| ᠲᠠᠯᠤ ᠶᠢᠨ ᠰᠢᠨᠵᠢᠯᠡᠭᠡ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠡᠷᠲᠡ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ | ᠦᠪᠡᠷᠮᠢᠴᠡ ᠨᠢᠭᠡ ᠵᠦᠢᠯ ᠤᠨ ᠰᠤᠶᠤᠯ ᠪᠤᠯᠬᠤ ᠶᠤᠮ᠃ ᠬᠤᠨᠢᠨ ᠤ ᠲᠠᠯᠤ ᠶᠢ ᠰᠢᠨᠵᠢᠯᠡᠲᠡᠭ ᠡᠨᠡ ᠬᠦ ᠵᠠᠩᠰᠢᠯ | ᠴᠤᠬᠤᠮ ᠠᠯᠢ ᠦᠶᠡ ᠳᠤ ᠡᠬᠢᠯᠡᠭᠰᠡᠨ ᠲᠤᠬᠠᠢ ᠪᠠᠷᠢᠮᠲᠠ ᠤᠯᠲᠠᠬᠤ ᠦᠭᠡᠢ ᠪᠤᠯᠪᠠᠴᠤ ᠬᠠᠷᠢᠨ ᠲᠠᠯᠤᠨ ᠰᠢᠨᠵᠢᠯᠡᠭᠡ | ᠬᠦᠭᠵᠢᠨ ᠲᠦᠭᠡᠮᠡᠯᠵᠢᠭᠰᠡᠨ ᠦᠶᠡ ᠶᠢᠨ ᠲᠡᠮᠲᠡᠭᠯᠡᠯ ᠤᠳ ᠬᠠᠷᠠᠭᠲᠠᠵᠤ ᠪᠠᠶᠢᠨᠠ᠃ ᠲᠤᠬᠠᠶᠢᠯᠠᠪᠠᠯ ᠴᠢᠩᠬᠢᠰ ᠬᠠᠭᠠᠨ ᠤ | ᠦᠶᠡ ᠳᠤ ᠲᠠᠯᠤ ᠶᠢᠨ ᠰᠢᠨᠵᠢᠯᠡᠭᠡ ᠦᠷᠭᠡᠨ ᠲᠡᠯᠭᠡᠷᠡᠵᠦ ᠪᠠᠶᠢᠭᠰᠠᠨ ᠪᠠ ᠲᠡᠲᠡᠭᠡᠷ ᠪᠦᠭᠡ ᠨᠠᠷ ᠪᠤᠯᠤᠨ ᠪᠤᠰᠤᠳ ᠡᠭᠡᠯ | ᠠᠷᠠᠳ ᠬᠦᠷᠲᠡᠯᠡ ᠴᠦᠮ ᠬᠡᠷᠡᠭᠯᠡᠲᠡᠭ ᠪᠠᠶᠢᠵᠠᠢ᠃ ᠴᠢᠩᠬᠢᠰ ᠬᠠᠭᠠᠨ ᠴᠤ ᠭᠡᠰᠡᠨ ᠠᠯᠢᠪᠠ ᠴᠢᠬᠤᠯᠠ ᠪᠦᠬᠦᠢ ᠤᠶᠢᠯᠡ | ᠠᠵᠢᠯᠯᠠᠭᠠ ᠪᠤᠶᠤ ᠨᠡᠩ ᠴᠤ ᠴᠡᠷᠢᠭ ᠲᠠᠶᠢᠨ ᠳᠤ ᠮᠤᠷᠲᠠᠬᠤ ᠳᠠᠭᠠᠨ ᠲᠠᠯᠤ ᠰᠢᠲᠠᠭᠠᠯᠭᠠᠨ ᠲᠦᠯᠭᠡ ᠦᠵᠡᠭᠦᠯᠲᠡᠭ ᠪᠠ | ᠦᠪᠡᠷ ᠢᠶᠠᠨ ᠴᠤ ᠲᠠᠯᠤ ᠰᠢᠨᠵᠢᠯᠡᠲᠡᠭ ᠭᠡᠲᠡᠭ ᠢ ︽ᠶᠤᠸᠠᠨ ᠤᠯᠤᠰ ᠤᠨ ᠲᠡᠥᠬᠡ︾᠂ ︽ᠶᠧᠯᠢᠤᠢ ᠴᠦᠼᠠᠢ ᠶᠢᠨ | ᠨᠠᠮᠲᠠᠷ︾ ᠲᠤ ᠲᠡᠮᠲᠡᠭᠯᠡᠭᠰᠡᠨ ᠪᠠᠶᠢᠨᠠ ᠭᠡᠲᠡᠭ᠃ ︽ᠬᠠᠷᠠ ᠲᠠᠲ᠋ᠠᠷ ᠤᠨ ᠲᠤᠬᠠᠢ ᠬᠡᠷᠡᠭ ᠤᠨ ᠲᠤᠪᠴᠢ︾ ᠳᠤ ︽ | ᠲᠡᠲᠡ ᠲᠦᠯᠬᠡ ᠦᠵᠡᠬᠦ ᠳᠡᠭᠡᠨ ᠬᠤᠨᠢ ᠶᠢᠨ ᠲᠠᠯᠤ ᠶᠢᠨ ᠶᠠᠰᠤ ᠶᠢ ᠰᠢᠲᠠᠭᠠᠵᠤ ᠭᠠᠷᠤᠭᠰᠠᠨ ᠵᠢᠷᠤᠬᠠᠢ ᠶᠢᠨ ᠰᠦᠷᠬᠡᠤ | ᠪᠠ ᠡᠶᠡᠪᠡᠷᠬᠦᠦ ᠶᠢ ᠦᠵᠡᠵᠦ᠂ ᠰᠠᠶᠢᠨ ᠮᠠᠭᠤ ᠢᠷᠸᠠ ᠶᠢ ᠢᠯᠭᠠᠲᠠᠭ᠃ ᠲᠡᠭᠷᠢ ᠶᠢᠨ ᠢᠪᠡᠭᠡᠬᠦ ᠪᠠ ᠡᠰᠡᠬᠦ ᠶᠢ | ᠡᠭᠦᠨ ᠢᠶᠠᠷ ᠲᠤᠭᠲᠠᠭᠠᠮᠤᠢ᠂ ᠡᠭᠦᠨ ᠢ ᠬᠡᠴᠡᠭᠦᠦ ᠢᠲᠡᠭᠡᠵᠦ ᠫᠢᠪᠠ ︵ᠲᠠᠯᠤ︶ ᠰᠢᠲᠠᠭᠠᠮᠤᠢ ᠭᠡᠨᠡ᠃ ᠬᠦᠨᠲᠦ | ᠬᠦᠩᠭᠡᠨ ᠶᠠᠪᠤᠲᠠᠯ ᠭᠡᠵᠦ ᠢᠯᠭᠠᠯ ᠦᠭᠡᠢ ᠡᠷᠬᠡᠪᠰᠢ ᠲᠦᠯᠭᠡᠲᠡᠲᠡᠭ ᠪᠦᠭᠡᠳ ᠪᠠᠰᠠ ᠲᠠᠬᠢᠨ ᠲᠠᠪᠲᠠᠨ ᠲᠦᠯᠭᠡᠲᠡᠵᠦ | ᠦᠵᠡᠬᠦ ᠶᠤᠮ ᠁︾ ᠬᠡᠮᠡᠨ ᠲᠡᠮᠲᠡᠭᠯᠡᠵᠡᠢ᠃ ᠲᠦᠪᠡᠳ ᠮᠤᠩᠭᠤᠯ ᠤᠨ ᠱᠠᠰᠢᠨ ᠤ ᠲᠡᠥᠬᠡ ᠭᠡᠲᠡᠭ ᠨᠤᠮ ᠳᠤ ︽ | ᠮᠤᠩᠭᠤᠯᠴᠤᠳ ᠬᠤᠨᠢᠨ ᠤ ᠲᠠᠯᠤ ᠶᠢ ᠰᠢᠨᠵᠢᠯᠡᠲᠡᠭ ᠤᠴᠢᠷ ᠠᠴᠠ ᠲᠠᠯᠤᠴᠢᠨ ᠭᠡᠵᠦ ᠨᠡᠷᠡᠶᠢᠲᠦᠭᠲᠡᠭᠰᠡᠨ︾ ᠭᠡᠵᠦ | ᠲᠠᠶᠢᠯᠪᠤᠷᠢᠯᠠᠵᠠᠢ᠃ ᠡᠨᠡ ᠪᠤᠯ ᠮᠦᠨ ᠴᠤ ᠡᠷᠲᠡ ᠦᠶᠡ ᠠᠴᠠ ᠮᠤᠩᠭᠤᠯᠴᠤᠳ ᠤᠨ ᠲᠤᠮᠲᠠ ᠲᠠᠯᠤ ᠶᠢᠨ ᠰᠢᠨᠵᠢᠯᠡᠭᠡ | ᠶᠡᠭᠡ ᠪᠠᠷ ᠲᠡᠯᠭᠡᠷᠡᠵᠦ ᠪᠠᠶᠢᠭᠰᠠᠨ ᠤ ᠪᠠᠷᠢᠮᠲᠠ ᠪᠤᠯᠬᠤ ᠶᠤᠮ᠃ ᠠᠷᠪᠠᠨ ᠨᠠᠢᠮᠠᠲᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ ᠦᠶᠡ ᠳᠤ | ᠰᠦᠮᠪᠠ ᠬᠠᠮᠪᠤ ᠢᠰᠢᠪᠠᠯᠵᠤᠤᠷ ︽ᠤᠶᠢᠷᠠᠳ ᠵᠦᠭ ᠤᠨ ᠡᠪᠦᠭᠡᠳ ᠤᠨ ᠬᠤᠨᠢᠨ ᠲᠠᠯᠤ ᠶᠢᠨ ᠰᠢᠨᠵᠢᠯᠡᠭᠡ︾ ᠭᠡᠬᠦ | ᠨᠤᠮ ᠵᠤᠬᠢᠶᠠᠵᠠᠢ᠃ ᠮᠤᠩᠭᠤᠯᠴᠤᠳ ᠤᠨ ᠲᠠᠯᠤ ᠰᠢᠨᠵᠢᠯᠡᠬᠦ ᠵᠠᠩᠰᠢᠯ ᠶᠤᠰᠤ ᠶᠢ ᠬᠠᠮᠤᠭ ᠲᠡᠷᠢᠭᠦᠨ ᠳᠤ ᠡᠮᠬᠢᠳᠬᠡᠨ | ᠬᠡᠪᠯᠡᠭᠰᠡᠨ ᠬᠦᠮᠦᠨ ᠪᠤᠯ ᠢᠰᠢᠪᠠᠯᠵᠤᠤᠷ ᠪᠤᠯᠤᠨᠠ᠃ | ᠲᠠᠯᠤᠨ ᠤ ᠬᠤᠲᠠ᠂ ᠲᠠᠯᠤᠨ ᠤ ᠬᠠᠮᠠᠷ᠂ ᠲᠠᠯᠤᠨ ᠤ ᠪᠠᠷᠢᠭᠤᠯ᠂ ᠲᠠᠯᠤᠨ ᠤ ᠲᠤᠭᠤᠭᠠ᠂ ᠲᠠᠯᠤᠨ ᠤ | ᠤᠮᠤᠭ᠂ ᠬᠤᠯᠠᠭᠠᠶᠢᠴᠢ ᠶᠢᠨ ᠨᠦᠬᠡ ᠭᠡᠬᠦ ᠮᠡᠲᠦ ᠪᠠᠷ ᠬᠤᠨᠢᠨ ᠤ ᠲᠠᠯᠤ ᠶᠠᠰᠤᠨ ᠤ ᠨᠡᠷᠡ ᠤᠯᠠᠨ ᠪᠠᠶᠢᠲᠠᠭ᠃ | ᠲᠠᠯᠤᠨ ᠤ ᠬᠤᠲᠠ ᠠᠭᠤᠵᠢᠮ ᠪᠦᠭᠡᠳ ᠬᠡᠮ ᠦᠭᠡᠢ ᠪᠠᠶᠢᠪᠠᠯ ᠲᠡᠷᠡ ᠠᠶᠢᠯ ᠬᠤᠨᠢ ᠨᠢ ᠦᠷᠡᠵᠢᠵᠦ ᠪᠠᠶᠠᠵᠢᠨᠠ ᠭᠡᠲᠡᠭ | ᠃ ᠲᠠᠯᠤᠨ ᠤ ᠬᠠᠮᠠᠷ ᠵᠤᠵᠠᠭᠠᠨ ᠪᠠᠶᠢᠪᠠᠯ ᠲᠡᠷᠡ ᠠᠶᠢᠯ ᠤᠯᠠᠨ ᠬᠡᠥᠬᠡᠳ ᠲᠠᠢ ᠪᠤᠯᠤᠨᠠ ᠭᠡᠲᠡᠭ᠃ ᠲᠠᠯᠤᠨ ᠤ ᠬᠠᠮᠠᠷ | ᠲᠠᠯᠠ ᠶᠢᠨ ᠰᠡᠵᠢᠭᠦᠷ ᠨᠢᠮᠭᠡᠨ ᠪᠦᠭᠡᠳ ᠬᠤᠷᠴᠠ ᠢᠷ ᠲᠠᠢ ᠪᠠᠶᠢᠪᠠᠯ ᠲᠡᠷᠡ ᠠᠶᠢᠯ ᠤᠨ ᠠᠲᠤᠭᠤ ᠵᠢᠷᠤᠭᠠ | ᠤᠨᠠᠭᠠᠯᠠᠨᠠ ᠭᠡᠲᠡᠭ᠃ ᠬᠠᠮᠠᠷ ᠤᠨ ᠨᠦᠬᠦᠭᠡ ᠲᠠᠯᠠ ᠶᠢᠨ ᠬᠢᠷᠡ ᠳᠠᠬᠢ ᠬᠠᠲᠤᠭᠤᠷ ᠱᠤᠭᠤᠮ ᠬᠦᠨ ᠪᠠᠶᠢᠪᠠᠯ ᠲᠡᠷᠡ | ᠠᠶᠢᠯ ᠤᠨ ᠦᠬᠡᠷ ᠤᠨ ᠴᠤᠪᠤᠭᠠ ᠶᠡᠭᠡ ᠪᠦᠭᠡᠳ ᠦᠬᠡᠷ ᠨᠢ ᠤᠯᠠᠰᠢᠷᠠᠨᠠ ᠭᠡᠲᠡᠭ᠃ ᠲᠠᠯᠤᠨ ᠲᠤᠭᠤᠭᠠ ᠨᠢ | ᠲᠦᠭᠦᠷᠡᠩ ᠪᠠᠶᠢᠪᠠᠯ ᠢᠲᠡᠭᠡᠨ ᠤᠮᠲᠠᠭᠠᠨ ᠢᠶᠠᠷ ᠡᠯᠪᠡᠭ ᠭᠡᠲᠡᠭ᠃ ᠲᠤᠭᠤᠭᠠᠨ ᠤ ᠬᠠᠵᠠᠭᠤ ᠳᠠᠬᠢ ᠲᠤᠪᠤᠭᠤᠷ ᠨᠢ | ᠦᠨᠲᠦᠷ ᠪᠠᠶᠢᠪᠠᠯ ᠲᠡᠷᠡ ᠠᠶᠢᠯ ᠤᠨ ᠤᠮᠤᠭ ᠨᠢ ᠶᠡᠭᠡ ᠭᠡᠬᠦ ᠪᠤᠶᠤ ᠡᠬᠡᠨᠡᠷ ᠨᠢ ᠲᠤᠭᠤᠭᠠ ᠪᠠᠨ ᠦᠩᠬᠡᠶᠢᠵᠦ ᠪᠠᠶᠢᠨᠠ᠂ | ᠬᠠᠷᠠᠮᠴᠢ ᠠᠶᠢᠯ ᠭᠡᠬᠦ ᠮᠡᠲᠦ ᠶᠢᠨ ᠤᠯᠠᠨ ᠵᠦᠢᠯ ᠢᠶᠠᠷ ᠬᠡᠯᠡᠲᠡᠭ ᠶᠤᠮ᠃ ᠲᠠᠯᠤ ᠶᠠᠰᠤ ᠨᠡᠷᠡ ᠤᠯᠠᠨ ᠪᠠᠶᠢᠪᠠᠴᠤ | ᠬᠠᠮᠠᠷ ᠲᠠᠢ ᠲᠠᠯᠠ ᠶᠢ ᠬᠠᠯᠠᠭᠤᠨ ᠲᠠᠯᠠ᠂ ᠬᠠᠮᠠᠷ ᠦᠭᠡᠢ ᠲᠠᠯᠠ ᠶᠢ ᠬᠦᠢᠲᠡᠨ ᠲᠠᠯᠠ ᠭᠡᠵᠦ ᠬᠤᠶᠠᠷ ᠵᠦᠢᠯ ᠢᠶᠠᠷ | ᠬᠤᠪᠢᠶᠠᠨ ᠰᠢᠨᠵᠢᠯᠡᠲᠡᠭ ᠵᠠᠩᠰᠢᠯ ᠲᠠᠢ᠃ ᠰᠢᠨᠵᠢᠬᠦ ᠳᠤ ᠬᠡᠷᠡᠭᠯᠡᠬᠦ ᠲᠠᠯᠤ ᠨᠢ ᠠᠷᠢᠭᠤᠨ ᠲᠠᠯᠤ ᠪᠠᠶᠢᠬᠤ ᠬᠡᠷᠡᠭᠲᠡᠢ | ᠭᠡᠲᠡᠭ᠃ ᠭᠡᠮ ᠦᠭᠡᠢ ᠦᠪᠡᠷ ᠢᠶᠠᠨ ᠲᠦᠬᠦᠭᠡᠷᠡᠵᠦ ᠭᠠᠷᠭᠠᠭᠰᠠᠨ ᠲᠠᠯᠠᠯᠭᠠ ᠪᠤᠶᠤ ᠲᠠᠬᠢᠯᠭᠠ ᠶᠢᠨ ᠰᠢᠭᠦᠰᠤᠨ ᠤ | ᠲᠠᠯᠤ᠂ ᠮᠢᠬᠠ ᠶᠢ ᠨᠢ ᠰᠢᠲᠤ ᠪᠠᠷ ᠬᠡᠮᠯᠢᠭᠰᠡᠨ ᠦᠭᠡᠢ᠂ ᠬᠢᠲᠤᠭᠠ ᠪᠠᠷ ᠰᠡᠪ ᠤᠷᠤᠭᠤᠯᠤᠭᠰᠠᠨ ᠦᠭᠡᠢ ᠲᠠᠯᠤ ᠶᠢ | ᠴᠦᠮ ᠠᠷᠢᠭᠤᠨ ᠲᠠᠯᠤ ᠭᠡᠲᠡᠭ᠃ ᠡᠪᠡᠳᠴᠢᠨ ᠢᠶᠠᠷ ᠦᠬᠦᠭᠰᠡᠨ᠂ ᠴᠢᠨ᠋ᠸᠠ ᠳᠤ ᠪᠠᠷᠢᠭᠲᠠᠭᠰᠠᠨ᠂ ᠤᠷᠤᠭ ᠬᠤᠷᠢᠮ | ᠳᠤ ᠬᠡᠷᠡᠭᠯᠡᠭᠰᠡᠨ᠂ ᠤᠯᠠᠨ ᠬᠦᠮᠦᠨ ᠤ ᠭᠠᠷ ᠲᠠᠮᠵᠢᠭᠰᠠᠨ ᠲᠠᠯᠤ ᠶᠢ ᠭᠡᠷᠡᠭᠯᠡᠲᠡᠭ ᠦᠭᠡᠢ ᠵᠠᠩᠰᠢᠯ ᠲᠠᠢ᠃ ᠵᠠᠷᠢᠮ | ᠠᠶᠢᠯ ᠦᠪᠡᠷ ᠢᠶᠠᠨ ᠬᠡᠷᠡᠭᠯᠡᠬᠦ ᠪᠤᠶᠤ ᠪᠤᠰᠤᠳ ᠲᠤ ᠦᠭᠬᠦ ᠪᠠᠷ ᠪᠡᠯᠡᠳᠭᠡᠵᠦ ᠠᠷᠢᠭᠤᠨ ᠴᠡᠪᠡᠷ ᠲᠠᠯᠤ ᠮᠠᠰᠢ ᠠᠷᠪᠢᠨ | ᠬᠠᠲᠠᠭᠠᠯᠠᠭᠰᠠᠨ ᠪᠠᠶᠢᠲᠠᠭ᠃ ᠲᠠᠯᠤ ᠶᠢ ᠰᠢᠲᠠᠭᠠᠬᠤ ᠦᠶᠡ ᠳᠤ ᠲᠠᠯᠤ ᠰᠢᠡᠵᠢᠭᠴᠢ ᠨᠢ ᠠᠷᠢᠭᠤᠨ ᠴᠠᠭᠠᠨ ᠬᠢᠶᠠᠭ | ᠡᠪᠡᠰᠤ ᠠᠪᠴᠢᠷᠠᠭᠠᠳ ᠲᠠᠯᠤ ᠶᠢᠨ ᠬᠠᠮᠠᠷ ᠤᠨ ᠲᠤᠲᠤᠷᠠ ᠲᠠᠯᠠ ᠪᠠᠷ ᠲᠠᠭᠠᠭᠤᠯᠤᠨ ᠨᠠᠭᠠᠯᠲᠤᠭᠤᠯᠵᠤ ᠲᠠᠯᠤ ᠶᠢᠨ | ᠪᠠᠷᠢᠭᠤᠯ ᠠᠴᠠ ᠪᠠᠷᠢᠵᠤ ᠮᠠᠩᠨᠠᠢ ᠳᠠᠭᠠᠨ ᠡᠷᠭᠦᠨ ᠰᠢᠪᠰᠢᠯᠭᠡ ᠲᠠᠭᠠᠳᠬᠠᠯ ᠬᠢᠨᠡ᠃ ᠢᠩᠬᠢᠭᠡᠳ ᠲᠤᠯᠭᠠᠨ ᠤ | ᠠᠷᠭᠠᠯ ᠤᠨ ᠵᠦᠭᠡᠯᠡᠨ ᠭᠠᠯ ᠳᠤ ᠬᠦᠨᠲᠡᠢ ᠲᠠᠯᠪᠢᠵᠤ ᠰᠢᠲᠠᠭᠠᠨᠠ᠃ ᠵᠠᠪᠠᠯ ᠲᠤᠯᠭᠠᠨ ᠤ ᠬᠤᠶᠢᠲᠤ ᠲᠠᠯᠠ ᠠᠴᠠ | ᠤᠷᠤᠭᠰᠢ ᠬᠠᠨᠲᠤᠭᠤᠯᠤᠨ ᠰᠢᠲᠠᠭᠠᠨᠠ᠃ ᠲᠠᠯᠤ ᠰᠢᠲᠠᠵᠤ ᠪᠠᠶᠢᠬᠤ ᠦᠶᠡ ᠳᠤ ᠬᠠᠮᠲᠤ ᠪᠠᠶᠢᠭᠠ ᠬᠦᠮᠦᠰ ᠤᠨ | ᠬᠡᠨ ᠨᠢ ᠴᠤ ᠭᠡᠰᠡᠨ ᠡᠯᠲᠡᠪ ᠦᠭᠡ ᠬᠡᠯᠡᠵᠤ ᠪᠤᠯᠲᠠᠭ ᠦᠭᠡᠢ ᠶᠤᠮ ᠭᠡᠨᠡ᠃ ᠲᠠᠯᠤ ᠰᠢᠲᠠᠵᠤ ᠪᠠᠷᠠᠭᠰᠠᠨ ᠦᠭᠡᠢ | ᠦᠶᠡ ᠳᠤ ᠬᠠᠪᠴᠢᠭᠤᠷ ᠢᠶᠠᠷ ᠭᠦᠩᠭᠡᠭᠡᠨ ᠠᠪᠴᠦ᠂ ᠵᠠᠰᠠᠵᠤ ᠲᠡᠭᠰᠢᠯᠡᠭᠰᠡᠨ ᠦᠨᠡᠰᠦᠨ ᠲᠡᠭᠡᠷᠡ ᠲᠠᠯᠪᠢᠭᠠᠳ | ᠬᠦᠷᠦᠭᠡᠭᠰᠡᠨ ᠤ ᠲᠠᠷᠠᠭᠠ ᠪᠠᠷᠢᠭᠤᠯ ᠠᠴᠠ ᠨᠢ ᠪᠠᠷᠢᠵᠤ ᠲᠠᠯᠤ ᠶᠢᠨ ᠰᠢᠲᠠᠵᠤ ᠬᠠᠭᠠᠷᠠᠭᠰᠠᠨ ᠵᠢᠷᠤᠭᠠᠰᠤ ᠶᠢ ᠦᠵᠡᠨ | ᠰᠢᠨᠵᠢᠲᠡᠭ᠃ | ᠮᠤᠩᠭᠤᠯᠴᠤᠳ ᠤᠨ ᠬᠤᠨᠢᠨ ᠲᠠᠯᠤ ᠶᠢᠨ ᠲᠤᠬᠠᠢ ᠶᠤᠰᠤ ᠵᠢᠷᠤᠮ ᠲᠤᠩ ᠤᠯᠠᠨ ᠪᠠᠶᠢᠲᠠᠭ ᠶᠤᠮ᠃ ᠵᠠᠷᠢᠮ | ᠠᠶᠢᠯ ᠠᠯᠢ ᠨᠢᠭᠡ ᠲᠤᠷᠤᠢ ᠪᠠᠭᠤᠷᠠᠢ ᠤᠨᠠᠭᠠ ᠲᠠᠭᠠ ᠶᠢᠨ ᠮᠤᠨᠲᠠᠭᠠ ᠳᠤ ᠬᠡᠲᠦ ᠬᠡᠲᠦᠨ ᠲᠠᠯᠤ ᠶᠢ | ᠪᠠᠷᠢᠭᠤᠯ ᠠᠴᠠ ᠨᠢ ᠬᠡᠯᠬᠢᠵᠦ ᠵᠡᠭᠦᠯᠭᠡᠨ ᠲᠠᠯᠪᠢᠲᠠᠭ ᠪᠤᠢ᠃ ᠡᠨᠡ ᠨᠢ ᠠᠲᠤᠭᠤᠨ ᠰᠦᠷᠦᠭ ᠲᠤ ᠴᠢᠨ᠋ᠸᠠ ᠬᠠᠯᠲᠠᠬᠤ ᠶᠢ | ᠬᠤᠷᠢᠭᠯᠠᠲᠠᠭ ᠬᠡᠨᠡ᠃ ᠵᠠᠷᠢᠮ ᠠᠶᠢᠯ ᠲᠠᠬᠢᠲᠠᠭ ᠰᠠᠭᠯᠠᠭᠠᠷ ᠮᠤᠲᠤᠨ ᠳᠠᠭᠠᠨ ᠠᠷᠢᠭᠤᠨ ᠲᠠᠯᠤ ᠭᠡᠵᠦ ᠤᠶᠠᠵᠤ | ᠲᠠᠯᠪᠢᠲᠠᠭ ᠴᠤ ᠪᠤᠢ᠃ ᠵᠠᠷᠢᠮ ᠠᠶᠢᠯ ᠬᠦᠨᠲᠦᠲᠤ ᠵᠤᠴᠢᠨ ᠢᠷᠡᠪᠡᠯ ᠲᠠᠯᠤ᠂ ᠲᠦᠷᠪᠡᠨ ᠦᠨᠲᠦᠷ ᠬᠠᠪᠢᠰᠤ ᠴᠢᠨᠠᠵᠤ | ᠦᠭᠲᠡᠭ ᠴᠤ ᠪᠤᠢ᠃ ᠡᠨᠡ ᠨᠢ ᠬᠤᠨᠢᠨ ᠤ ᠤᠭᠤᠴᠠ ᠪᠠᠷ ᠲᠠᠶᠢᠯᠠᠭᠰᠠᠨ ᠲᠠᠢ ᠲᠡᠩᠴᠡᠲᠡᠭ ᠭᠡᠨᠡ᠃ ᠲᠠᠯᠤ ᠶᠢᠨ | ᠲᠤᠬᠠᠢ ᠴᠡᠭᠡᠷᠯᠡᠬᠦ ᠵᠦᠢᠯ ᠴᠤ ᠤᠯᠠᠨ ᠪᠤᠢ᠂ ᠵᠢᠭᠡ ᠬᠦᠮᠦᠨ ᠨᠠᠭᠠᠴᠤ ᠶᠢᠨ ᠲᠡᠷᠭᠡᠲᠡ ᠲᠠᠯᠤ ᠪᠠᠷᠢᠵᠤ ᠪᠤᠯᠲᠠᠭ ᠦᠭᠡᠢ | ᠃ ᠲᠠᠯᠤᠨ ᠮᠢᠬᠠ ᠶᠢ ᠭᠠᠭᠴᠠᠭᠠᠷ ᠢᠲᠡᠵᠦ ᠪᠤᠯᠲᠠᠭ ᠦᠭᠡᠢ᠂ ᠵᠠᠪᠠᠯ ᠪᠤᠰᠤᠳ ᠲᠤ ᠲᠠᠯᠤᠨ ᠤ ᠬᠠᠭᠤᠲᠠᠰᠤ ᠭᠡᠵᠦ | ᠦᠭᠬᠦᠨ ᠬᠤᠪᠢᠶᠠᠵᠤ ᠢᠲᠡᠬᠦ ᠬᠡᠷᠡᠭᠲᠡᠢ᠃ ᠲᠠᠯᠤᠨ ᠤ ᠶᠠᠰᠤ ᠶᠢ ᠬᠠᠶᠠᠬᠤ ᠳᠤ ᠡᠪᠲᠡᠯᠡᠵᠤ ᠬᠠᠶᠠᠬᠤ ᠬᠡᠷᠡᠭᠲᠡᠢ ᠭᠡᠬᠦ | ᠮᠡᠲᠦ ᠭᠠᠵᠠᠷ ᠭᠠᠵᠠᠷ ᠤᠨ ᠠᠲᠠᠯᠢ ᠪᠤᠰᠤ ᠵᠠᠩᠰᠢᠯ ᠪᠠ ᠲᠠᠯᠤᠨ ᠤ ᠲᠤᠬᠠᠢ ᠲᠤᠮᠤᠭ ᠦᠯᠢᠭᠡᠷ ᠤᠯᠠᠨ ᠪᠠᠶᠢᠲᠠᠭ ᠪᠢᠯᠡ | ᠃ | ︵ᠤᠷᠳᠤᠰ ᠮᠤᠩᠭᠤᠯ ᠰᠦᠯᠵᠢᠶᠠ︶ |