| ᠰᠤᠷᠪᠤᠯᠵᠢᠯᠠᠭᠴᠢ᠄ ᠪᠠᠶᠢᠩᠭᠤ ᠮᠤᠷᠢ ᠤᠨᠤᠵᠤ ᠪᠠᠶᠢᠬᠤ ᠶᠢᠨ ᠠᠰᠢᠭ ᠲᠠᠢ ᠲᠠᠯᠠ ᠨᠢ ᠶᠠᠭᠤ ᠪᠤᠢ︖ ᠮᠤᠷᠢ | ᠤᠨᠤᠬᠤ ᠨᠢ ᠬᠦᠮᠦᠨ ᠤ ᠪᠡᠶᠡ᠂ ᠡᠷᠡᠬᠦᠯ ᠴᠢᠬᠢᠷᠠᠭ ᠲᠤ ᠬᠢᠷᠢ ᠵᠡᠷᠭᠡ ᠠᠰᠢᠭ ᠲᠤᠰᠠ ᠲᠠᠢ ᠪᠠᠶᠢᠳᠠᠭ ᠲᠤᠬᠠᠢ ᠲᠠ | ᠦᠪᠡᠷ ᠤᠨ ᠪᠤᠳᠤᠯ ᠰᠠᠨᠠᠯ ᠢᠶᠠᠨ ᠬᠤᠪᠢᠶᠠᠯᠴᠠᠨᠠ ᠤᠤ︖ | ᠵᠢ᠊ · ᠭᠡᠷᠡᠯᠳᠦ᠄ ᠮᠤᠷᠢ ᠤᠨᠤᠬᠤ ᠪᠤᠯ ᠶᠡᠭᠡ ᠰᠠᠶᠢᠨ ᠬᠦᠳᠡᠯᠬᠡᠬᠡᠨ᠂ ᠲᠡᠷᠡᠴᠢᠯᠡᠨ ᠮᠠᠰᠢ ᠶᠡᠭᠡ ᠡᠷᠬᠢᠮᠰᠦᠭ | ᠬᠦᠳᠡᠯᠬᠡᠬᠡᠨ᠃ ᠦᠩᠭᠡᠷᠡᠭᠰᠡᠨ ᠳᠤ ᠮᠤᠷᠢ ᠶᠢ ᠮᠤᠩᠭᠤᠯᠴᠤᠳ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ᠂ ᠵᠠᠮ ᠨᠡᠪᠳᠡᠷᠡᠯᠬᠡ᠂ | ᠴᠢᠮᠡᠭᠡ ᠬᠤᠯᠪᠤᠭᠠ᠂ ᠴᠡᠷᠢᠭ ᠲᠠᠶᠢᠨ ᠳᠤ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠤᠳᠤ ᠪᠤᠯᠬᠤ ᠳᠤ ᠮᠤᠷᠢᠨ ᠤ ᠡᠳᠡᠭᠡᠷ | ᠦᠢᠯᠡᠳᠦᠯ ᠦᠨᠳᠦᠰᠦᠨ ᠳᠤ ᠪᠠᠨ ᠬᠡᠷᠡᠭᠴᠡᠭᠡᠨ ᠠᠴᠠ ᠪᠠᠨ ᠭᠠᠷᠴᠤ ᠪᠠᠶᠢᠨᠠ᠃ ᠤᠳᠤ ᠶᠢᠨ ᠮᠤᠷᠢ ᠤᠨᠤᠬᠤ | ᠬᠦᠳᠡᠯᠬᠡᠬᠡᠨ ᠪᠤᠯ ᠤᠯᠠᠩᠬᠢ ᠳᠤ ᠪᠠᠨ ᠪᠡᠶᠡ ᠴᠢᠬᠢᠷᠠᠭᠵᠢᠭᠤᠯᠬᠤ ᠪᠤᠯᠤᠨ ᠰᠤᠶᠤᠯ ᠲᠠᠮᠢᠷ ᠤᠨ ᠠᠵᠢᠯᠯᠠᠭᠠ ᠪᠤᠯᠭᠠᠵᠤ | ᠦᠷᠨᠢᠬᠦᠯᠬᠦ ᠨᠢ ᠤᠯᠠᠨ ᠪᠤᠯᠤᠭᠰᠠᠨ ᠶᠤᠮ᠃ ᠮᠤᠷᠢ ᠬᠦᠮᠦᠨ ᠲᠠᠢ ᠬᠦᠳᠡᠯᠬᠡᠬᠡᠨ ᠤ ᠲᠠᠯᠠ ᠪᠠᠷ ᠶᠡᠭᠡ ᠨᠢᠬᠡᠳᠴᠦ᠂ | ᠪᠡᠶᠡ ᠮᠠᠬᠠᠪᠤᠳ ᠢ ᠴᠢᠬᠢᠷᠠᠭᠵᠢᠭᠤᠯᠬᠤ ᠲᠠᠯᠠ ᠲᠡᠬᠡᠷᠡ ᠶᠡᠭᠡ ᠦᠢᠯᠡᠳᠦᠯ ᠭᠠᠷᠭᠠᠳᠠᠭ᠃ ᠶᠡᠷᠦ ᠨᠢ ᠲᠠᠮᠢᠷ ᠤᠨ | ᠬᠦᠳᠡᠯᠬᠡᠬᠡᠨ ᠲᠤᠳᠤᠷᠠ ᠮᠤᠷᠢ ᠤᠨᠤᠬᠤ ᠬᠦᠳᠡᠯᠬᠡᠬᠡᠨ ᠢ ᠡᠷᠬᠢᠮᠰᠦᠭ ᠲᠡᠭᠡᠳᠦ ᠬᠦᠳᠡᠯᠬᠡᠬᠡᠨ ᠬᠡᠵᠦ ᠦᠵᠡᠳᠡᠭ᠃ | ᠮᠤᠷᠢ ᠤᠨᠤᠪᠠᠯ ᠲᠠᠪᠤᠨ ᠴᠤᠯᠤ ᠶᠢ ᠦᠪᠡᠷ ᠤᠨ ᠬᠢᠨᠢ ᠪᠠᠶᠢᠷᠢᠨ ᠳᠤ ᠤᠷᠤᠭᠤᠯᠵᠤ ᠴᠢᠳᠠᠳᠠᠭ᠂ ᠬᠦᠮᠦᠨ ᠤ | ᠲᠠᠪᠤᠨ ᠴᠤᠯᠤ ᠦᠪᠡᠷ ᠦᠪᠡᠷ ᠤᠨ ᠪᠠᠶᠢᠷᠢ ᠪᠤᠯᠤᠨ ᠵᠠᠢ ᠪᠠᠶᠢᠳᠠᠭ᠃ ᠪᠢᠳ᠋ᠨ ᠠᠯᠪᠠᠨ ᠭᠡᠷ ᠲᠤ ᠤᠳᠠᠭᠠᠨ ᠰᠠᠭᠤᠵᠦ᠂ | ᠲᠡᠮᠡᠢ ᠬᠦᠳᠡᠯᠬᠡᠬᠡᠨ ᠬᠢᠬᠦ ᠦᠬᠡᠢ ᠪᠤᠯᠤᠭᠰᠠᠨ ᠠᠴᠠ ᠲᠠᠪᠤᠨ ᠴᠤᠯᠤ ᠶᠢᠨ ᠵᠠᠢ ᠵᠠᠪᠰᠠᠷ ᠪᠠᠭᠠᠰᠤᠭᠠᠳ ᠦᠬᠡᠭᠦᠵᠢᠬᠦ᠂ | ᠶᠡᠷᠦᠩᠭᠡᠢ ᠳᠤ ᠪᠠᠨ ᠨᠢᠬᠡ ᠴᠤᠭᠴᠠ ᠪᠤᠯᠤᠭᠰᠠᠨ ᠮᠠᠶ᠋ᠢᠭᠳᠠᠢ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠲᠡᠭᠡᠪᠡᠯ ᠡᠮᠴᠢ ᠶᠢᠨ | ᠦᠵᠡᠬᠦ ᠪᠠᠷ ᠵᠢᠷᠦᠬᠡ ᠪᠤᠯ ᠵᠢᠷᠦᠬᠡᠨ ᠤ ᠦᠪᠡᠷ ᠤᠨ ᠬᠢᠨᠢ ᠠᠵᠢᠯᠯᠠᠭᠠ ᠬᠢᠳᠡᠭ ᠤᠷᠴᠢᠨ ᠲᠤᠭᠤᠷᠢᠨ ᠪᠠᠶᠢᠳᠠᠭ᠃ | ᠭᠡᠪᠡᠴᠦ ᠤᠳᠤ ᠪᠤᠯ ᠤᠷᠴᠢᠨ ᠲᠤᠭᠤᠷᠢᠨ ᠨᠢ ᠪᠠᠭᠠᠰᠴᠤ᠂ ᠵᠢᠷᠦᠬᠡ ᠨᠢ ᠰᠢᠬᠠᠯᠳᠠ ᠶᠢᠨ ᠲᠤᠳᠤᠷᠠ ᠠᠵᠢᠯ ᠬᠢᠳᠡᠭ᠃ | ᠢᠩᠬᠢᠭᠰᠡᠨ ᠠᠴᠠ ᠵᠢᠷᠦᠬᠡᠨ ᠤ ᠲᠠᠮᠢᠷ ᠮᠠᠭᠤᠳᠠᠬᠤ᠂ ᠵᠢᠷᠦᠬᠡᠨ ᠤ ᠰᠤᠳᠠᠯ ᠪᠦᠭᠯᠡᠷᠡᠬᠦ ᠵᠡᠷᠭᠡ ᠠᠷᠪᠢᠨ ᠡᠪᠡᠳᠴᠢᠨ ᠤ | ᠢᠯᠡᠷᠡᠯ ᠭᠠᠷᠳᠠᠭ᠃ ᠡᠯᠢᠬᠡ ᠪᠠᠰᠠ ᠤᠷᠳᠤ ᠬᠤᠭᠤᠴᠠᠭᠠ ᠬᠦᠳᠡᠯᠬᠡᠬᠡᠨ ᠨᠢ ᠪᠠᠭᠠᠰᠤᠭᠰᠠᠨ ᠠᠴᠠ ᠪᠤᠯᠤᠭᠠᠳ | ᠦᠬᠡᠬᠦᠯᠡᠳᠡᠭ᠃ ᠲᠡᠭᠡᠪᠡᠯ ᠮᠤᠷᠢ ᠤᠨᠤᠬᠤ ᠨᠢ ᠡᠨᠡ ᠨᠢᠬᠡ ᠤᠷᠤᠨ ᠵᠠᠢ ᠶᠢ ᠨᠢ ᠪᠦᠬᠦᠳᠡ ᠶᠢ ᠤᠯᠵᠤ ᠦᠭᠴᠦ | ᠴᠢᠳᠠᠳᠠᠭ᠃ ᠮᠤᠷᠢ ᠪᠤᠯ ᠮᠠᠰᠢ ᠶᠡᠭᠡ ᠶᠠᠪᠤᠭᠠ ᠲᠠᠢ᠂ ᠠᠯᠬᠤᠭᠠ᠂ ᠲᠤᠩᠰᠢᠶᠠ᠂ ᠲᠡᠷᠭᠡᠭᠡ᠂ ᠰᠠᠶᠢᠪᠦᠷ᠂ ᠴᠤᠭᠬᠢᠶᠠ᠂ | ᠬᠦᠶᠦᠳᠠᠯ ᠵᠡᠷᠬᠡ ᠤᠯᠠᠨ ᠶᠠᠪᠤᠭᠠ ᠲᠠᠢ᠂ ᠵᠠᠷᠢᠮ ᠰᠠᠶᠢᠨ ᠮᠤᠷᠢ ᠨᠢ ᠭᠤᠴᠢᠨ ᠬᠡᠳᠦᠨ ᠶᠠᠪᠤᠭᠠ ᠲᠠᠢ ᠪᠠᠶᠢᠳᠠᠭ᠃ | ᠲᠡᠭᠡᠪᠡᠯ ᠡᠳᠡᠭᠡᠷ ᠶᠠᠪᠤᠴᠠ ᠶᠢᠨ ᠲᠤᠮᠳᠠᠬᠢ ᠠᠯᠬᠤᠭᠠ ᠠᠴᠠ ᠪᠠᠨ ᠲᠤᠩᠰᠢᠶᠠ ᠳᠤ ᠤᠷᠤᠬᠤ ᠪᠠᠰᠠ ᠨᠢᠬᠡ ᠵᠠᠢ | ᠪᠠᠶᠢᠳᠠᠭ᠃ ᠲᠤᠩᠰᠢᠶᠠ ᠠᠴᠠ ᠪᠠᠨ ᠲᠡᠷᠭᠡᠬᠦᠯᠬᠦ᠂ ᠰᠠᠶᠢᠪᠦᠷᠯᠠᠬᠤ ᠵᠡᠷᠭᠡ ᠶᠠᠩᠵᠤ ᠪᠦᠷᠢ ᠶᠢᠨ ᠠᠯᠬᠤᠭᠠ ᠶᠠᠪᠤᠭᠠ ᠶᠢᠨ | ᠬᠢᠨᠢ ᠬᠤᠪᠢᠷᠠᠯᠳᠠ ᠶᠢᠨ ᠲᠤᠮᠳᠠ ᠠᠳᠠᠯᠢ ᠦᠬᠡᠢ ᠬᠦᠳᠡᠯᠬᠡᠬᠡᠨ ᠢ ᠬᠦᠮᠦᠨ ᠤ ᠪᠡᠶᠡ ᠳᠤ ᠬᠠᠩᠭᠠᠵᠤ ᠦᠭᠳᠡᠭ᠃ | ᠲᠡᠶᠢᠮᠦ ᠠᠴᠠ ᠡᠳᠡᠬᠡᠷ ᠶᠠᠪᠤᠭᠠ ᠨᠢ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠲᠠᠪᠤᠨ ᠴᠤᠯᠤ ᠶᠢ ᠵᠤᠬᠢᠴᠠᠭᠤᠯᠵᠤ᠂ ᠪᠠᠶᠢᠷᠢ | ᠪᠠᠶᠢᠷᠢᠨ ᠳᠤ ᠨᠢ ᠤᠷᠤᠭᠤᠯᠵᠤ ᠦᠭᠴᠦ ᠴᠢᠳᠠᠳᠠᠭ᠃ ᠡᠬᠦᠨ ᠠᠴᠠ ᠦᠭᠡᠷᠡ ᠰᠠᠶᠢᠨ ᠡᠮᠴᠢ ᠪᠠᠶᠢᠳᠠᠭ ᠦᠬᠡᠢ ᠬᠡᠳᠡᠭ | ᠃ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠮᠤᠷᠢ ᠤᠨᠤᠭᠰᠠᠨ ᠬᠦᠮᠦᠨ ᠤ ᠡᠯᠢᠬᠡ ᠦᠬᠡᠬᠦᠯᠡᠳᠡᠭ ᠦᠬᠡᠢ᠂ ᠵᠢᠷᠦᠬᠡᠨ ᠤ ᠤᠷᠤᠨ | ᠵᠠᠢ ᠶᠢ ᠤᠯᠵᠤ ᠦᠭᠴᠦ ᠴᠢᠳᠠᠳᠠᠭ ᠠᠴᠠ ᠢᠪᠴᠤᠤᠷᠠᠯ ᠤᠨ ᠠᠵᠢᠯᠯᠠᠭᠠ ᠭᠠᠷᠳᠠᠭ ᠦᠬᠡᠢ ᠭᠡᠵᠦ ᠦᠵᠡᠳᠡᠭ᠃ | ᠮᠢᠨᠦ ᠬᠤᠪᠢ ᠶᠢᠨ ᠪᠠᠶᠢᠳᠠᠯ ᠠᠴᠠ ᠦᠵᠡᠬᠦ ᠳᠤ ᠶᠠᠮᠠᠷ ᠨᠢᠬᠡᠨ ᠬᠦᠳᠡᠯᠬᠡᠬᠡᠨ ᠬᠢᠬᠦ ᠳᠤ ᠪᠦᠬᠦ ᠬᠦᠴᠦ ᠪᠠᠨ | ᠰᠢᠪᠬᠠᠵᠤ ᠬᠢᠳᠡᠭ᠃ ᠬᠠᠷᠢᠨ ᠮᠤᠷᠢ ᠤᠨᠤᠬᠤ ᠪᠤᠯ ᠲᠡᠶᠢᠮᠦ ᠪᠢᠰᠢ᠂ ᠦᠪᠡᠷ ᠤᠨ ᠪᠡᠶᠡ ᠠᠴᠠ ᠬᠦᠴᠦ ᠭᠠᠷᠬᠤ ᠦᠬᠡᠢ | ᠂ ᠮᠤᠷᠢ ᠴᠢᠮᠠ ᠳᠤ ᠵᠤᠬᠢᠴᠠᠭᠤᠯᠵᠤ ᠦᠭᠳᠡᠭ᠃ ᠨᠡᠩ ᠴᠦ ᠠᠯᠬᠤᠭᠤᠯᠵᠤ ᠪᠠᠶᠢᠭᠠᠳ ᠲᠤᠩᠰᠢᠭᠤᠯᠬᠤ ᠳᠤ ᠮᠤᠷᠢ | ᠴᠢᠮᠠ ᠳᠤ ᠪᠦᠬᠦ ᠪᠡᠶᠡ ᠶᠢ ᠴᠢᠨᠢ ᠵᠤᠬᠢᠴᠠᠭᠤᠯᠵᠤ ᠦᠭᠳᠡᠭ᠃ ᠲᠦᠷᠦᠬᠡ ᠢᠰᠬᠦᠯᠦᠨ ᠰᠠᠨᠳᠠᠶᠢᠯᠠᠵᠤ ᠬᠦᠶᠦᠬᠡᠳ | ᠲᠡᠷᠭᠡᠬᠦᠯᠬᠦ ᠳᠤ ᠪᠦᠷ ᠰᠠᠶᠢᠬᠠᠨ ᠰᠢᠭᠰᠢᠭᠡᠳ ᠪᠦᠬᠦ ᠪᠡᠶᠡ ᠴᠢᠨᠢ ᠬᠦᠳᠡᠯᠬᠦ ᠦᠬᠡᠢ ᠭᠠᠵᠠᠷ ᠭᠡᠵᠦ ᠪᠠᠶᠢᠳᠠᠭ ᠦᠬᠡᠢ᠃ | ᠮᠤᠷᠢ ᠤᠨᠤᠬᠤ ᠶᠢᠨ ᠰᠠᠶᠢᠨ ᠲᠠᠢ ᠲᠠᠯᠠ ᠪᠡᠶᠡ ᠮᠠᠬᠠᠪᠤᠳ ᠲᠡᠭᠡᠷᠡ ᠢᠩᠬᠢᠵᠦ ᠶᠡᠭᠡ ᠤᠶᠠᠯᠳᠤᠳᠠᠭ ᠤᠨ ᠲᠠᠭᠠᠤ | ᠤᠶᠤᠨ ᠰᠠᠨᠠᠭᠠᠨ ᠤ ᠲᠠᠯᠠ ᠲᠡᠭᠡᠷᠡ ᠪᠠᠰᠠ ᠶᠡᠭᠡ ᠠᠳᠠᠯᠢ ᠦᠬᠡᠢ ᠪᠠᠶᠢᠳᠠᠭ᠃ ᠲᠡᠮᠦᠷ ᠲᠦᠬᠦᠬᠡᠷᠦᠮᠵᠢ ᠲᠡᠭᠡᠷᠡ | ᠤᠴᠢᠵᠦ ᠪᠤᠯᠪᠠᠰᠤᠷᠠᠯ ᠬᠢᠬᠦ ᠪᠤᠯᠤᠨ ᠮᠤᠷᠢ ᠤᠨᠤᠵᠤ ᠶᠠᠪᠤᠬᠤ ᠨᠢ ᠠᠳᠠᠯᠢ ᠦᠬᠡᠢ᠃ ᠮᠤᠷᠢ ᠴᠢᠮᠠ ᠳᠤ ᠪᠠᠶᠠᠷ | ᠪᠠᠶᠠᠰᠤᠯ ᠢ ᠠᠪᠴᠢᠷᠠᠵᠤ ᠦᠭᠬᠦᠨᠡ᠃ ᠦᠬᠡ ᠬᠡᠯᠡᠵᠦ ᠪᠠᠶᠢᠬᠤ ᠰᠢᠭ᠋ ᠪᠠᠭ᠋ᠠᠷᠬᠠᠭᠤᠯᠵᠤ ᠴᠢᠳᠠᠨᠠ᠃ ᠴᠢ ᠦᠨᠳᠡᠶᠢᠪᠡᠯ | ᠲᠡᠷᠡ ᠬᠤᠷᠳᠤᠨ ᠶᠠᠪᠤᠨᠠ᠂ ᠴᠢ ᠰᠠᠭᠤᠪᠠᠯ ᠠᠭᠠᠵᠢᠭᠤ ᠶᠠᠪᠤᠨᠠ᠂ ᠪᠡᠶᠡ ᠪᠠᠷ ᠢᠶᠠᠨ ᠵᠢᠭᠠᠬᠠᠨ ᠬᠠᠵᠠᠶᠢᠭᠠᠳ ᠦᠭᠪᠡᠯ | ᠵᠠᠯᠠᠭᠳᠠᠭᠠᠳ ᠶᠠᠪᠤᠴᠢᠬᠠᠨᠠ᠃ ᠪᠦᠷ ᠬᠦᠮᠦᠨ ᠤ ᠰᠠᠨᠠᠭᠠ ᠪᠠᠷ ᠶᠠᠪᠤᠨᠠ᠃ | ᠮᠤᠷᠢ ᠪᠤᠯ ᠡᠶᠢᠮᠦᠷᠬᠦᠦ ᠯᠡ ᠬᠦᠮᠦᠨ ᠤ ᠰᠡᠳᠬᠢᠯ ᠤᠨ ᠬᠦᠪᠴᠢ ᠶᠢ ᠬᠦᠪᠴᠢᠯᠡᠵᠦ ᠴᠢᠳᠠᠳᠠᠭ ᠤᠴᠢᠷ ᠠᠴᠠ | ᠬᠦᠮᠦᠨ ᠢ ᠶᠡᠭᠡ ᠪᠠᠶᠠᠷ ᠪᠠᠶᠠᠰᠤᠯ ᠲᠠᠢ ᠪᠤᠯᠭᠠᠳᠠᠭ᠃ ᠢᠩᠬᠢᠭᠰᠡᠨ ᠠᠴᠠ ᠬᠦᠮᠦᠰ ᠮᠤᠷᠢ ᠲᠠᠢ ᠪᠠᠨ ᠤᠯᠠᠨ ᠲᠠᠰᠴᠤ᠂ | ᠡᠨᠡ ᠬᠦ ᠬᠦᠳᠡᠯᠬᠡᠬᠡᠨ ᠢ ᠡᠷᠬᠢᠮᠰᠦᠭ ᠪᠤᠯᠭᠠᠵᠤ ᠪᠠᠶᠢᠳᠠᠭ᠃ ᠪᠠᠰᠠ ᠨᠢᠬᠡᠨ ᠭᠠᠶᠢᠬᠠᠮᠰᠢᠭ ᠲᠠᠢ ᠵᠦᠢᠯ ᠨᠢ ᠪᠠᠶᠢᠭᠠᠯᠢ ᠶᠢ | ᠪᠠᠭ᠋ᠠᠷᠬᠠᠵᠤ ᠴᠢᠳᠠᠳᠠᠭ᠂ ᠮᠤᠷᠢ ᠲᠠᠢ ᠶᠠᠪᠤᠭᠠᠳ ᠪᠠᠶᠢᠭᠠᠯᠢ ᠶᠢ ᠪᠠᠭ᠋ᠠᠷᠬᠠᠬᠤ ᠪᠤᠯᠤᠨ ᠮᠠᠰᠢᠨ ᠲᠡᠷᠭᠡ ᠲᠠᠢ ᠶᠠᠪᠤᠭᠠᠳ | ᠪᠠᠶᠢᠭᠠᠯᠢ ᠶᠢ ᠪᠠᠭ᠋ᠠᠷᠬᠬᠠᠤ ᠪᠤᠯ ᠠᠳᠠᠯᠢ ᠦᠬᠡᠢ᠃ ᠨᠤᠭᠤᠭᠠᠨ ᠲᠠᠯᠠ ᠪᠠᠷ ᠶᠠᠪᠤᠨᠠ᠂ ᠬᠦᠮᠦᠨ ᠲᠠᠢ ᠵᠤᠭᠤᠭ | ᠲᠠᠭᠠᠷᠠᠨᠠ᠂ ᠬᠠᠳᠠ ᠲᠠᠢ ᠲᠡᠯ ᠲᠠᠢ ᠭᠠᠵᠠᠷ ᠶᠠᠪᠤᠬᠤ ᠳᠤ ᠮᠤᠷᠢ ᠬᠦᠳᠡᠯᠬᠡᠬᠡᠨ ᠢᠶᠠᠨ ᠵᠤᠬᠢᠴᠠᠭᠤᠯᠵᠤ ᠴᠢᠳᠠᠳᠠᠭ᠃ | ᠲᠡᠭᠡᠬᠦᠯᠡᠷ ᠮᠤᠷᠢ ᠪᠤᠯ ᠪᠡᠶᠡ ᠮᠠᠬᠠᠪᠤᠳ ᠢ ᠴᠢᠬᠢᠷᠠᠭᠵᠢᠭᠤᠯᠵᠤ ᠴᠢᠳᠠᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠤᠶᠤᠨ ᠰᠠᠨᠠᠭᠠ᠂ | ᠰᠡᠳᠬᠢᠯ ᠢ ᠴᠦ ᠲᠡᠨᠢᠬᠦᠨ ᠰᠠᠷᠠᠭᠤᠯ ᠪᠤᠯᠭᠠᠳᠠᠭ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ |