᠃ ᠵᠦᠴᠦᠭᠡ ᠳᠤ ᠵᠣᠬᠢᠶᠠᠭᠴᠢ ᠠᠴᠠ ᠬᠠᠵᠠᠭᠤ ᠠᠴᠠ ᠠᠵᠢᠭᠯᠠᠭᠴᠢ ᠶᠢᠨ ᠵᠤᠭᠰᠤᠴᠡ ᠠᠴᠠ ᠲᠡᠭᠦᠨ ᠤ ᠲᠤᠬᠠᠢ ᠬᠦᠨᠳᠦᠳᠭᠡᠯ ᠪᠢᠰᠢᠷᠠᠯ ᠢᠶᠠᠨ ᠢᠯᠡᠳᠭᠡᠭᠰᠡᠨ ᠪᠠᠶᠢᠳᠠᠭ᠃ ᠭᠡᠬᠦ ᠳᠤ ᠪᠠᠨ ᠴᠢ ᠪᠢᠳᠡ ᠰᠢᠭ ᠡᠩ ᠤᠨ ᠬᠦᠮᠦᠨ ᠲᠡᠭᠦᠨ ᠤ ᠲᠤᠬᠠᠢ ᠬᠠᠷᠢᠨ ᠶᠠᠮᠠᠷᠬᠠᠨ ᠲᠦᠷᠦᠭᠳᠡᠯ ᠲᠠᠢ ᠪᠠᠶᠢᠳᠠᠭ ᠪᠢᠯᠡ︖       ᠲᠠᠯ᠎ᠠ ᠨᠤᠲᠤᠭ ᠲᠤ ᠲᠠᠰ ᠪᠦᠷᠭᠦᠳ ᠦᠭᠡᠢ ᠪᠤᠯᠤᠭᠰᠡᠨ ᠪᠦᠭᠡᠳ ᠴᠢᠨᠠᠭᠰᠢᠯᠠᠪᠠᠯ ᠨᠤᠮᠤ ᠳᠡᠯᠢᠨ ᠰᠤᠮᠤ ᠬᠠᠷᠪᠤᠭᠴᠢ ᠠᠩᠴᠢᠳ ᠴᠤ ᠬᠠᠷᠠᠭᠳᠠᠬᠤ ᠳᠤ ᠬᠦᠴᠢᠷ ᠪᠤᠯᠵᠠᠢ᠂ ᠭᠡᠲᠡᠯ᠎ᠡ ᠴᠢᠩᠬᠢᠰ ᠬᠠᠭᠠᠨ ᠤ ᠪᠠᠷ᠎ᠠ ᠰᠡᠭᠦᠳᠡᠷ ᠬᠠᠷᠢᠨ ᠤᠷᠤᠰᠢᠬᠤ ᠦᠭᠡᠢ ᠭᠠᠵᠠᠷ ᠭᠡᠵᠤ ᠦᠭᠡᠢ ᠪᠠᠶᠢᠯ᠎ᠠ᠃ ᠶᠠᠭᠠᠬᠢᠯ᠎ᠡ ᠴᠤ ᠭᠡᠰᠡᠨ ᠠᠳᠡᠬᠢ ᠪᠤᠯ ᠲᠡᠭᠦᠨ ᠤ ᠦᠶ᠎ᠡ ᠤᠯᠠᠷᠢᠭᠰᠡᠨ ᠨᠤᠲᠤᠭ ᠤᠰᠤ ᠨᠢ ᠶᠤᠮ ᠴᠢᠨᠢ᠃ ᠪᠢ ᠰᠦᠭ ᠰᠦᠨᠡᠰᠦᠨ ᠳᠤ ᠨᠢ ᠬᠠᠷᠢᠶᠠᠯᠠᠭᠳᠠᠬᠤ ᠡᠨᠡ ᠬᠡᠰᠡᠭ ᠲᠠᠯ᠎ᠠ ᠨᠤᠲᠤᠭ ᠤᠷᠤᠭᠤ ᠬᠠᠷᠠᠯ᠎ᠠ᠄ ᠰᠠᠯᠬᠢ ᠬᠤᠤᠬᠢᠨ ᠡᠭᠦᠯᠡ ᠬᠤᠷᠤᠯᠵᠠᠵᠤ᠂ ᠲᠠᠰᠢᠬᠤ ᠨᠠᠷᠠᠨ ᠴᠢᠰ ᠤᠯᠠᠭᠠᠨ ᠬᠠᠷᠠᠭᠳᠠᠨ᠎ᠠ ᠁       ᠴᠢᠩᠬᠢᠰ ᠬᠠᠭᠠᠨ᠂ ᠡᠨᠡ ᠪᠤᠯ ᠬᠤᠷᠸ᠎ᠠ ᠶᠢᠨ ᠬᠦᠮᠦᠨ ᠤ ᠮᠠᠷᠲᠠᠵᠤ ᠴᠢᠳᠠᠰᠢ ᠦᠭᠡᠢ ᠡᠷᠲᠡᠨ ᠤ ᠨᠢᠭᠡᠨ ᠨᠡᠷ᠎ᠡ᠂ ᠨᠢᠭᠡᠨ ᠠᠭᠤᠤ ᠶᠡᠭᠡ ᠰᠦᠭ ᠰᠦᠨᠡᠰᠦ᠃ ᠰᠢᠷᠭᠡᠭ ᠡᠪᠡᠰᠤ ᠰᠠᠵᠢᠯᠠᠬᠤ ᠮᠤᠳᠤᠨ ᠳᠤ ᠪᠠᠨ ᠬᠦᠷᠲᠡᠯ᠎ᠡ ᠪᠦᠷ ᠲᠡᠭᠦᠨ ᠲᠠᠢ ᠮᠢᠬ᠎ᠠ ᠴᠢᠰᠦᠨ ᠤ ᠬᠤᠯᠪᠤᠭ᠎ᠠ ᠲᠠᠢ ᠶᠤᠮ ᠰᠠᠨ᠃       ᠪᠢ ᠲᠡᠦᠭᠡ ᠶᠢᠨ ᠲᠤᠬᠠᠢ ᠬᠤᠯᠪᠤᠨ ᠪᠤᠳᠤᠯᠲᠡ ᠪᠠᠨ ᠨᠤᠲᠠᠯᠠᠬᠤ ᠪᠠᠷ ᠦᠪᠤᠷ ᠮᠤᠩᠭᠤᠯ ᠳᠤ ᠢᠷᠡᠭᠰᠡᠨ ᠶᠤᠮ᠃ ᠤᠷᠤᠨ ᠵᠠᠢ ᠶᠢᠨ ᠵᠠᠪᠰᠠᠷ ᠤᠷᠤᠰᠢᠬᠤ ᠦᠭᠡᠢ ᠪᠤᠯᠴᠢᠬᠠᠵᠠᠢ — ᠪᠢ ᠶᠠᠭᠠᠬᠢᠯ᠎ᠡ ᠴᠤ ᠭᠡᠳ ᠤᠳᠤ ᠵᠤᠯ  ᠢᠶᠠᠷ ᠡᠨᠡ ᠬᠦ ᠪᠦᠷᠭᠦᠳ ᠨᠠᠮᠨᠠᠭᠰᠡᠨ ᠪᠠᠭᠠᠲᠤᠷ ᠤᠨ ᠤᠷᠤᠰᠢᠬᠤ ᠤᠷᠤᠨ ᠵᠠᠢ ᠳᠤ ᠬᠦᠯ ᠲᠠᠯᠪᠢᠯ᠎ᠠ᠃ ᠬᠠᠷᠰᠢ ᠰᠠᠭᠠᠳ ᠪᠤᠯᠵᠤ ᠴᠢᠳᠠᠬᠤ ᠨᠢ ᠴᠠᠭ ᠡᠷᠢᠨ ᠲᠡᠳᠦᠢ ᠯᠡ ᠪᠤᠯᠪᠠ᠃ ᠨᠡᠯᠦᠭᠡᠷ ᠤᠷᠲᠤᠬᠠᠨ ᠰᠦᠨᠢ ᠳᠦᠯᠢ ᠲᠡᠭᠦᠨ ᠤ ᠠᠬᠤᠢ ᠶᠢᠷᠢᠲᠢᠨᠴᠤ ᠳᠤ ᠦᠵᠡᠭᠦᠯᠬᠦ ᠨᠦᠯᠦᠭᠡ ᠶᠢ ᠰᠤᠯᠠᠷᠠᠭᠤᠯᠵᠤ ᠴᠢᠳᠠᠵᠤ ᠮᠠᠭᠠᠳ᠂ ᠬᠡᠪᠡᠴᠤ ᠨᠠᠳᠠ ᠰᠢᠭ᠋ ᠦᠩᠭᠡᠷᠡᠭᠰᠡᠨ ᠤ ᠲᠤᠬᠠᠢ ᠮᠦᠷᠦᠭᠡᠳᠦᠯᠲᠤ ᠵᠢᠭᠤᠯᠴᠢᠨ ᠤ ᠰᠡᠳᠬᠢᠯ ᠳᠠᠬᠢ ᠲᠡᠭᠦᠨ ᠤ ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠭᠤᠶᠢᠪᠢᠯᠵᠠᠭᠤᠯᠵᠤ ᠴᠢᠳᠠᠰᠢ ᠦᠭᠡᠢ ᠪᠠᠶᠢᠯ᠎ᠠ᠃       ᠪᠢ ᠲᠤᠰᠬᠠᠶᠢᠯᠠᠨ ᠴᠢᠩᠬᠢᠰ ᠬᠠᠭᠠᠨ ᠲᠠᠢ ᠪᠠᠷᠠᠯᠬᠠᠬᠤ ᠪᠠᠷ ᠢᠷᠡᠭᠰᠡᠨ ᠶᠤᠮ᠃ ᠲᠡᠷᠡ ᠮᠠᠨᠢ ᠬᠡᠳᠦᠢ ᠪᠠᠷ ᠡᠵᠡᠭᠦᠢ ᠴᠤ᠂ ᠪᠦᠬᠦᠢ ᠯᠡ ᠲᠠᠯ᠎ᠠ ᠨᠤᠲᠤᠭ ᠨᠢ ᠶᠠᠭ ᠬᠠᠭᠠᠨ ᠨᠢ ᠰᠠᠭᠠᠲᠠᠭᠰᠡᠨ ᠦᠭᠡᠢ ᠡᠷᠳᠡᠨᠢ ᠶᠢᠨ ᠰᠠᠭᠤᠳᠠᠯ  ᠠᠴᠠ ᠲᠤᠲᠠᠭᠤ ᠦᠭᠡᠢ — ᠤᠶᠢᠳᠬᠠᠷᠯᠢᠭ ᠴᠡᠯᠡᠭᠡᠷ ᠤᠭᠲᠠᠷᠭᠤᠢ ᠳᠤ ᠲᠡᠪᠡᠷᠢᠭᠳᠡᠨ᠎ᠠ᠃ ᠲᠠᠯᠢᠢᠭᠴᠢ ᠶᠢᠨ ᠰᠦᠨᠡᠰᠦ ᠶᠢ ᠦᠢᠮᠡᠭᠦᠯᠦᠭᠦᠵᠠᠢ ᠬᠡᠮᠡᠨ ᠪᠢ ᠬᠦᠩᠭᠡᠨ ᠱᠦᠩᠭᠡᠨ ᠯᠡ ᠠᠯᠬᠤᠯᠠᠨ᠎ᠠ᠃       ᠵᠠᠮ ᠵᠠᠭᠤᠷ᠎ᠠ ᠮᠤᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ ᠲᠠᠢ ᠮᠠᠯᠴᠢᠳ ᠬᠠᠶᠠ ᠳᠠᠭᠠᠷᠠᠯᠳᠤᠨ᠎ᠠ — ᠲᠡᠲᠡᠨ ᠤ ᠪᠡᠶ᠎ᠡ ᠮᠠᠬᠠᠪᠤᠳ ᠨᠢ ᠢᠳᠡᠷᠡᠭᠦᠨ ᠴᠢᠬᠢᠷᠠᠭ᠂ ᠭᠠᠯᠪᠢᠷ ᠲᠦᠷᠬᠦ ᠨᠢ ᠡᠷᠡᠯᠭᠡᠭ ᠵᠢᠪᠬᠤᠭᠠᠯᠢᠭ ᠬᠠᠷᠠᠭᠳᠠᠬᠤ ᠳᠤ ᠬᠦᠷᠪᠡᠯ ᠪᠢ ᠡᠷᠭᠡ ᠦᠭᠡᠢ᠄ ᠡᠨᠡ ᠬᠦᠮᠦᠨ᠂ ᠴᠢᠩᠬᠢᠰ ᠬᠠᠭᠠᠨ ᠤ ᠳᠦᠷᠢ ᠲᠦᠷᠬᠦ ᠶᠢᠨ ᠬᠠᠭᠤᠯᠤᠮᠠᠯ ᠳᠤ ᠲᠤᠭᠠᠴᠢᠭᠳᠠᠨ᠎ᠠ ᠤᠤ ᠦᠭᠡᠢ ᠤᠤ︖ ᠴᠢᠩᠬᠢᠰ ᠬᠠᠭᠠᠨ ᠮᠦᠨ ᠡᠶᠢᠮᠦᠷᠬᠦ ᠳᠦᠷᠢ ᠲᠦᠯᠦᠪ ᠲᠠᠢ ᠪᠠᠶᠢᠪᠠ ᠤᠤ ᠦᠭᠡᠢ ᠤᠤ︖ ᠬᠡᠮᠡᠨ ᠲᠠᠭᠠᠮᠠᠭᠯᠠᠵᠤ ᠪᠤᠳᠤᠨ᠎ᠠ᠃       ᠶᠠᠭᠠᠬᠢᠵᠤ ᠬᠡᠯᠡᠯ᠎ᠡ ᠭᠡᠳ ᠲᠡᠲᠡ ᠪᠦᠷ ᠴᠢᠩᠬᠢᠰ ᠬᠠᠭᠠᠨ ᠤ ᠵᠠᠯᠭᠠᠮᠵᠢᠯᠠᠭᠴᠢᠳ ᠪᠤᠯᠤᠨ᠎ᠠ᠃ ᠪᠢ ᠭᠡᠬᠦ ᠳᠤ ᠵᠦᠭᠡᠷ ᠯᠡ ᠨᠢᠭᠡ ᠰᠤᠨᠢᠷᠬᠠᠯ ᠲᠦᠷᠦᠭᠰᠡᠨ ᠬᠦᠨᠳᠡᠯᠡᠨ ᠤ ᠬᠦᠮᠦᠨ ᠲᠡᠳᠦᠢ ᠯᠡ ᠪᠠᠶᠢᠯ᠎ᠠ᠃       ᠲᠡᠭᠡᠭᠦᠯᠡᠷ ᠲᠠᠯ᠎ᠠ ᠨᠤᠲᠤᠭ ᠨᠠᠳᠠ ᠳᠤ ᠶᠠᠭ ᠯᠡ ᠠᠤᠭ᠎ᠠ ᠶᠡᠭᠡ ᠵᠡᠭᠦᠳᠦᠨ ᠶᠢᠷᠲᠢᠨᠴᠤ ᠮᠡᠲᠤ ᠰᠠᠨᠠᠭᠳᠠᠯ᠎ᠠ᠄ ᠠᠶᠠᠰ ᠤᠨ ᠰᠠᠯᠬᠢᠨ ᠳᠤ ᠡᠪᠡᠰᠤ ᠨᠠᠶᠢᠭᠤᠬᠤᠶ᠎ᠡ᠂ ᠠᠳᠤᠭᠤ ᠮᠠᠯ ᠠᠯᠠᠭᠯᠠᠨ ᠪᠡᠯᠴᠢᠭᠡᠳ᠂ ᠠᠯᠤᠰ ᠡᠷᠲᠡᠨ ᠤ ᠬᠡᠷᠡᠭ ᠶᠠᠪᠤᠳᠠᠯ ᠢ ᠤᠬᠠᠮᠰᠠᠷ ᠦᠭᠡᠢ ᠲᠠᠶᠢᠨ᠎ᠠ ᠁ ᠮᠢᠨᠦ ᠤᠯᠵᠤ ᠬᠠᠷᠠᠭᠰᠡᠨ ᠡᠨᠡ ᠦᠵᠡᠭᠳᠡᠯ ᠴᠢᠩᠬᠢᠰ ᠬᠠᠭᠠᠨ ᠤ ᠨᠢᠳᠦᠨ ᠳᠤ ᠴᠤ ᠢᠯᠡᠷᠡᠵᠤ ᠦᠩᠭᠡᠷᠡᠭᠰᠡᠨ ᠨᠢ ᠯᠠᠪᠲᠠᠢ ᠶᠤᠮ — ᠲᠡᠷᠡ ᠮᠠᠨᠢ ᠴᠤ ᠭᠡᠳ ᠨᠠᠳᠠ ᠲᠠᠢ ᠠᠳᠠᠯᠢ ᠰᠡᠳᠬᠢᠯ ᠲᠤᠭᠳᠤᠯᠵᠤ ᠦᠩᠭᠡᠷᠡᠪᠡ ᠤᠤ ᠦᠭᠡᠢ ᠤᠤ︖ ᠲᠡᠭᠦᠨ ᠤ ᠲᠡᠷᠡ ᠴᠠᠭ ᠦᠶ᠎ᠡ ᠶᠢᠨ ᠬᠤᠨᠢᠨ ᠰᠦᠷᠦᠭ ᠨᠢ ᠪᠦᠷ ᠤᠨ ᠰᠠᠷ᠎ᠠ ᠳᠤ ᠡᠯᠡᠭᠳᠡᠴᠢᠬᠡᠭᠰᠡᠨ᠂ ᠡᠰᠡᠭᠦᠯ᠎ᠡ ᠨᠢᠭᠡᠮᠦᠰᠦᠨ ᠤᠭᠲᠠᠷᠭᠤᠢ ᠶᠢᠨ ᠡᠭᠦᠯᠡᠰ ᠪᠤᠯᠵᠤ ᠬᠤᠪᠢᠯᠴᠢᠬᠠᠭᠰᠡᠨ ᠠᠴᠠ ᠯᠡ ᠪᠢᠰᠢ ᠳ᠋ᠠ᠃       ᠴᠢᠩᠬᠢᠰ ᠬᠠᠭᠠᠨ᠂ ᠦᠨᠢ ᠤᠳᠠᠭᠠᠨ ᠲᠡᠦᠭᠡ ᠲᠠᠢ ᠦᠨᠳᠦᠰᠦᠲᠡᠨ ᠤ ᠨᠢᠭᠡᠨ ᠰᠦᠷᠦᠭ ᠤᠨ ᠲᠦᠷᠦᠭᠦᠤ ᠠᠵᠠᠢ᠂ ᠲᠡᠭᠦᠨ ᠤ ᠡᠷᠭᠡ ᠰᠦᠷ᠂ ᠲᠡᠭᠦᠨ ᠤ ᠨᠡᠷ᠎ᠡ ᠲᠦᠷᠦ᠂ ᠡᠳᠦᠭᠡ ᠬᠦᠷᠲᠡᠯ᠎ᠡ ᠠᠷᠢᠯᠵᠤ ᠦᠩᠭᠡᠷᠡᠭᠰᠡᠨ ᠦᠭᠡᠢ ᠰᠢᠭ ᠯᠡ ᠪᠠᠶᠢᠨ᠎ᠠ᠃ ᠨᠠᠭᠠᠳᠤ ᠵᠠᠬ᠎ᠠ ᠳᠤ ᠪᠠᠨ ᠲᠡᠭᠦᠨ ᠤ ᠴᠢᠨᠳᠠᠷ ᠤᠷᠤᠰᠢᠭᠤᠯᠤᠭᠰᠡᠨ ᠭᠠᠵᠠᠷ ᠨᠢ ᠬᠦᠷᠲᠡᠯ᠎ᠡ ᠪᠦᠷ ᠤᠨᠢᠰᠤᠭ᠎ᠠ ᠲᠡᠳᠦᠢ ᠪᠠᠶᠢᠭᠰᠠᠭᠠᠷ᠃       ᠰᠤᠨᠤᠰᠬᠤᠯᠠᠷ ᠲᠡᠷᠡ ᠪᠠᠷ ᠲᠠᠩᠭᠤᠳ ᠢ ᠲᠠᠶᠢᠯᠠᠬᠤ ᠠᠶᠠᠨ ᠵᠠᠮ ᠳᠤ ᠪᠠᠨ ᠦᠩᠭᠡ ᠦᠵᠡᠮᠵᠢ ᠭᠤᠴᠤ ᠰᠠᠶᠢᠬᠠᠨ ᠡᠷᠳᠡᠨᠢ ᠶᠢᠨ ᠭᠠᠵᠠᠷ ᠲᠠᠢ ᠲᠠᠭᠠᠷᠠᠭᠰᠡᠨ ᠳᠤ᠂ ᠲᠠᠰᠢᠭᠤᠷ ᠢᠶᠠᠨ ᠤᠷᠬᠢᠵᠤ ᠲᠡᠮᠲᠡᠭ ᠲᠠᠯᠪᠢᠭᠠᠳ — ᠬᠤᠵᠢᠮ ᠤᠨ ᠴᠠᠭ ᠲᠤ ᠴᠢᠨᠳᠠᠷ ᠢᠶᠠᠨ ᠤᠷᠤᠰᠢᠭᠤᠯᠤᠭᠤᠯᠬᠤ ᠪᠠᠷ ᠵᠠᠬᠢᠯ᠎ᠠ ᠭᠡᠨ᠎ᠡ᠃ ᠦᠷ᠎ᠡ ᠬᠤᠶᠢᠴᠢᠰ ᠨᠢ ᠬᠤᠵᠢᠮ ᠦᠨᠡᠭᠡᠷ ᠲᠡᠭᠦᠨ ᠤ ᠬᠡᠷᠢᠶᠡᠰᠤ ᠶᠤᠰᠤᠭᠠᠷ ᠪᠶᠡᠯᠡᠭᠦᠯᠦᠭᠰᠡᠨ ᠶᠤᠮ᠂ ᠲᠡᠭᠡᠬᠦ ᠳᠤ ᠪᠠᠨ ᠶᠠᠮᠠᠷ ᠴᠤ ᠤᠷᠤ ᠮᠦᠷ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ ᠪᠦᠭᠡᠳ ᠠᠮᠠᠨ ᠵᠢᠪᠳᠡᠷᠭᠡ ᠭᠠᠷᠭᠠᠯ ᠦᠭᠡᠢ ᠨᠢᠭᠤᠴᠠᠯᠠᠭᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠠᠶᠠᠨᠳᠠᠭᠠᠨ ᠬᠤᠵᠢᠮ ᠦᠶ᠎ᠡ ᠶᠢᠨ ᠤᠩᠭᠤᠨ ᠤ ᠬᠤᠯᠠᠭᠠᠶᠢᠯᠠᠭᠴᠢᠳ ᠢ ᠮᠠᠰᠢ ᠶᠡᠭᠡ ᠠᠷᠭ᠎ᠠ ᠮᠤᠬᠤᠷᠳᠠᠭᠤᠯᠤᠭᠰᠡᠨ ᠪᠢᠯᠡ᠃ ᠪᠤᠰᠤᠳ ᠠᠯᠢ ᠴᠤ ᠬᠠᠭᠠᠨ ᠡᠵᠡᠨ ᠭᠡᠳ ᠲᠡᠭᠦᠨ ᠰᠢᠭ ᠬᠦᠷᠦᠰᠦ ᠰᠢᠷᠤᠢ ᠳᠤ ᠪᠠᠨ ᠬᠦᠢᠴᠡᠳ ᠬᠠᠷᠢᠭᠰᠡᠨ ᠪᠦᠭᠡᠳ ᠬᠤᠶᠢᠴᠢ ᠦᠶ᠎ᠡ ᠶᠢᠨ ᠬᠢᠨ ᠤ ᠭᠤᠲᠤᠭᠠᠯ ᠠᠴᠠ ᠡᠷᠡᠭᠡᠯᠵᠡᠬᠦ ᠦᠭᠡᠢ ᠪᠠᠶᠢᠵᠤ ᠴᠢᠳᠠᠭᠰᠡᠨ ᠦᠭᠡᠢ ᠶᠤᠮ᠃ ᠲᠡᠷᠡ ᠮᠠᠨᠢ ᠶᠠᠭ ᠭᠡᠷᠡᠯ ᠰᠡᠭᠦᠳᠡᠷ ᠰᠢᠭ ᠠᠷᠢᠯᠵᠤ ᠤᠳᠴᠠᠢ᠂ ᠭᠡᠲᠡᠯ᠎ᠡ ᠮᠦᠨ ᠭᠡᠷᠡᠯ ᠰᠡᠭᠦᠳᠡᠷ ᠰᠢᠭ  ᠲᠤ ᠪᠠᠨ ᠤᠷᠤᠰᠢᠭᠰᠠᠭᠠᠷ ᠠᠵᠠᠢ᠃       ᠶᠠᠮᠠᠷ ᠨᠢᠭᠡᠨ ᠤᠳᠬ᠎ᠠ ᠠᠭᠤᠯᠭ᠎ᠠ ᠠᠴᠠ ᠶᠠᠷᠢᠪᠠᠯ᠂ ᠲᠡᠷᠡ ᠮᠠᠨᠢ ᠨᠠᠰᠤᠨ ᠲᠤᠷᠰᠢ ᠳᠤ ᠪᠠᠨ ᠨᠢᠭᠡ ᠠᠭᠤᠤ ᠶᠡᠭᠡ ᠢᠨᠵᠧᠨᠧᠷᠢᠩ ᠢ ᠴᠤᠭᠴᠠᠯᠠᠭᠰᠠᠭᠠᠷ ᠪᠠᠶᠢᠵᠠᠢ᠄ ᠪᠦᠬᠦᠢ ᠯᠡ ᠮᠤᠩᠭᠤᠯ ᠤᠨ ᠶᠡᠭᠡ ᠲᠠᠯ᠎ᠠ ᠨᠤᠲᠤᠭ ᠢ ᠦᠪᠡᠷ ᠤᠨ  ᠢᠶᠠᠨ ᠪᠤᠩᠬᠤᠨ ᠤ ᠬᠦᠷᠢᠶᠠᠯᠠᠩ ᠪᠤᠯᠭᠠᠬᠤ ᠶᠠᠪᠤᠳᠠᠯ ᠪᠠᠶᠢᠯ᠎ᠠ᠃ ᠲᠡᠷᠡ ᠮᠦᠨ ᠲᠡᠭᠡᠵᠤ ᠬᠦᠢᠴᠡᠳᠭᠡᠵᠤ ᠴᠢᠳᠠᠭᠰᠡᠨ ᠶᠤᠮ᠃       ᠲᠡᠲᠡᠭᠡᠷ ᠦᠭᠡ ᠳᠠᠭᠤ ᠴᠦᠭᠡᠨ ᠲᠠᠢ ᠨᠡᠭᠦᠳᠡᠯ ᠮᠠᠯᠴᠢᠳ ᠠᠴᠠ᠄ ᠴᠢᠩᠬᠢᠰ ᠬᠠᠭᠠᠨ ᠤ ᠴᠠᠭ ᠡᠷᠢᠨ ᠢ ᠮᠦᠷᠦᠭᠡᠳᠦᠨ ᠰᠠᠨᠠᠭᠠᠯᠵᠠᠳᠠᠭ ᠤᠤ︖ ᠭᠡᠵᠤ ᠠᠰᠠᠭᠤᠵᠤ ᠦᠵᠡᠭᠡᠴᠢ᠃ ᠪᠠᠭᠠᠲᠤᠷ ᠤᠨ ᠪᠦᠲᠦᠭᠡᠭᠰᠡᠨ ᠭᠠᠪᠢᠶ᠎ᠡ ᠵᠢᠳᠭᠦᠯ ᠢ ᠳᠠᠪᠠᠵᠤ ᠭᠠᠷᠬᠤ ᠳᠤ ᠬᠡᠳᠦᠷᠭᠡᠢ ᠪᠡᠷᠭᠡ ᠲᠠᠢ ᠠᠵᠠᠢ᠃ ᠲᠡᠲᠡ ᠶᠠᠭ ᠰᠡᠳᠬᠢᠯ ᠤᠨ ᠤᠭ ᠠᠴᠠ ᠪᠠᠨ ᠢᠲᠡᠭᠡᠵᠤ ᠰᠦᠰᠦᠭᠯᠡᠭᠰᠡᠨ ᠤᠩᠭᠤᠨ ᠰᠠᠬᠢᠭᠴᠢᠳ ᠰᠢᠭ᠋ ᠯᠡ ᠪᠠᠶᠢᠵᠤ᠂ ᠴᠠᠭ ᠡᠷᠢᠨ ᠤ ᠡᠯᠡᠭᠡᠯᠲᠡ ᠶᠢ ᠳᠠᠮᠵᠢᠭᠠᠳ ᠡᠪᠳᠡᠷᠡᠵᠤ ᠴᠤᠴᠠᠷᠠᠰᠢ ᠦᠭᠡᠢ᠂ ᠦᠬᠢᠷᠡᠵᠤ ᠢᠯᠵᠢᠷᠡᠰᠢ ᠦᠭᠡᠢ ᠲᠡᠷᠡ ᠬᠦ ᠢᠷᠠᠭᠤ ᠠᠯᠳᠠᠷ ᠢ ᠨᠢ ᠦᠶ᠎ᠡ ᠤᠯᠠᠷᠢᠨ ᠰᠠᠬᠢᠨ ᠬᠠᠮᠠᠭᠠᠯᠠᠨ᠎ᠠ᠃       ᠪᠠᠭᠠᠲᠤᠷ ᠪᠤᠯ ᠬᠠᠰᠢ ᠯᠡ ᠪᠠᠭᠠᠲᠤᠷ ᠶᠤᠮ᠂ ᠲᠡᠦᠭᠡᠨ ᠳᠠᠪᠴᠠᠩ ᠳᠡᠭᠡᠷ᠎ᠡ ᠭᠤᠤᠯ ᠵᠦᠴᠦᠭᠡ ᠲᠤᠭᠯᠠᠭᠴᠢ ᠶᠤᠮ᠃ ᠲᠡᠭᠦᠨ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠴᠢ᠂ ᠪᠢ᠂ ᠲᠡᠷᠡ᠂ ᠪᠦᠷ ᠯᠡ ᠡᠭᠡᠯ ᠬᠦᠮᠦᠨ ᠲᠡᠳᠦᠢ᠂ ᠳᠡᠳ᠋ ᠳᠦᠷᠢ ᠲᠡᠳᠦᠢ ᠰᠠᠨ᠃ ᠡᠭᠦᠨ ᠢ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠶᠤᠮ᠃       ᠠᠮᠧᠷᠢᠺᠠ ᠶᠢᠨ ᠰᠤᠳᠤᠯᠤᠭᠠᠴᠢ ᠪᠦᠷᠯᠢᠨ᠄ ︽ᠳᠤᠮᠳᠠᠲᠤ ᠤᠯᠤᠰ ᠤᠨ ᠴᠡᠷᠢᠭ ᠳᠠᠶᠢᠨ ᠤ ᠤᠬᠠᠭᠠᠨ ᠳᠤ᠂ ᠰᠦᠨᠽᠢ ᠬᠦᠷᠦᠭᠡᠳ ᠤᠨᠤᠯ ᠤᠨ ᠲᠠᠯ᠎ᠠ ᠪᠠᠷ ᠬᠤᠷᠠᠮᠳᠤᠵᠤ ᠶᠡᠭᠡ ᠶᠢ ᠪᠦᠲᠦᠭᠡᠵᠠᠢ᠂ ᠶᠤᠸᠠᠨ ᠲᠠᠶᠢᠽᠤ ᠴᠢᠩᠬᠢᠰ ᠬᠠᠭᠠᠨ ᠬᠦᠷᠦᠭᠡᠳ ᠦᠢᠯᠡᠳᠦᠯᠭᠡ ᠶᠢᠨ ᠲᠠᠯ᠎ᠠ ᠪᠠᠷ ᠠᠭᠤᠤ ᠦᠵᠡᠭᠳᠡᠯ ᠢᠯᠡᠷᠡᠭᠦᠯᠵᠡᠢ︾ ᠭᠡᠰᠡᠨ ᠪᠠᠶᠢᠳᠠᠭ᠃ ᠲᠡᠭᠦᠨ ᠠᠴᠠ ᠨᠡᠩ ᠡᠷᠡᠯᠭᠡᠭ ᠳᠤᠭᠰᠢᠨ ᠴᠡᠷᠢᠭ ᠡᠷ᠎ᠡ ᠭᠡᠵᠤ ᠦᠭᠡᠷ᠎ᠡ ᠪᠠᠶᠢᠬᠤ ᠦᠭᠡᠢ ᠶᠤᠮ — ᠲᠡᠷᠡ ᠮᠠᠨᠢ ᠳᠡᠯᠡᠭᠡᠢ ᠶᠢᠨ ᠭᠠᠵᠠᠷ  ᠤᠨ ᠵᠢᠷᠤᠭ ᠢ ᠰᠠᠨᠠᠭ᠎ᠠ ᠵᠤᠷᠢᠭ ᠢᠶᠠᠷ ᠢᠶᠠᠨ ᠶᠡᠭᠡ ᠪᠠᠷ ᠦᠭᠡᠷᠡᠴᠢᠯᠡᠭᠰᠡᠨ ᠪᠠᠶᠢᠳᠠᠭ᠃ ᠦ᠂ ᠨᠡᠭᠡᠷᠡᠨ ᠴᠤ ᠲᠤᠮᠤ ᠪᠦᠲᠦᠭᠡᠯ ᠰᠠᠨ︕ ᠵᠠᠷᠢᠮ ᠬᠦᠮᠦᠨ᠄ ᠨᠠᠫᠤᠯᠢᠶᠤᠨ ᠬᠦᠷᠲᠡᠯ᠎ᠡ ᠲᠡᠶᠢᠯᠦᠭᠳᠡᠭᠰᠡᠨ ᠢᠶᠠᠨ ᠠᠷᠭ᠎ᠠ ᠦᠭᠡᠢ ᠮᠡᠳᠡᠷᠡᠨ ᠮᠡᠭᠦᠶᠢᠨ ᠶᠤᠰᠤᠯᠠᠭᠠᠳ ︽ᠳᠡᠯᠡᠭᠡᠢ ᠶᠢᠨ ᠬᠠᠮᠤᠭ ᠤᠨ ᠠᠭᠤᠤ ᠶᠡᠭᠡ ᠳᠠᠶᠢᠯᠠᠨ ᠳᠠᠭᠠᠭᠤᠯᠤᠭᠴᠢ︾ ᠶᠢᠨ ᠭᠠᠪᠢᠷ᠎ᠡ ᠲᠢᠲᠢᠮ ᠢ ᠲᠡᠮᠡᠴᠡᠯᠳᠦᠬᠦ ᠠᠴᠠ ᠬᠠᠯᠢᠷᠠᠳᠠᠭ ᠭᠡᠵᠤ ᠬᠡᠯᠡᠳᠡᠭ᠃       ᠪᠠᠯᠽᠺ ᠲᠤ᠄ ︽ᠨᠠᠫᠤᠯᠢᠶᠤᠨ ᠤ ᠰᠡᠯᠡᠮ᠎ᠡ ᠪᠠᠷ ᠪᠠᠶᠢᠭᠤᠯᠤᠭᠰᠡᠨ ᠠᠯᠳᠠᠷ ᠭᠠᠪᠢᠶ᠎ᠡ ᠶᠢ ᠪᠢ ᠪᠢᠷ ᠢᠶᠠᠷ ᠢᠶᠠᠨ ᠴᠤ ᠭᠡᠰᠡᠨ ᠠᠳᠠᠯᠢᠬᠠᠨ ᠤᠯᠵᠤ ᠴᠢᠳᠠᠨ᠎ᠠ︕︾ ᠭᠡᠰᠡᠨ ᠠᠯᠳᠠᠷᠲᠤ ᠦᠭᠡ ᠪᠠᠶᠢᠳᠠᠭ᠃ ᠴᠢᠩᠬᠢᠰ ᠬᠠᠭᠠᠨ ᠤ ᠡᠮᠦᠨ᠎ᠠ ᠪᠢᠳᠡ ᠦᠨᠢ ᠡᠭᠦᠷᠢᠳᠡ ᠡᠶᠢᠮᠦ ᠶᠡᠭᠡ ᠦᠭᠡ ᠶᠢ ᠶᠠᠷᠢᠵᠤ ᠵᠢᠷᠦᠭᠡᠯᠡᠬᠦ ᠦᠭᠡᠢ ᠶᠤᠮ᠃ ᠲᠡᠷᠡ ᠮᠠᠨᠢ ᠪᠢᠴᠢᠭᠲᠡᠨ ᠮᠡᠷᠭᠡᠳ ᠲᠤ ᠦᠵᠦᠭ ᠤᠨ ᠬᠢᠨᠢ ᠴᠢᠳᠠᠯ ᠬᠡᠴᠢᠨᠡᠨ ᠮᠡᠭᠦᠰ ᠳᠤᠷᠤᠢ ᠭᠡᠳᠡᠭ ᠢ ᠯᠡ ᠮᠡᠳᠡᠷᠡᠭᠦᠯᠦᠨ᠎ᠠ ᠠᠵᠠᠢ ᠃   ᠪᠢ ᠲᠠᠯ᠎ᠠ ᠨᠤᠲᠤᠭ ᠢᠶᠠᠷ ᠠᠭᠲᠠ ᠶᠢᠨ ᠵᠢᠯᠤᠭᠤ ᠰᠤᠩᠭᠠᠨ ︵ᠭᠡᠬᠦ ᠳᠤ ᠪᠠᠨ ᠴᠠᠭᠠᠰᠤᠨ ᠳᠡᠭᠡᠷ᠎ᠡ ᠪᠢᠰᠢ︶ ᠳᠤᠷ᠎ᠠ ᠪᠠᠷ ᠨᠢ ᠳᠠᠪᠬᠢᠭᠤᠯᠤᠨ᠂ ᠲᠩᠷᠢᠯᠢᠭ ᠭᠠᠵᠠᠷᠯᠢᠭ ᠬᠦᠪᠡᠭᠦᠨ ᠤ ᠲᠡᠨᠢᠭᠦᠨ ᠵᠢᠪᠬᠤᠭᠠᠲᠤ ᠡᠷᠭᠡ ᠴᠢᠯᠦᠭᠡᠲᠤ ᠲᠦᠷᠦᠭᠳᠡᠯ ᠢ ᠨᠢᠭᠡᠨ ᠵᠡᠷᠭᠡ ᠡᠳ᠋ᠯᠡᠵᠤ ᠦᠵᠡᠬᠦ ᠨᠡᠩ ᠲᠤᠷ᠎ᠠ ᠲᠠᠢ᠂ ᠴᠢᠩᠬᠢᠰ ᠬᠠᠭᠠᠨ ᠤ ᠭᠡᠭᠡᠨ ᠮᠡᠯᠮᠡᠢ ᠳᠤ᠂ ᠤᠯᠤᠰ ᠤᠨ ᠬᠢᠯᠢ᠂ ᠤᠭᠰᠠᠭᠠᠲᠡᠨ ᠤ ᠢᠯᠭᠠᠭ᠎ᠠ᠂ ᠨᠤᠲᠤᠭ ᠤᠨ ᠠᠶᠠᠯᠭᠤ ᠴᠢᠨᠠᠭᠰᠢᠯᠠᠪᠠᠯ ᠴᠠᠭ ᠬᠤᠭᠤᠴᠠᠭ᠎ᠠ — ᠲᠡᠷᠡ ᠪᠦᠬᠦᠨ ᠪᠦᠷ ᠤᠳᠬ᠎ᠠ ᠠᠭᠤᠯᠭ᠎ᠠ ᠦᠭᠡᠢ ᠪᠤᠯᠵᠤ᠂ ᠠᠭᠤᠯᠡ ᠤᠰᠤᠨ ᠠᠤᠭ᠎ᠠ ᠶᠡᠭᠡ ᠪᠠᠷ ᠨᠢᠭᠡᠳᠴᠤ᠂ ᠦᠪᠡᠷ ᠢᠶᠠᠨ ᠡᠵᠡᠨ ᠨᠢ ᠪᠤᠯᠤᠭᠠᠳ᠂ ᠬᠤᠷᠸ᠎ᠠ ᠪᠦᠷ ᠴᠤ ᠲᠡᠭᠦᠨ ᠤ ᠡᠷᠡᠭᠡᠢ ᠠᠴᠠ ᠨᠢ ᠰᠤᠭᠤᠷᠠᠬᠤ ᠬᠤᠷᠴᠡ ᠰᠤᠮᠤᠨ ᠤ ᠳᠤᠰᠤᠯᠲᠡ ᠠᠴᠠ ᠨᠢ ᠦᠨᠢ ᠡᠭᠦᠷᠢᠳᠡ ᠵᠢᠭᠤᠳᠠᠨ ᠳᠠᠪᠠᠵᠤ ᠴᠢᠳᠠᠰᠢ ᠦᠭᠡᠢ ᠪᠠᠶᠢᠪᠠ᠃ ᠤᠷᠴᠢᠨ ᠦᠶ᠎ᠡ  ᠶᠢᠨ ᠬᠦᠮᠦᠨ ᠶᠠᠪᠤᠬᠤ ᠲᠤᠲᠤᠮ ᠬᠦᠩᠭᠡᠮᠰᠦᠭ ᠳᠠᠷᠤᠤ᠂ ᠠᠶᠤᠮᠠᠬᠠᠢ ᠨᠤᠮᠤᠢ ᠪᠤᠯᠵᠤ ᠪᠠᠶᠢᠨ᠎ᠠ᠂ ᠲᠡᠭᠦᠨ ᠤ ᠵᠤᠷᠢᠭ ᠰᠦᠰᠦ ᠶᠢ ᠬᠡᠵᠢᠶ᠎ᠡ ᠳᠠᠬᠢᠨ ᠰᠡᠷᠭᠦᠭᠡᠵᠤ ᠴᠢᠳᠠᠳᠠᠭ ᠪᠤᠯ︖ ᠠᠪᠤᠷᠭᠤ ᠬᠦᠮᠦᠨ ᠡᠩ ᠲᠡᠷᠢᠭᠦᠨ ᠳᠤ ᠵᠤᠷᠢᠭ ᠰᠦᠰᠦ ᠪᠠᠷ ᠢᠶᠠᠨ ᠠᠪᠤᠷᠭᠤ ᠬᠦᠮᠦᠨ ᠪᠤᠯᠵᠤ᠂ ᠳᠠᠷᠠᠭ᠎ᠠ ᠨᠢ ᠰᠠᠶ᠋ᠢ ᠬᠦᠴᠦᠨ ᠴᠢᠳᠠᠯ ᠳᠤ ᠪᠠᠨ ᠲᠦᠰᠢᠭᠯᠡᠳᠡᠭ ᠶᠤᠮ ᠭᠡᠵᠤ ᠬᠡᠯᠡᠵᠤ ᠪᠤᠯᠤᠨ᠎ᠠ᠃   ᠦᠬᠢᠷᠡᠮᠡᠯ ᠢ ᠰᠦᠢᠷᠡᠭᠦᠯᠵᠤ ᠦᠵᠢᠷᠡᠮᠡᠯ ᠢ ᠴᠤᠴᠠᠯᠬᠤ ᠡᠷᠴᠢᠲᠤ ᠡᠨᠡ ᠬᠦ ᠰᠤᠮᠤ ᠶᠢ ᠬᠡᠵᠢᠶᠠᠨ ᠤ ᠬᠠᠷᠪᠤᠭᠠᠳ ᠭᠠᠷᠭᠠᠴᠢᠬᠠᠵᠠᠢ᠂ ᠪᠠᠷ᠎ᠠ ᠰᠡᠭᠦᠳᠡᠷ ᠢ ᠨᠢ ᠳᠠᠬᠢᠨ ᠡᠷᠢᠵᠤ ᠤᠯᠬᠤ ᠦᠭᠡᠢ ᠪᠤᠯᠪᠠ᠃ ᠰᠤᠮᠤ  ᠪᠠᠨ ᠦᠭᠡᠶᠢᠯᠡᠨ ᠬᠤᠴᠤᠷᠤᠭᠰᠡᠨ ᠬᠤᠭᠤᠰᠤᠨ ᠨᠤᠮᠤ ᠯᠡ ᠦᠯᠡᠳᠡᠵᠤ᠂ ᠦᠵᠡᠭᠴᠢᠳ ᠲᠤ ᠳᠡᠯᠭᠡᠭᠳᠡᠨ ᠦᠵᠡᠮᠤᠷᠢ ᠬᠠᠩᠭᠠᠨ᠎ᠠ᠃ ᠲᠡᠷᠡ ᠮᠠᠨᠢ ᠦᠨᠢ ᠮᠥᠩᠭᠡ ᠶᠢᠨ ᠦᠵᠡᠮᠦᠷᠢ ᠯᠡ ᠪᠤᠯᠤᠭᠠᠳ᠂ ᠳᠠᠬᠢᠭᠠᠳ ᠬᠡᠨ ᠴᠤ ᠭᠡᠳ ᠡᠨᠡ ᠨᠤᠮᠤ  ᠶᠢᠨ ᠬᠦᠪᠴᠢ ᠶᠢ ᠳᠡᠯᠢᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠪᠠ ︵ᠡᠭᠦᠨ ᠳᠤ ᠶᠠᠭᠠᠬᠢᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠰᠢᠳᠢᠲᠤ ᠬᠦᠴᠦᠨ ᠬᠡᠷᠡᠭᠲᠡᠢ︶ — ᠴᠢᠨᠠᠭᠰᠢᠯᠠᠪᠠᠯ ᠲᠤᠷᠰᠢᠵᠤ ᠦᠵᠡᠮᠡᠷ ᠵᠤᠷᠢᠭ ᠰᠦᠰᠦ ᠴᠦ ᠭᠡᠳ ᠪᠦᠷ ᠠᠯᠠᠭ᠎ᠠ ᠪᠤᠯᠵᠠᠢ ᠁       ᠪᠢ ᠤᠳᠤ ᠵᠦᠭᠡᠯᠡᠨ ᠰᠡᠪᠰᠡᠭᠡᠷ ᠪᠦᠭᠡᠳ ᠨᠠᠮ ᠳᠤᠭᠤᠶᠢᠬᠠᠨ ᠲᠠᠯ᠎ᠠ ᠨᠤᠲᠤᠭ ᠢ ᠬᠠᠷᠠᠵᠤ ᠵᠤᠭᠰᠤᠨ᠎ᠠ᠃ ᠲᠠᠯ᠎ᠠ ᠨᠤᠲᠤᠭ ᠪᠢᠳᠡ ᠬᠤᠶᠠᠭᠤᠯᠡ ᠶᠢᠨ ᠬᠤᠭᠤᠷᠤᠨᠳᠤ ᠨᠢᠭᠡ ᠬᠦᠮᠦᠨ ᠤ ᠰᠡᠭᠦᠳᠡᠷ ᠯᠡ ᠵᠠᠭᠠᠭ ᠪᠤᠯᠤᠨ᠎ᠠ᠃       ᠶᠤᠰᠤᠨ ᠳᠤ ᠪᠠᠨ ᠲᠠᠯ᠎ᠠ ᠨᠤᠲᠤᠭ ᠪᠤᠯ ᠴᠡᠭᠡᠵᠢᠯᠡᠯ ᠢ ᠬᠠᠮᠤᠭ ᠤᠨ ᠠᠮᠠᠷᠬᠠᠨ ᠪᠤᠯᠠᠰᠢᠯᠠᠳᠠᠭ ᠭᠠᠵᠠᠷ ᠶᠤᠮ᠂ ᠦᠯᠦᠨ ᠲᠦᠢᠮᠡᠷ᠂ ᠨᠡᠭᠦᠳᠡᠯ ᠡᠯᠡᠰᠦ᠂ ᠰᠠᠯᠬᠢ ᠰᠢᠭᠤᠷᠭ᠎ᠠ ᠪᠠᠷ ᠢᠶᠠᠨ ᠁ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠤᠭᠰᠠᠭᠠᠲᠡᠨ  ᠤ ᠠᠮᠢᠳᠤᠷᠠᠯ ᠤᠨ ᠤᠷᠤᠨ ᠬᠡᠪᠴᠢᠶᠠᠨ ᠠᠴᠠ ᠴᠠᠭ ᠤᠯᠠᠷᠢᠯ ᠲᠠᠢ ᠦᠷᠢᠰᠦᠯᠳᠦᠬᠦ ᠦᠨᠢ ᠤᠳᠠᠭᠠᠨ ᠪᠠᠷᠢᠯᠭ᠎ᠠ ᠪᠠᠷᠤᠭ ᠤᠯᠳᠠᠬᠤ ᠦᠭᠡᠢ ᠶᠤᠮ᠂ ᠮᠤᠩᠭᠤᠯ ᠭᠡᠷ ᠢ ᠨᠢ ᠬᠦᠷᠲᠡᠯ᠎ᠡ ᠵᠠᠳᠠᠯᠵᠤ ᠰᠠᠯᠭᠠᠵᠤ ᠪᠤᠯᠳᠠᠭ᠃ ᠲᠦᠪᠡᠳ᠂ ᠬᠦᠬᠡᠨᠠᠭᠤᠷ ᠵᠡᠷᠭᠡ ᠪᠤᠰᠤᠳ ᠴᠦᠭᠡᠨ ᠲᠤᠭᠠᠲᠤ ᠦᠨᠳᠦᠰᠦᠲᠡᠨ ᠤ ᠲᠦᠪᠯᠡᠷᠡᠨ ᠰᠠᠭᠤᠷᠢᠰᠢᠭᠰᠡᠨ ᠭᠠᠵᠠᠷ ᠲᠠᠢ ᠠᠳᠠᠯᠢᠳᠬᠠᠪᠠᠯ᠂ ᠦᠪᠤᠷ ᠮᠤᠩᠭᠤᠯ ᠳᠠᠬᠢ ᠰᠦᠮ᠎ᠡ ᠬᠡᠶᠢᠳ ᠴᠤ ᠭᠡᠳ ᠪᠠᠷᠤᠭ ᠬᠠᠮᠤᠭ ᠤᠨ ᠴᠦᠭᠡᠨ ᠳᠤ ᠪᠠᠨ ᠲᠤᠭᠠᠴᠭᠳᠠᠬᠤ ᠶᠤᠰᠤᠲᠠᠢ ᠪᠠᠶᠢᠬᠤ ᠡ᠃ ᠶᠠᠷᠢᠶᠠᠨ ᠦᠭᠡᠢ᠂ ᠡᠨᠡ ᠨᠢ ᠲᠡᠭᠦᠨ ᠤ ᠦᠪᠡᠷ ᠤᠨ ᠭᠡᠰᠡᠨ ᠰᠠᠬᠢᠭᠤᠯᠰᠦᠨ᠂ ᠦᠪᠡᠷ ᠤᠨ ᠭᠡᠰᠡᠨ ᠳᠤᠮᠤᠭ ᠲᠠᠢ ᠪᠠᠶᠢᠬᠤ ᠳᠤ ᠨᠢ ᠬᠠᠷᠰᠢ ᠪᠤᠯᠬᠤ ᠦᠭᠡᠢ ᠶᠤᠮ᠃ ᠮᠤᠩᠭᠤᠯᠴᠤᠳ ᠴᠢᠩᠬᠢᠰ ᠤᠨ ᠨᠡᠷ᠎ᠡ ᠠᠯᠳᠠᠷ  ᠢ ᠲᠤᠲᠤᠭᠠᠲᠤ ᠰᠡᠳᠬᠢᠯ ᠤᠨ ᠤᠷᠳᠤᠨ ᠳᠤ ᠪᠠᠨ ᠳᠠᠬᠢᠵᠤ ᠰᠢᠲᠦᠳᠡᠭ᠃ ᠲᠡᠲᠡ ᠤᠶᠤᠨ ᠰᠠᠨᠠᠭᠠᠨ ᠤ ᠭᠠᠯ ᠴᠤᠭ  ᠢᠶᠠᠨ ᠡᠪᠦᠷᠲᠤᠯᠠᠵᠤ ᠳᠦᠷᠪᠡᠨ ᠵᠦᠭ ᠲᠤ ᠨᠠᠭᠦᠳᠡᠯᠯᠡᠳᠡᠭ᠂ ᠲᠡᠭᠡᠬᠦ ᠳᠤ ᠪᠠᠨ ᠨᠡᠭᠦᠳᠡᠯᠯᠡᠯ ᠢᠶᠠᠨ ᠬᠦᠷᠲᠡᠯ᠎ᠡ ᠪᠦᠷ ᠨᠢᠭᠡ ᠵᠦᠢᠯ ᠤᠨ ᠤᠮᠤᠭᠰᠢᠯ  ᠪᠤᠯᠭᠠᠴᠢᠬᠠᠭᠰᠡᠨ ᠪᠠᠶᠢᠳᠠᠭ᠃       ᠳᠡᠯᠡᠭᠡᠢ ᠶᠢᠷᠲᠢᠨᠴᠤ ᠲᠡᠭᠦᠨ ᠠᠴᠠ ᠪᠤᠯᠤᠭᠠᠳ ᠳᠠᠭᠵᠢᠵᠤ ᠶᠠᠪᠤᠭᠰᠡᠨ ᠲᠡᠦᠭᠡ ᠲᠠᠢ᠃ ᠡᠨᠡ ᠬᠦ ᠬᠠᠮᠤᠭ ᠤᠨ ᠠᠭᠤᠤ ᠶᠡᠭᠡ ᠨᠡᠭᠦᠳᠡᠯᠴᠢᠨ ᠡᠷ᠎ᠡ ᠨᠢᠭᠡ ᠬᠦᠯ ᠢᠶᠠᠷ ᠢᠶᠠᠨ ᠠᠽᠢᠶ᠎ᠡ ᠳᠤ ᠵᠤᠭᠰᠤᠵᠤ᠂ ᠨᠦᠬᠦᠭᠡ ᠬᠦᠯ ᠢᠶᠠᠨ ᠡᠸᠦ᠋ᠷᠦᠫᠠ ᠤᠷᠤᠭᠤ ᠵᠢᠬᠢᠯᠬᠡᠭᠰᠡᠨ ᠪᠠᠶᠢᠯ᠎ᠠ᠃ ᠲᠡᠭᠦᠨ ᠢ ᠨᠢᠭᠡᠯᠬᠡᠨ ᠠᠯᠬᠤᠮᠠᠭᠴᠡ ᠭᠠᠵᠠᠷ ᠤᠨ ᠵᠢᠷᠤᠭ ᠳᠡᠭᠡᠷ᠎ᠡ ᠳᠠᠷᠤᠢ ᠠᠪᠤᠷᠭᠤ ᠶᠡᠭᠡ ᠤᠯᠡ ᠮᠦᠷ ᠦᠯᠡᠳᠡᠭᠰᠡᠨ ᠪᠠᠶᠢᠳᠠᠭ᠃ ᠲᠡᠭᠦᠨ ᠤ ᠠᠯᠬᠤᠮ᠂ ᠲᠡᠭᠦᠨ ᠤ ᠪᠠᠷ᠎ᠠ ᠰᠡᠭᠦᠳᠡᠷ᠂ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠠᠬᠢᠴᠡ ᠪᠠ ᠮᠠᠨ ᠤ ᠠᠮᠢᠳᠤᠷᠠᠯ ᠢ ᠬᠤᠪᠢᠷᠠᠭᠤᠯᠤᠯ᠎ᠠ ᠭᠡᠵᠤ ᠬᠡᠯᠡᠵᠤ ᠪᠤᠯᠤᠨ᠎ᠠ᠃       ᠲᠠᠯ᠎ᠠ ᠨᠤᠲᠤᠭ ᠪᠤᠯ ᠲᠡᠭᠦᠨ ᠤ ᠦᠯᠦᠭᠡᠢ ᠨᠤᠲᠤᠭ ᠮᠦᠷᠲᠡᠭᠡᠨ ᠮᠦᠨ ᠴᠤ ᠲᠡᠭᠦᠨ ᠤ ᠠᠮᠤᠷᠯᠢᠩᠭᠤᠢ ᠨᠤᠶᠢᠷᠰᠤᠭᠰᠡᠨ ᠭᠠᠵᠠᠷ ᠶᠤᠮ᠃ ᠲᠡᠷᠡ ᠮᠠᠨᠢ ᠴᠢᠨᠠᠭᠰᠢᠯᠠᠪᠠᠯ ᠲᠠᠯ᠎ᠠ ᠨᠤᠲᠤᠭ ᠲᠤ ᠪᠠᠨ ᠲᠤᠲᠤᠷᠬᠠᠢ ᠨᠢᠭᠡ ᠪᠤᠩᠬᠤᠨ  ᠤ ᠬᠦᠰᠢᠶ᠎ᠡ ᠪᠠᠨ ᠴᠦ ᠬᠤᠴᠤᠷᠭᠠᠭᠰᠡᠨ ᠦᠭᠡᠢ ᠪᠠᠶᠢᠲᠠᠯ᠎ᠠ ᠪᠠᠨ ᠬᠠᠷᠢᠨ ᠳᠦᠵᠢᠬᠢᠨᠡᠵᠤ ᠪᠤᠵᠢᠬᠢᠨᠠᠭᠰᠡᠨ ᠪᠦᠪ ᠪᠦᠲᠦᠨ ᠨᠢᠭᠡ ᠴᠠᠭ ᠡᠷᠢᠨ ᠢ ᠦᠪᠡᠷ ᠤᠨ ᠢᠶᠠᠨ ᠬᠤᠶᠢᠯᠭ᠎ᠠ ᠪᠤᠯᠭᠠᠵᠤ ᠤᠷᠤᠰᠢᠭᠤᠯᠤᠭᠰᠡᠨ ᠪᠠᠶᠢᠯ᠎ᠠ᠃ ᠡᠨᠡ ᠪᠤᠯ ᠬᠠᠮᠤᠭ ᠤᠨ ᠡᠭᠡᠯ ᠪᠤᠷᠤᠭᠵᠢᠭᠤᠨ ᠪᠦᠭᠡᠳ ᠬᠠᠮᠤᠭ ᠤᠨ ᠡᠷᠬᠢᠮᠰᠦᠭ ᠦᠵᠡᠰᠭᠦᠯᠡᠩ ᠤᠷᠤᠰᠢᠭᠤᠯᠭ᠎ᠠ ᠪᠤᠯᠬᠤ ᠶᠤᠮ᠃      ᠡᠷᠳᠡᠨᠢ ᠶᠢᠨ ᠵᠢᠳᠡ ᠡᠯᠡᠰᠦᠨ ᠳᠤ ᠪᠤᠯᠠᠭᠳᠠᠭᠰᠡᠨ ᠲᠡᠶᠢᠮᠦᠷᠬᠦ ᠡᠴᠢᠨ᠎ᠠ ᠨᠢᠭᠤᠴᠠᠭᠠᠢ᠂ ᠡᠩᠰᠡᠷᠡᠯ ᠭᠤᠨᠢᠭᠯᠠᠯ ᠪᠠ ᠲᠡᠶᠢᠮᠦᠷᠬᠦ ᠴᠢᠰᠦᠨ ᠦᠨᠦᠷ ᠬᠠᠩᠬᠤᠯᠤᠭᠰᠡᠨ ᠠᠭᠤᠷ ᠠᠮᠢᠰᠬᠤᠯ ᠢ ᠨᠢ ᠦᠨᠦᠳᠦᠷ ᠬᠦᠷᠲᠡᠯ᠎ᠡ ᠪᠢ ᠪᠦᠷ ᠮᠡᠳᠡᠷᠡᠵᠤ ᠤᠯᠵᠤ ᠪᠠᠶᠢᠨ᠎ᠠ᠃ ᠨᠢᠭᠡ ᠯᠡ ᠬᠦᠮᠦᠨ᠂ ᠨᠢᠭᠡ ᠶᠡᠭᠡ ᠲᠠᠯ᠎ᠠ ᠨᠤᠲᠤᠭ ᠢ ᠭᠠᠶᠢᠬᠠᠮᠰᠢᠭ ᠪᠤᠯᠭᠠᠵᠤ ᠴᠢᠳᠠᠵᠠᠢ᠃       ᠬᠤᠶᠠᠷ ᠵᠦᠢᠯ ᠤᠨ ᠲᠠᠯ᠎ᠠ ᠨᠤᠲᠤᠭ ᠪᠠᠶᠢᠳᠠᠭ ᠰᠢᠤᠬᠠᠨ ᠪᠠᠶᠢᠨ᠎ᠠ᠂ ᠨᠢᠭᠡ ᠨᠢ ᠪᠤᠳᠠᠲᠤ ᠠᠬᠤᠢ ᠳᠤ ᠬᠠᠷᠢᠶᠠᠯᠠᠭᠳᠠᠨ᠎ᠠ᠂ ᠨᠢᠭᠡ ᠨᠢ ᠰᠦᠭ ᠰᠦᠨᠡᠰᠦᠨ ᠳᠤ ᠬᠠᠷᠢᠶᠠᠯᠠᠭᠳᠠᠨ᠎ᠠ᠃ ᠪᠢ ᠲᠡᠭᠦᠨ ᠤ ᠦᠨᠡᠨ ᠪᠣᠳᠠᠲᠠᠢ ᠶᠢ ᠨᠢ ᠬᠠᠶᠢᠷᠠᠯᠠᠨ᠎ᠠ᠂ ᠲᠡᠭᠦᠨ ᠤ ᠪᠦᠷᠦᠭ ᠪᠠᠷᠤᠭ ᠲᠤ ᠨᠢ ᠴᠤ ᠬᠤᠷᠭᠤᠳᠠᠨ᠎ᠠ᠃ ᠬᠤᠶᠢᠨᠠᠬᠢ ᠠᠴᠠ ᠨᠢ ᠠᠪᠤᠭᠠᠳ ᠬᠡᠯᠡᠪᠡᠯ ᠂ ᠪᠢ ᠵᠦᠪᠭᠡᠨ ᠴᠢᠩᠬᠢᠰ ᠬᠠᠭᠠᠨ ᠤ ᠡᠵᠡᠮᠰᠢᠯ ᠨᠤᠲᠤᠭ ᠳᠡᠭᠡᠷ᠎ᠡ ᠵᠤᠴᠢᠨ ᠪᠤᠯᠵᠤ ᠰᠠᠭᠠᠲᠠᠭᠴᠢ ᠲᠡᠳᠦᠢ ᠶᠤᠮ᠃ ᠲᠡᠭᠡᠪᠡᠴᠤ ᠪᠢ ᠲᠤᠭᠲᠤᠯᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ᠂ ᠰᠠᠨᠳᠤᠷᠤᠨ ᠲᠡᠪᠡᠳᠡᠬᠦ ᠦᠪᠡᠢ ᠪᠠᠶᠢᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠶᠤᠮ ᠰᠠᠨ᠃       ᠦᠪᠤᠷ ᠮᠤᠩᠭᠤᠯ ᠳᠤ ᠪᠠᠶᠢᠭᠰᠡᠳ ᠡᠩ ᠲᠡᠷᠢᠭᠦᠨ ᠳᠤ ᠡᠷᠬᠡᠪᠰᠢ ᠬᠡᠷᠡᠯ ᠰᠡᠭᠦᠳᠡᠷ ᠲᠠᠢ ᠶᠠᠪᠤᠯᠴᠠᠵᠤ ᠰᠤᠷᠬᠤ ᠬᠡᠷᠡᠭᠲᠡᠢ᠃       ᠤᠴᠢᠷ ᠨᠢ ᠠᠳᠡ ᠴᠢᠩᠬᠢᠰ ᠬᠠᠭᠠᠨ ᠤ ᠨᠦᠯᠦᠭᠡ ᠤᠷᠤᠰᠢᠬᠤ ᠦᠭᠡᠢ ᠭᠠᠵᠠᠷ ᠭᠡᠵᠤ ᠦᠭᠡᠢ ᠶᠤᠮ᠃       ᠲᠡᠭᠦᠨ ᠢ ᠨᠢᠭᠡ ᠬᠦᠮᠦᠨ᠂ ᠨᠢᠭᠡ ᠬᠡᠰᠡᠭ ᠲᠡᠦᠭᠡ ᠭᠡᠵᠤ ᠬᠡᠯᠡᠬᠦ ᠶᠢᠨ ᠤᠷᠤᠨ ᠳᠤ ᠬᠠᠷᠢᠨ ᠨᠢᠭᠡ ᠵᠦᠢᠯ ᠤᠨ ᠦᠨᠦᠳᠦᠷ ᠬᠦᠷᠲᠡᠯ᠎ᠡ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠤᠳᠤᠮ ᠤᠭᠰᠠᠭ᠎ᠠ ᠭᠡᠵᠤ ᠬᠡᠯᠡᠬᠦ ᠶᠢ ᠬᠦᠷᠬᠦ ᠦᠭᠡᠢ ᠶᠤᠮ᠃  
 
ᠢᠷᠡᠯᠲᠡ᠄ ᠬᠤᠯᠪᠣᠭ᠎ᠠ ᠤᠯᠠᠭᠠᠨᠬᠠᠳᠠ ᠶᠢᠨ ᠠᠵᠢᠯᠯᠠᠬᠤ ᠦᠷᠭᠦᠭᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠴᠢᠩᠬᠢᠰ ᠤᠨ ᠲᠦᠷᠪᠡᠨ ᠬᠦᠯᠦᠭ — ᠴᠢᠯᠠᠭᠤᠨ
ᠴᠢᠩᠭᠢᠰ ᠤᠨ ᠲᠦᠷᠪᠡᠨ ᠬᠦᠯᠦᠭ — ᠪᠤᠷᠤᠬᠤᠯ
︽ᠳ᠋ᠣᠰᠰᠣᠨ ᠤ ᠮᠣᠩᠭᠤᠯ ᠤᠨ ᠲᠡᠦᠬᠡ︾
︽ᠪᠣᠯᠣᠷ ᠲᠣᠯᠢ︾
︽ᠪᠣᠣᠯᠣᠷ ᠡᠷᠢᠬᠡ︾
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号